Sigur hjá Chelsea en jafntefli hjá Arsenal

Chelsea náði aftur þriggja stiga forskoti á toppi ensku úrvalsdeildarinnar er botnlið Portsmouth kom í heimsókn á Stamford Bridge.

Chelsea vann leikinn, 2-1. Nicolas Anelka kom Chelsea yfir á 23. mínútu en Frederic Piquionne jafnaði fyrir Portsmouth snemma í síðari hálfleik.

Wilson braut svo af sér á glórulausan hátt er rúmar tíu mínútur voru eftir af leiknum. Frank Lampard skoraði örugglega úr spyrnunni og tryggði Chelsea öll stigin.

Arsenal varð á sama tíma að sætta sig við jafntefli gegn Burnley. Lokatölur 1-1 þar.

Cesc Fabregas kom Arsenal yfir á 7. mínútu eftir klaufaskap í vörn Burnley. Graham Alexander jafnaðí leikinn úr vítaspyrnu eftir að Vermaelen hafði brotið af sér.

Réttur dómur og Alexander skoraði með því að skjóta á mitt markið.