Danir treysta kirkjunni

Traust Dana á þjóðkirkjunni sinni hefur aukist umtalsvert að undanförnu þrátt fyrir að krafan um aðskilnað ríkis og kirkju sé áberandi þar í landi. Þetta kemur fram í frétt Kristilega Dagblaðsins sem DR vísar til í dag.

Um 63% svarenda segjast bera mikið traust eða nokkuð mikið traust til kirkjunnar í nýlegri mælingu og er það mikil breyting frá árinu 1990. Þá mældist traustið einungis 47%.

Henning Toft Bro, biskup í Álaborg, telur að niðurstöðurnar bendi til þess að þótt að fólk ræki ekki trú sína mikið með því að koma í kirkju finni Danir sterk tengsl við kirkjuna sína.