Einkaspæjarar í jólaboðum

 Danskir einkaspæjarar hafa óskaplega mikið að gera í desembermánuði, því fjölmargar afbrýðisamar eiginkonur ráða þá til að mæta í jólaboð og hafa auga með eiginmönnunum, segir í frétt ríkisútvarps Danmerkur.

„Við eru fullbókuð allar helgar í desember,“ sagði einkaspæjarinn Sture Baggenæs hjá jósku leynilögreglu- og vaktþjónustunni í Álaborg.

Mæta leynilögregluþjónarnir í stærri jólaboð, en fylgjast með þeim smærri úr bíl sem lagt er nærri þeim stöðum þar sem boðin eru haldin. Í báðum tilfellum elta þeir gjarnan viðfangsefnið eftir að boðinu líkur.

Upphafskostnaðurinn við að ráða danskan einkaspæjara til vinnu eru um 3.300 danskar krónur, að andvirði um 40.000 íslenskar krónur.