Útsendarar 202 og 123 handteknir

Njósnarnir Walter Kendall Myers og eiginkona hans, Gwendolyn Steingraber Myers, hafa verið handtekinn og ákærð fyrir njósnir í Bandaríkjunum.

Þau eru sökuð um að hafa njósnað fyrir kúbversk yfirvöld í Bandaríkjunum síðan árið 1979. Bæði eru þau á áttræðisaldri.

Walter hafði unnið fyrir utanríkisráðuneyti Bandaríkjanna og var með aðgang að mörgum leynilegum upplýsingum samkvæmt FOX fréttastofunni.

Talið er að kúbverskur útsendari hafi nálgast þau árið 1979 þegar þau bjuggu í Norður-Dakóta. Walter var þá ráðlagt að sækja um starf hjá CIA sem og hann gerði.

Hann fékk ekki vinnuna en komst þess í stað að hjá utanríkisráðuneytinu. Hann sérhæfði sig þar í málefnum Evrópu og tengslum utanríkisráðuneytis við löndin í þeirri álfu.

Það var ekki fyrr en útendari FBI kom sér í samband við þau og þóttist sjálfur vera njósnari frá Kúbu sem upp um þau komst. Þá kom jafnframt í ljós að þau höfðu komið skilaboðum til Kúbu í gegnum morskóða.

Talið er að þau hafi hitt Kastró sjálfan árið 1995. Þá fóru þau í gegnum Mexíkó og þaðan til Kúbu. Þau ferðuðust undir dulnefnum.

Kúbverska leyniþjónustan þekkti þau undir dulnefnunum útsendarar 202, sem var Walter og svo útsendari 123 sem var kona hans Gwendolyn.