Andre Tchaikovsky hættir að „leika“ í Hamlet

Konunglega Shakespeare-leikfélagið er hætt að nota höfuðkúpu pólska píanóleikarans Andre Tchaikovsky sem leikmun í hinu fræga atriði þar sem Hamlet heldur á höfuðkúpu hirðfíflsins Yorick og ávarpar hann með orðunum „Æ, vesalings Yorick".

Leikfélagið hefur komist að þeirri niðurstöðu að fjölmiðlaumfjöllun um upprunalegan eiganda höfuðkúpunnar sé orðið helsta áhugamál sýningargesta og við slíkt megi ekki una þegar alvarlegt verk á borð við Hamlet sé á fjölunum. Tchaikovsky hefur því liksins lokið leikferli sínum í Hamlet, enda lést hann úr krabbameini árið 1982.