Laura Bush kynnir ævisögu sína

Ólíkt eiginmanni sínum segist Laura Bush, fyrrverandi forsetafrú Bandaríkjanna, vera hlynnt hjónabandi samkynhneigðra og frelsi kvenna til að gangast undir fóstureyðingar.

Laura Bush er um þessar mundir að kynna nýja ævisögu sína. Í viðtali við spjallþáttastjórnandann Larry King, á CNN fréttastöðinni, sagðist hún vera jákvæð gagnvart því að fólk af sama kyni hefði heimild til þess að giftast. Hún hefði varað eiginmann sinn, George Bush yngri, við því að gera málið að kosningamáli í aðdraganda kosninganna 2004.

Laura segir þó að þau hjónin rífist ekki um þessi málefni heldur séu þau sammála um að vera ósammála um þau.