Sneijder: Mourinho mun taka við af Ferguson

Wesley Sneijder, leikmaður Evrópumeistarar Inter, býst við því að Jose Mourinho taki við sem knattspyrnustjóri Manchester United þegar gamli refurinn Sir Alex Ferguson leggur stjórnartaumana á hilluna.

„Ég hef átt mörg djúp og löng samtöl við Jose og ég þori að veðja upp á það að hann taki við af Ferguson," sagði Sneijder í samtali við Daily Star Sunday. „Ég veit að hann vill taka við Manchester United einn daginn. Í hreinskilni sagt tel ég að hann sé líklega eini þjálfarinn í heiminum sem gæti fyllt skarðið sem Alex Ferguson mun skilja eftir sig."

„Þegar Ferguson sest í helgan stein mun þetta gerast held ég. Einn heimsklassa stjóri fer og annar kemur í staðinn. Ég veit að Alex Ferguson mun fá að ákveða sjálfur hver tekur við af sér. Og þó þeir tveir hafi átt í deilum í gegnum tíðina er mikil og gagnkvæm virðing milli þeirra."