Enn framin mannréttindabrot í Téténíu

Mannréttindaráðherra Evrópuráðsins sakar yfirvöld í Téténíu um að hafa með skipulögðum hætti notað pyntingar til að fá fram játningar við rannsókn glæpa. Ráðherrann, Thomas Hammarberg, er í þriggja daga heimsókn í héraðinu og þar segist hann þegar hafa orðið vitni að merkjum um alvarleg mannréttindabrot.

Téténía er hérað í Rússland, í norðurhluta Kákasus-fjallana með landamæri að Georgíu. Þar hefur verið barist hart undanfarinn áratug og hafa aðskilnaðarsinnar staðið fyrir fjölmörgum voðaverkum í baráttunni. Átökunum virðist þó vera að ljúka og uppbygging er hafinn í héraðinu. Fyrir nokkrum árum var Grosní, höfuðborg héraðsins, lítið annað en rústir einar en í dag er hún hins vegar eitt stórt byggingasvæði.

En þó stríðinu virðist lokið eru enn framin mannréttindabrot í héraðinu. Til að mynda vitnaði Hammarberg um það að hver einasti fangi sem hann hefur hitt að máli segi frá barsmíðum og pyntingum sem þeir hafi orðið fyrir.