Henda um þriðjungi af öllum mat

Bretar henda 6,7 milljónum tonna af mat á ári hverju sem er um þriðjungur þess matar sem þeir kaupa. Meirihluti ruslsins sem af þessu hlýst er urðaður og brotnar niður á urðunarsvæðum með tilheyrandi losun gróurhúsalofttegunda.

Rannsekendur bresku sorphirðunnar telja að um helmingur af matarruslinu sé óætur, tepokar og annað slíkt en það þýðir samt að um 150 af hverjum 1000 krónum sem Bretar eyða í mat fara í súginn. Það hversu miklu rusli Bretar henda árlega er farið að valda ýmsum vandræðum, til að mynda er lítið pláss að verða eftir á urðunarsvæðum.

Þá er talið að til að minnka losun gróðurhúsalofttegunda verði að brýna fyrir fólki að passa betur upp á heimilisruslið.