Forstjóri Toyota baðst afsökunar

Akido Toyoda, forstjóri japanska bílaframleiðslufyrirtækisins Toyota, bað í dag bandaríska bílaeigendur og þingnefnd Bandaríkjaþings afsökunar á galla í bílum frá fyrirtækinu sem leiddu til dauða og innköllun milljóna bíla. Hann vottaði aðstandendum þeirra sem látist hafa vegna galla í bílum fyrirtækisins samúð sína.

Að undaförnu hefur Toyota innkallað 8,5 milljónir bíla ýmist vegna galla í bensíngjöf og í bremsu- og stýrikerfi þeirra. Þetta hefur meðal annars leitt til 20 prósenta verðfalls á hlutabréfum í fyrirtækinu.

Forstjórinn sagði að Toyota ætli að framleiða öruggari bíla og taka mið af athugasemdum viðskiptavina fyrirtækisins. Fyrirtækið hefði vaxið of hratt og því miður slegið af kröfum sínum undanfarin ár.