Carrick ánægður hjá United

Miðjumaðurinn Michael Carrick segist vera ánægður með lífið á Old Trafford þó svo hann fái ekki alltaf að spila eins mikið og hann eflaust vildi sjálfur.

Það eru margir frambærilegir miðjumenn hjá United og því skiptir Sir Alex Ferguson um miðjumenn nánast í hverjum einasta leik.

„Ég sé enga ástæðu til þess að yfirgefa þetta félag. Ég er afar hamingjusamur hérna. Maður kemst ekkert hærra en hingað," sagði Carrick sem hefur byrjað í næstflestum leikjum í vetur af miðjumönnum United. Aðeins Darren Fletcher hefur byrjað oftar.