Hátt í 40 létust í sjálfsmorðssprengingu í Pakistan

Þrjátíu og sjö manns biðu bana og níutíu særðust í sjálfsmorðssprengingu á fundi stuðningsmanna Benazir Bhuttos heitinnar í Parachirans í Pakistan í dag. Sprengjuárásin var gerð á lokadegi kosningabaráttu fyrir þingkosningar sem fara fram í landinu á mánudaginn.

Óhætt er að segja að óöld hafi ríkt í landinu frá því að Bhutto lést, en hún var myrt í Rawalpindi þann 27. desember síðastliðin. Kosningum var þá frestað, en Pervez Musharraf, forseti Pakistan, sagðist í dag vera sannfærður um að kosningarnar á mánudag yrðu frjálsar og sanngjarnar.