Enski boltinn

Einn eftirlifenda München-slyssins látinn

Eiríkur Stefán Ásgeirsson skrifar
Alex Ferguson og Albert Scanlon á samkomu í fyrra þegar þess var minnst að 50 ár voru liðin frá flugslysinu í München.
Alex Ferguson og Albert Scanlon á samkomu í fyrra þegar þess var minnst að 50 ár voru liðin frá flugslysinu í München. Nordic Photos / Getty Images

Albert Scanlon, einn þeirra leikmanna Manchester United sem lifði af flugslysið í München árið 1958, lést í gær.

Scanlon var 74 ára gamall og hafði glímt við veikindi í talsverðan tíma, eftir því sem kom fram í yfirlýsingu frá Manchester United.

Átta liðsfélagar Scanlon fórust í slysinu ásamt þremur öðrum. Scanlon fót- og höfuðkúpubrotnaði en tókst að ná sér aftur heilum og spilaði með United tímabilið 1958-59. Hann skoraði alls sextán mörk en United varð í öðru sæti í efstu deild Englands.

Hann fór svo frá United árið 1960 eftir sex ára veru hjá félaginu og átti þá eftir að spila með Newcastle, Mansfield og Lincoln.



Mest lesið


Fleiri fréttir

Sjá meira


×

Mest lesið