Enska B-deildin: Enginn Íslendingur á skotskónum

Það var misjafnt gengi Íslendingaliðanna í ensku B-deildinni í dag en alls voru fjórir Íslendingar á ferðinni þar í dag.

Emil Hallfreðsson var í byrjunarliðið Barnsley sem steinlá fyrir Newcastle, 6-1. Emil fór af velli á 63. mínútu.

Heiðar Helguson var í byrjunarliði Watford sem tapaði fyrir Derby, 2-0. Heiðar var tekinn af velli á 71. mínútu.

Aron Einar Gunnarsson lék allan leikinn fyrir Coventry sem vann góðan útisigur á Peterborough, 0-1.

Kári Árnason lék svo einnig 90 mínútur fyrir Plymouth sem gerði 1-1 jafntefli gegn Preston.