Rússar njósna enn jafn mikið

Rússnesk njósnastarfsemi í Bretlandi er jafn mikil í dag og hún var þegar kalda stríðið var í hámarki að því er háttsettur embættismaður hjá breskum stjórnvöldum greindi fréttavef BBC frá.

Paul Lever lávarður, fyrrverandi meðlimur opinberrar nefndar um upplýsingamál, segir að vitað sé um meira en 30 útsendara rússneskra stjórnvalda sem eru að reyna að komast yfir leynilegar upplýsingar á borð við hernaðarleg skotmörk, vísindalega þekkingu og tækni ásamt upplýsingum úr stjórnmálalífi.