Sænskir elgir í danska skóga

Náttúruverndarsamtök Danmerkur hafa nú sett sér að markmiði að auðga fánu landsins um hið tignarlega jórturdýr norðursins, elginn. Þetta einkennisdýr Skandinavíu hefur ekki haldið sig í Danmörku síðan á síðsteinöld fyrir 4.000 árum.

Elgir eru til þess fallnir að „gera Danmörku áhugaverðari“, hefur þýska vikuritið Der Spiegel eftir Poul Hald-Mortensen, varaforseta dönsku náttúruverndarsamtakanna. Að hans sögn er pláss fyrir um 5.000 elgi í skógum á Jótlandi og Sjálandi.

Í Skotlandi er nú einnig komin í gang áætlun um að flytja inn elgi frá Svíþjóð til að sleppa þar úti í náttúrunni.