Færeyingar ósáttir við aðgerðarpakka Rasmussen

Danir gáfu Færeyingum langt nef þegar að oddviti ríkisstjórnar þeirra bað forsætisráðherra Danmerkur um að Færeyjar yrðu hluti af fjármálapakka, sem felur í sér ríkisstuðning við bankana.

Kaj Leo Johannesen, lögmaður Færeyja, skrifaði Anders Fogh Rasmussen, forsætisráðherra Danmerkur bréf þann 12. desember 2008 með fyrirspurn um fjármálaaðgerðir en fékk ekkert svar fyrr en mánuði seinna, eða 15 janúar. Svarið sem barst hefur vakið upp mikla reiði, meðal annars hjá Høgna Hoydal þingmanni í Lögþinginu.

Høgni segir að sá pakki sem Danir hafi samþykkt geti engan veginn gagnast Færeyingum. Hann bendir á að þrátt fyrir að Færeyingar séu hluti af Danmörku sé hagkerfið Færeyinga mjög ósvipað og lúti öðrum lögmálum en það danska.