Erlent

Búist við lausn í Zimbabve

Útlit er fyrir að til tíðinda draga í dag í viðræðum um framtíðarstjórn Zimbabwe - og um framtíð Roberts Mugabes forseta. Gert er ráð fyrir að þeir Mugabe og Morgan Tsvangerai, leiðtogi stjórnarandstöðunnar, muni setjast niður augliti til auglitis ásamt forseta Suður-Afríku og reyna að leggja lokahönd á samkomulag sem er í burðarliðnum í viðræðunum.

Erlent

Líklegt að sættir náist í Zimbabve á morgun

Líklegt þykir að það dragi til tíðinda í Zimbabve á morgun en búist er við að sættir náist á milli Róberts Mugabe forseta landsins og Morgan Tsvangirai sem bauð sig fram gegn honum á dögunum. Reuters greinir frá því að samningaviðræður þeirra í millum hafi gengið vel og að von sé á yfirlýsingu þess efnis að þeir hyggist stjórna landinu í sameingu. Búist er við því að náist samningar muni Mugabe áfram verða forseti landsins en að Tsvangirai verði útnefndur forsætisráðherra.

Erlent

Frakkar hvetja Rússa til að fallast á vopnahlé

Frakkar, sem fara með forsæti í Evrópusambandinu þessa stundina, hvetja Rússa til þess að samþykkja vopnahlé sem Georgíumenn hafa boðið í Suður-Ossetíu. Í yfirlýsingu frá forsætisnefnd sambandsins segir að vopnahléstilboði Georgíumanna beri að fagna og að Rússar eigi að taka því þegar í stað.

Erlent

Er Maddý í Belgíu?

Lögregla rannsakar nú sögur þess efnis að Madeleine McCann hafi sést í Belgíu. Að því er fréttastofa SKY greinir frá á stúlkan, sem hvarf af hótelherbergi í Portúgal í fyrra, að hafa sést í banka í Brussel í fylgd konu sem virtist vera frá Norður Afríku.

Erlent

Vesturveldin reyna að stilla til friðar

Sameiginleg sendinefnd Evrópusambandsins, Bandaríkjanna og NATÓ heldur til Georgíu í kvöld til þess að reyna að stilla til friðar í deilum Rússa og Georgíumanna í Suður-Ossetíu og Abkasíu. Þetta hefur fréttastofa SKY eftir Des Brown, varnarmálaráðherra Breta og segir hann markmiðið að koma á vopnahléi milli stríðandi fylkinga. Georgíumenn hafa lýst yfir stríðsástandi í landinu og segjast þeir hafa brotið á bak aftur árásir í Abkasíu en að bardagar séu enn í gangi við rússneska hermenn í Suður-Ossetíu.

Erlent

Rússar segja Georgíumenn stunda þjóðarmorð

Erindreki Rússa hjá NATÓ segir að Georgíumenn stundi þjóðernishreinsanir og þjóðarmorð á íbúum Suður-Ossetíu. Hann segir að átökin sem magnast hafa þar síðustu daga sé ekki hægt að kalla neitt annað en Rússneskir hermenn hafa barist við Georgíumenn sem reynt hafa að ná völdum í héraðinu sem lýst hefur yfir sjálfsstæði frá Georgíu. Suður-Ossetar hafa notið stuðnings Rússa í baráttu sinni fyrir sjálfstæði.

Erlent

Átök einnig hafin í Abkasíu

Átökin í Georgíu virðast nú vera að breiðast út en nýjustu fregnir hermað að herflugvélar hafi gert sprengjuárásir á landamærum Georgíu og Abkasíu. Abkasía er, líkt og Suður-Ossetía, sjálfstjórnarsvæði innan landamæra Georgíu sem lýst hefur yfir sjálfstæði.

Erlent

Drap mann og kastaði sér í dauðann

Bandaríkjamaður lét lífið þegar kínverskur maður á fimmtugsaldri réðst á hann og tvo aðra í Pekíng í morgun. Árásarmaðurinn svipti sig lífi eftir árásina með því að stökkva út af háhýsi. Ekki er ljóst hvert tilefni árásarinnar var.

Erlent

Átök magnast í Suður-Ossetíu

Rússneski flugherinn hefur í nótt gert loftárásir á herstöðvar í borginni Gori í Georgíu á meðan georgíski herinn berst við uppreisnarmenn í Suður-Ossetíu. Fjölmargir óbreyttir borgarar hafa fallið. Fréttamenn hafa séð sært fólk flutt í ofboði úr íbúðarbyggingum sem hafa orðið fyrir sprengjum. Sergei Lavrov utanríkisráðherra Rússlands segir að 1500 manns hafi látið lífið.

