Donovan og Diouf komnir með vinnuleyfi

Þeir Landon Donovan og Mame Biram Diouf eru báðnir komnir með vinnuleyfi í Englandi og geta því spilað með liðum sínum í ensku úrvalsdeildinni á nýju ári.

Manchester United keypti Diouf frá Molde í Noregi í júlí síðastliðnum en hann lék áfram með Molde í haust. Hann hefur fengið leyfi til að spila með United gegn Leeds í ensku bikarkeppninni þann 3. janúar næstkomandi.

Landon Donovan verður lánaður til Everton frá LA Galaxy en Bandaríkjamaðurinn vill nota fríið í MLS-deildinni til að spila í Englandi og undirbúa sig fyrir átökin á HM í Suður-Afríku í sumar.

Donovan verður hjá Everton í tvo og hálfan mánuð.