Slæmar fréttir fyrir Súperman

Vísindamenn klóra sér í kollinum yfir óþekktu steinefni sem fannst í námu í Serbíu og hefur sömu efnasamsetningu og efnið kryptonít sem er eina efnið sem bítur á teiknimyndahetjuna Súperman.

Steinefnafræðingur sem rannsakaði efnið varð forviða þegar hann komst að því að formúla efnisins væri þegar til, þó einungis í skáldskap. Þótt samsetningin sé sú sama eru efnin gjörólík þar sem kryptonít er grænn, geislavirkur, glóandi kristall en steinefnið, sem verður nefnt jadarít, er hvítt, í duftformi og ekki geislavirkt.