Farþegaflug í Bretlandi ekki minna síðan 11. september

Farþegum breskra flugfélaga hefur fækkað svo mjög í efnahagslægðinni að flug hafa ekki verið jafnfá síðan í kjölfar árásanna 11. september 2001.

Þetta sýna tölur bresku flugmálastjórnarinnar svo ekki verður um villst. Flugferðum fækkaði til dæmis um átta prósent í desember miðað við síðustu 12 mánuði þar á undan. Þrátt fyrir þetta heldur breska samgönguráðuneytið því fram að til lengri tíma litið fjölgi farþegunum og muni tala þeirra hafa tvöfaldast árið 2030 miðað við 2007.