Flugbrautin var í viðgerð

Flugbrautin á Congonhas flugvelli í Sao Paulo í Brasilíu, þar sem farþegaþota fórst með 186 menn um borð, var í viðgerð. Búið var að skipta um yfirborð á flugbrautinni en ekki var búið að grafa frárennslislagnir fyrir regnvatn.

Talið er að slysið hafi orðið með þeim hætti að vélin hafi runnið í bleytu á flugbrautinni. Flugmaðurinn hafi reynt að hífa vélina aftur á loft en mistekist það og hafnað á birgðargeymslu. Forseti Brasilíu Luiz Inacio Lula da Silva, hefur fyrirskipað rannsókn á því hvers vegna flugbrautin var opin þrátt fyrir að framkvæmdum hafi ekki verið lokið.