Hræðileg mistök Lehman kostuðu Arsenal sigur

Arsenal og Blackburn voru rétt í þessu að gera 1-1 jafntefli á Ewood Park. Robin Van Persie kom Arsenal yfir með góðu marki á 18. mínútu en David Dunn jafnaði í seinni hálfleik eftir að Jens Lehman hafði misst skot hans í markið. Þetta eru önnur mistök Lehman á tímabilinu sem kosta Arsenal mark.

Fyrirliði Blackburn, Ryan Nelsen, fékk sitt annað gula spjald þegar skammt var eftir af leiknum og var vísað af velli. Töluvert var um gróf brot í leiknum og ljóst að litlir kærleikar eru á milli liðanna. 

Byrjunarlið Blackburn: Friedel, Nelsen, Samba, Warnock, Bentley, Dunn, Emerton, Gamst Pedersen, Savage, Derbyshire, Santa Cruz.

Byrjunarlið Arsenal: Lehman, Clichy, Gallas, Sagna, Toure, Fabregas, Flamini, Hleb, Eduardo, Walcott.