Erlent

Forseti Taívans vill ekki fá Dalai Lama

Forseti Taívans sagði í dag að ekki sé tímabært að Dalai Lama, andlegur leiðtogi Tíbeta heimsæki eyjuna. Þetta mun ugglaust hugnast Kínverjum sem saka leiðtogann um að reyna að grafa undan stjórn Kína í Tíbet.

Erlent

Sjóræningjar hafa ráðist á 100 skip við Sómalíu

Sjóræningjar hafa ráðist á um 100 skip undan ströndum Sómalíu það sem af er þessu ári og hertekið fjörutíu þeirra. Þegar ræningjar réðust á bandaríska farþegaskipið Nautica á sunnudag skipaði skipstjórinn farþegunum 665 að leita skjóls inni í skipinu og gaf svo allt í botn.

Erlent

80 prósent atvinnurekenda í Svíþjóð brjóta lög um jöfn laun

Rannsóknin á launamun kynjanna í Svíþjóð hefur leitt í ljós að fjórir af fimm atvinnurekendum uppfylltu ekki lög um jöfn laun. Í kjölfar verkefnisins hafa yfir 5000 launþegar fengið laun sín hækkuð í samræmi við lög. Verkefnið er það stærsta sem umboðsmaður jafnréttismála í Svíþjóð hefur staðið fyrir. Þetta kemur fram á vefsíðu Jafnfréttisstofu.

Erlent

Japanskir raunveruleikaþættir stuða Breta

Flóðbylgja japanskra raunveruleikaþátta í bresku sjónvarpi hefur mælst misvel fyrir og eru Bretar gáttaðir á hugmyndaauðgi höfundanna sem þykkir stundum ganga út í öfgar eða tóma vitleysu, eins og til dæmis að draga hálfnakið fólk eftir grýttri jörð.

Erlent

Hryðjuverkamenn taldir beita lífefnavopnum fyrir 2013

Miklar líkur eru taldar á því að hryðjuverkamenn muni beita lífefnavopnum einhvers staðar í heiminum einhvern tímann á næstu fimm árum. Þetta er niðurstaða rannsóknarnefndar sem bandaríska þingið skipaði til að kafa ofan í starfsaðferðir hryðjuverkamanna.

Erlent

Steingerður ormur á Mars?

Könnunarfarið Space Orbiter hefur sent vísindamönnum hjá NASA mynd af fyrirbæri sem líkist mest steingerðum ormi á yfirborði Mars.

Erlent

Norskir bílasalar hagræða ástandsskýrslum til að auka sölu

Minnstur samdráttur hefur orðið í sölu notaðra bíla í Sogni og Fjarðafylki í Noregi þegar tekið er mið af öllu landinu. Salan dróst saman um tæp 20 prósent síðasta árið en sé litið til sölu notaðra bíla í Noregi öllum mælist samdrátturinn 33 og hálft prósent.

Erlent

Andre Tchaikovsky hættir að „leika“ í Hamlet

Konunglega Shakespeare-leikfélagið er hætt að nota höfuðkúpu pólska píanóleikarans Andre Tchaikovsky sem leikmun í hinu fræga atriði þar sem Hamlet heldur á höfuðkúpu hirðfíflsins Yorick og ávarpar hann með orðunum „Æ, vesalings Yorick".

Erlent

Clinton segir íslendinga framarlega í nýtingu jarðvarma

Filippseyingar eru í fararbroddi þegar kemur að því að nýta jarðvarma til rafmagnsframleiðslu en Íslendingar rétt þar á eftir. Þetta sagði Bill Clinton, fyrrverandi Bandaríkjaforseti, við upphaf umhverfisráðstefnu samtaka hans sem hófst í Hong Kong í dag.

Erlent

Bandaríkjamenn vöruðu Indverja við yfirvofandi árás

Bandarísk stjórnvöld vöruðu þau indversku við yfirvofandi árás á Múmbaí áður en hún var gerð. Þetta hefur AP fréttastofan eftir fulltrúum í stjórn Bush, fráfarandi Bandaríkjaforseta. Aðrar heimildir benda til þess að ódæðismennirnir hafi litið svo á að þeir væru að taka þátt í sjálfsvígsárás.

Erlent

Flugvöllurinn lokaður enn um sinn

Alþjóðaflugvöllurinn í Bangkok veður að öllum líkindum lokaður næstu tvær vikurnar þrátt fyrir að mótmælendur sem lokað hafa flugvellinum síðustu daga hafi tilkynnt um brottför sína. Forstjóri flugvalla í landinu segir í samtali við Reuters að mótmælendurnir hafi bakað Tælandi óbætanlegt tjón og að langan tíma taki að koma öllu í samt lag á flugvellinum. Lokanirnar ná til farþegaflugs en flutningavél tók á loft á vellinum í morgun, sú fyrsta í heila viku.

Erlent

Wongsawat dæmdur frá völdum

Tveir stærstu stjórnmálaflokkarnir í ríkisstjórn Taílands hafa verið dæmdir frá völdum af stjórnlagadómstól landsins vegna kosningasvika.

Erlent

Vill tálbeitur til að góma barnaníðinga

Danskir lögreglumenn eiga að fá að beita sér sem tálbeitur á Netinu í þeim tilgangi að lokka barnaníðinga í hendur réttvísinnar. Þetta segir danski dómsmálaráðherrann Brian Mikkelsen.

Erlent

Frú Clinton verður utanríkisráðherra

Barack Obama, verðandi Bandaríkjaforseti tilkynnti opinberlega í dag að hann myndi skipa Hillary Clinton í embætti utanríkisráðherra og að Robert Gates yrði áfram í embætti varnamálaráðherra.

Erlent

Spenna magnast milli Indlands og Pakistans

Spenna hefur magnast milli kjarnorkuveldanna Indlands og Pakistans eftir mannskæðu hryðjuverkaárásirnar í Múmbaí á Indlandi fyrir helgi. Indverjar segja ódæðismennirnir hafa fengið þjálfun í Pakistan áður en þeir hafi ráðist til atlögu.

Erlent

Annar indverskur stjórnmálamaður býður afsögn

Reiði almennings á Indlandi fer vaxandi í kjölfar ódæðisverkanna þar í síðustu viku. Innanríkisráðherra landsins sagði af sér í gær en auk hans hefur nú ríkisstjóri Maharashtra, þar sem Mumbai er staðsett, boðist til að láta af störfum.

Erlent

Tómar vélar mega fara frá Bangkok

Taílensk yfirvöld hafa náð samkomulagi við stjórnarandstæðingana, sem loka tveimur stærstu flugvöllum Bangkok, um að 88 flugvélar sem staddar eru á stærri flugvellinum megi fljúga þaðan tómar

Erlent

Samið við sjóræningja um skip með vopnafarm

Eigendur flutningaskips frá Úkraínu, sem flutti stóran vopnafarm og sómalskir sjóræningjar rændu fyrir rúmum tveimur mánuðum, hafa náð samkomulagi við sjóræningjana um að greiða lausnargjald fyrir skipið sem var á leið til Kenýa.

Erlent

Mest lesið