Hálshjuggu sex lögreglumenn

Talibanar réðust í gær á eftirlitsstöð og svæðisskrifstofu í norðurhluta Afganistans. Þar myrtu þeir sex lögregluþjóna með því að höggva af þeim höfuðin.

Talibanar eru gjarnir á að myrða andstæðinga sína á hrottalegan hátt. Þeir nota jafnvel tækifærið til að vígja unglinga í sínar raðir með því að láta þá hálshöggva eða aflima fólk.

Búist var við hrottalegum árásum í gær en þá var alþjóðleg ráðstefna í Kabúl þar sem rætt var um framtíð Afganistans.

Ahmid Kaarzai forseti sagði þar að Afganar vildu vera búnir að taka við stjórn allra sinna mála árið 2014.