Bíll sem nýtist sem kafbátur

Svissneski bílaframleiðandinn Rinspeed hefur búið til bíl sem hægt er að aka á þurru landi en líka hægt að nota sem kafbát. Bíllinn er nefndur Skúba og minnir um margt á Lotus Esprit bíl breska njósnarans James Bond í kvikmyndinni The Spy Who Loved Me. Eigandi Rinspeed segist mikill Bond aðdáandi. Hver bíll kostar jafnvirði um hundrað milljóna króna í framleiðslu. Sérhanna þurfti vélina og tryggja það að bíllinn væri vatnsþéttur. Einnig reyndist erfitt að búa svo um að hægt væri að stýra bílnum í vatni. Stefnt er að því að framleiða takmarkaðan fjölda Skúba bíla og má gera ráð fyrir að þeir verði munaðarvara.