Ancelotti: Frank Lampard mun taka næstu vítaspyrnu okkar

Carlo Ancelotti, stjóri Chelsea, ætlar ekki að skipta um vítaskyttu hjá Chelsea þrátt fyrir að Frank Lampard hafi látið Shay Given, markvörð Manchester City, verja frá sér í leik liðanna í gærkvöldi. Klúðrið hans Lampard kostaði Chelsea stig í leiknum.

„Hvað með það. Lampard getur klikkað á víti. Svona hlutir gerast og það er ekkert vandamál. Hann mun taka næsta víti hjá okkur," sagði Carlo Ancelotti.

Frank Lampard hafði ekki klikkað á víti síðan í september 2006 fyrir leikinn í gær en í Chelsea-liðinu eru leikmenn sem taka venjulega víti fyrir landslið sín eins og Didier Drogba og Michael Ballack.