Ólöglegur og ódýr Kóngulóarmaður í Kína

Nýjasta myndin um Kóngulóarmanninn gengur nú kaupum og sölum í Peking í Kína en myndin verður ekki frumsýnd í kvikmyndahúsum vestra fyrr en í næsta mánuði. Talið er að rétthafar verði af milljörðum króna á ári vegna ólöglegrar fjölföldunar á kvikmyndum og tónlist þar í landi. Bandarísk stjórnvöld hafa margítrekað reynt að þrýsta á stjórnvöld í Kína til að taka harðar á brotum gegn höfundarrétti.

Fyrr í mánuðinum sendu bandarísk stjórnvöld tvær kvartanir til Alþjóðaviðskiptastofnunarinnar vegna viljaleysis kínverskra stjórnvalda til að taka á brotum á höfundarrétti. Markaður í Kína með ólöglegt efni er gríðarlega stór og þar kostar efnið aðeins brot af því sem það annars myndi kosta ef það væri löglegt

Kínversk stjórnvöld segja við ramman reip að draga enda sé erfitt að sannfæra fólk um að betra sé að kaupa löglegar vörur og borga fyrir það margfalt hærra verð. Nú gengur nýjasta myndin um Kóngulóarmanninn kaupum á sölum á götum Pekingborgar en myndina á enn eftir að frumsýna í kvikmyndahúsum vestra. Myndin kostar á svörtum markaðaði rétt rúmlega einn dollar eða í kringum 70 til 80 krónur íslenskar.