Loftslagsbreytingar ræddar

Forseti Íslands, Ólafur Ragnar Grímsson, sat í gær fund leiðtoga evrópskra smáríkja um umhverfismál í boði Alberts II fursta í tengslum við smáþjóðaleikana sem hófust í Mónakó í gærkvöldi.

Ítarlega var rætt um þær hættur sem fylgja yfirvofandi loftslagsbreytingum. Fram kom að loftslagsbreytingarnar hefðu meiri áhrif á smáríki en önnur ríki, ekki síst eylönd sem biðu verulegt tjón vegna hækkunar sjávarborðs.

Samþykkt var yfirlýsing þar sem hvatt var til aðgerða til þess að vega á móti útblæstri koltvísýrings í andrúmsloftið.