Fogh boðar nýja Evrópustefnu

Nú þegar Evrópusambandið hefur fengið uppfærðan sáttmála um stjórnskipan sína hyggst danska ríkisstjórnin efna til nýrrar þverpólitískrar sáttar um Evrópustefnu Danmerkur. Þessu hét Anders Fogh Rasmussen forsætisráðherra er hann hélt heim á leið af leiðtogafundi ESB í Lissabon í gær.

Allt frá því Danir felldu Maastricht-sáttmálann í þjóðar­atkvæðagreiðslu árið 1992 hafa þeir haft undanþágur frá þátttöku í vissum þáttum ESB-samstarfsins, sem ríkisstjórninni hefur lengi þótt vera orðnar tímaskekkja. Innleið­ingu nýja ESB-sáttmálans vill Fogh Rasmussen nú nýta sem tilefni til að endurskoða Evrópustefnuna í samráði við alla flokka. - aa