Grétar Rafn í viðtali á Sky: Verðum að taka ábyrgð

Grétar Rafn Steinsson er í viðtali á Sky Sport fyrir leik Bolton á móti Wigan um helgina en leikurinn er einn af þeim mikilvægari í harði fallbaráttu deildarinnar. Grétar Rafn varar við bakslagi hjá Bolton-liðinu eftir stórt tap á móti Sunderland í vikunni.

„Við verðum að herða okkur upp, taka ábyrgð og ná í þessi úrslit sem við þurfum," sagði Grétar Rafn.

„Við náðum góðum úrslitum á móti Wolves og svo frábærum úrslitum á móti West Ham. Við verðum að gefa allt okkar í þennan leik á móti Wigan þannig að við komust aftur á sigurbraut," segir Grétar Rafn.

„Þetta verður magnaður nágrannaslagur og allir eru staðráðnir í að ná réttum úrslitum. Við vitum að stuðningsmennirnir standa við bakið á okkur og þeirra stuðningur skiptir okkur öll máli," sagði Grétar Rafn.

Bolton er eins og er í 14. sæti ensku úrvalsdeildarinnar, sæti og stigi ofar en Wigan og fimm stigum frá fallsæti.