Erlent

Öryggisráð SÞ boðað til neyðarfundar

Sendiherrar hjá Sameinuðu þjóðunum hafa óskað eftir nýjum neyðarfundi öryggisráðs stofnunarinnar til þess að fara yfir ástandið í Suður-Ossetíu og reyna að koma í veg fyrir að stríð brjótist út.

Erlent

Rússar ráðast á Georgíumenn

Her Rússa er kominn inn í Tskhinvali, höfuðborg Suður-Ossetíu og eru byrjaðir að ráðast á Georgíumenn. Eru þetta fyrstu staðfestu átökin á milli Rússa og Georgíumanna.

Erlent

Hafa áhyggjur af almennum borgurum í Suður-Ossetíu

Alþjóðlegi Rauði krossinn krefst þess að mannúðarlög séu virt í Suður-Ossetíu og hafa þungar áhyggjur af almennum borgurum á svæðinu. Átök fara harðnandi í Suður-Ossetíu á milli Georgíu og aðskilnaðarsinna og eru hermenn Rússlands á leið inn í héraðið til stuðnings aðskilnaðarsinnum.

Erlent

Hvetja til stillingar í Suður-Ossetíu

Evrópusambandið, Bandaríkin og Atlantshafsbandalagið hvöttu í dag deilendur í Georgíu og Suður-Ossetíu til þess að leggja strax niður vopn og hefja þess í stað viðræður.

Erlent

Enn verið að leita í braki

Enn er verið að leita í braki lestar sem skall á hrunda brú í Tékklandi í morgun. Að minnsta kosti sex létust í slysinu en áður var haldið að tíu manns hefðu látist. Um var að ræða EuroCitylest á leið á milli Prag og Kraká.

Erlent

Medvedev heitir því að verja samlanda í Suður-Ossetíu

Forseti Rússlands Dmitry Medvedev heitir því að verja samlanda sína sem eru búsettir í Suður-Ossetíu. Átök brutust út þar í nótt á milli Georgíumanna og heimamanna þegar Georgíumenn umkringdu höfuðborg héraðsins Tskhinvali. Medvedev hét einnig að refsa þeim sem bæru ábyrgð á dauða samlanda sína.

Erlent

Tíu látnir í lestarslysi í Tékklandi

Að minnsta kosti tíu manns eru látnir og meira en hundrað manns særðir eftir að lest klessti á hrunda brú í Tékklandi í morgun. Eru margir slökkviliðsmenn á staðnum að reyna að hjálpa fórnarlömbum slyssins að komast úr lestinni.

Erlent

Hörð átök í S- Ossetíu

Georgíumenn hafa umkringt Tskhinvali höfuðstað Suður - Ossetíu. Harðir bardagar hafa geysað þar í alla nótt og er talið að minnst fimmtán manns hafi fallið.

Erlent

Grunaður um að hafa í hótunum gagnvart Obama

Bandarísk yfirvöld hafa ákært 22 ára gamlan karlmann fyrir að hafa hótað því að myrða Barack Obama forsetaframbjóðanda. Maðurinn heitir Raymond Hunter Geisel. Hann er sagður hafa haft uppi hótanir gagnvart Obama í lok júli og talað niðrandi um kynþátt hans.

Erlent

Ástralska lögreglan upprætir fíkniefnahring

Ástralska lögreglan segist hafa upprætt alþjólegan fíkniefnasmyglhring og gert upptækt mesta magn af alsælu hingað til. Sextán manns hafa verið handteknir í Ástralíu vegna málsins og er búist við að fleiri verði handteknir í Belgíu, Hollandi og á Ítalíu.

Erlent

Ólympiuleikarnir settir í dag

Þjóðarleiðtogar víðsvegar úr heiminum streyma nú til Peking til að vera viðstaddir opnunarhátíð Ólympíuleikanna sem fram fer í kvöld. Talið er að um 10 þúsund manns taki þátt í athöfninni og að fjórir milljarðar manna muni horfa á.

Erlent

Bandarískir karlmenn líklegri til að ættleiða en konur

Bandarískir karlmenn á aldrinum átján til fjörutíu og fjögurra ára eru meira en tvöfalt líklegri til að ættleiða börn en konur á sama aldri. Þetta kemur fram í nýrri skýrslu sem byggð er á gögnum úr rannsókn á fjölskylduþróun sem gerð var í Bandaríkjunum árið 2002.

Erlent

Kínverjar ansa lítt gagnrýni frá Bush

Kínversk stjórnvöld segjast ekki sætta sig við að þjóðhöfðingjar annarra landa blandi sér í innanríkismál þeirra. Að öðru leyti hafa þau vart svarað gagnrýni George W. Bush Bandaríkjaforseta á ástandið í mannréttinda­málum þar í landi.

Erlent

Mest lesið