Harry Redknapp: Það getur enginn mótmælt því að við vorum betra liðið

„Við vorum betra liðið í kvöld, það er enginn sem getur mótmælt því," sagði Harry Redknapp, stjóri Tottenham eftir 3-0 sigur á Manchester City í kvöld.

„Þetta var mjög mikilvægur sigur fyrir okkur eftir slysið á móti Wolves á laugardaginn. Sá leikur sýnir bara það að það er enginn auðveldur leikur í þessari deild," sagði Readknapp.

„Við verðum bara að halda áfram að næla í stig en það er víst að það er ekki auðvelt verkefni í þessari deild," sagði Redknapp en eftir þennan sigur er Tottenham í fimmta sætinu, tveimur stigum frá „Meistaradeildarsætinu".