Ancelotti: Kemur ekki til greina að taka Terry úr liðinu

„Þetta var ekki góður dagur," sagði Carlo Ancelotti, stjóri Chelsea, eftir stórtap hans manna á heimavelli gegn Man. City. „Það eina góða við daginn er að við höfum enn eins stigs forskot á toppnum."

Ancelotti vildi ekki kenna markverðinum Hilario um tapið en hann var átakanlega slakur og hefði líklega átt að koma í veg fyrir tvö mörk.

John Terry átti einnig sök að máli í fyrsta markinu. Hann hefur ekki fundið sig sem skildi síðan framhjáhaldshneykslið kom upp en Ancelotti virðist ekki sjá það sem allir aðrir sjá.

„Þetta mál hefur ekki haft nein áhrif á hann. Það kemur ekki til greina að taka hann úr liðinu, það er engin ástæða til þess. Hann er fyrirliði okkar. John Terry gerði engin mistök í þessum leik."