Evran styrkist í kjölfar samþykktar um björgunarsjóð

Evran styrktist gegn dollaranum eftir að Angela Merkel og kristilegir demókratar í Þýskalandi samþykktu að stækka björgunarsjóði evrusvæðanna fyrr í dag. Aukið fjármagn í sjóðina gerir evruríkjunum sautján færi á að aðstoða ríki innan sambandssins enn frekar. Mun líklegra er nú að mögulegt sé að aðstoða Grikkland enn frekar á komandi mánuðum en mikil óvissa hefur ríkt í þar síðustu vikur. En fjárfestar og sérfræðingar eru þó varkárir í yfirlýsingum sínum. Enn á eftir að útlista aðgerðaráætlun hvað varðar vandamálið í Grikklandi og sífellt meiri hætta er á að hrunið dreifist til nærliggjandi landa, Ítalíu og Spánar.