Fleiri fréttir

Hlutabréf féllu í Bandaríkjunum í dag

Söluhrina skall á undir lok viðskiptadagsins á hlutabréfamörkuðum í Bandaríkjunum í dag með þeim afleiðingum að gengi hlutabréfa féll nokkuð og dró hlutabréfavísitölur niður um rúm tvö prósent.

Samningar um söluna á Sterling í uppnámi

Samningar um söluna á þrotabúi Sterling til áhugasams kaupenda eru komnir í uppnám. Þetta gerðist eftir að samningaviðræður kaupandans, sem ekki hefur verið gefinn upp, við verkalýðsfélög flugmanna og flugliða sigldu í strand í dag.

Engin bónus til Goldman Sachs toppanna í ár

Lloyd Blankfein aðalforstjóri Goldman Sachs og sex aðrir af æðstu stjórnendum bankans munu ekki fá greidda neina bónusa í ár. Þetta ákváðu stjórarnir sjálfir að höfðu samráði við bónusnefnd bankans.

Stærsti banki Kína tapar 10 milljörðum á íslensku bönkunum

Dótturbanki Industrial & Commercial Bank of China (ICBC) í Hong Kong tilkynnti fyrir helgi að hann hefði tapað 600 milljónum HKdollara eða 10 milljörðum kr. á skuldabréfaeign sinni í íslensku bönkunum þremur. ICBC er stærsti banki Kína.

Töpuðu öllu á hruni Carnegie bankans

Það eru fleiri en Milestone sem fóru illa út úr hruni Carnegie bankans í Svíþjóð. Þannig hafa starfsmenn líftryggingarfélagsins Max Mathiessen tapað öllu sínu á hruninu.

Kreppa er skollin á í Japan

Kreppa er nú skollin á í Japan, næststærsta hagkerfi heimsins. Hagvöxtur í landinu hefur verið neikvæður tvo ársfjórðunga í röð. Landsframleiðslan drógt saman á þriðja ársfjóðung um 0,4% en spár höfðu gert ráð fyrir 0,1% vexti.

Lítils háttar hækkun í Asíu í morgun

Hlutabréf á Asíumörkuðum hækkuðu lítillega í verði í morgun, þó ekki bréf fyrirtækja í orkugeiranum en þá lækkun má rekja til áframhaldandi lækkunar olíuverðs.

Þjóðarleiðtogar segjast ætla að vinna saman að lausn

Þjóðarleiðtogar samþykktu á fundi í Washington í gær að vinna saman að lausn alheims fjármálakreppunar. Í lokayfirlýsingu segir að nauðsynlegar endurbætur verði gerðar á fjármálakerfi heimsins. Breytingar verði gerðar á lykilstofnunum á borð við Alþjóðabankanum og Alþjóðagjaldeyrissjóðnum og samkomulag verði klárað fyrir lok ársins sem muni liðka fyrir Dóha viðræðulotunni um fríverslunarsamning.

Belgar brjálaðir út í Kaupþing

Um 500 manns komu saman við íslenska sendiráðið í Brussel í dag og kröfðust þess að fá aðgang að innlánsreikningum Kaupthing Edge. Hróp og köll voru gerð að bankanum og íslensku þjóðinni. Þá var stórri ávísum komið fyrir á útihurð sendiráðsins en tékkinn var upp á 230 milljón evrur sem mótmælendur segja að sé sú upphæð sem Belgar hafi lagt inn á reikning hjá Kaupþingi.

Seychelles-eyjar fá IMF lán

Alþjóðagjaldeyrissjóðurinn hefur samþykkt að veita Seychelles-eyjum milljónalán til að taka á efnahagsvanda sínum. Enn bólar ekkert á ákvörðun um lán til Íslands. Greint var frá því í dag að sjóðurinn hefði ákveðið að lána Seychelles-eyjum á Indlandshafi tuttugu og sex milljóna dala lán vegna þeirra þrenginga sem þetta skuldum vafða eyríki væri í.

Pakistan fær aðstoð frá IMF

Pakistanar ætla að óska eftir sjö komma sex milljóna dala láni frá Alþjóðagjaldeyrissjóðnum svo koma megi á stöðugleika í efnahag landsins vegna greiðsluerfiðleika ríkisins og alþjóðakreppunnar.

G20 funda í Washington

Fundur leiðtoga tuttugu ríkja og fulltrúa helstu alþjóðastofnana um alheimskreppuna hófst í Washington í gærkvöldi með kvöldverði í Hvíta húsinu í boði George Bush, fráfarandi Bandaríkjaforseta.

RBS segir upp þrjú þúsund

Royal Bank of Scotland mun á næstu vikum segja upp 3000 starfsmönnum að sögn breska ríkisútvarpsins, BBC. Tæplega 28 þúsund manns vinna hjá bankanum í dag.

Formlega skollin á kreppa á evrusvæðinu

Kreppa er formlega hafin á evrusvæðinu eftir að nýjar hagtölur sýndu að 0,2 prósenta samdráttur varð í efnahagslífi evrulandanna 15 á þriðja ársfjórðungi.

IMF viðurkennir að Icesave-deilan tefji afgreiðslu lánsins

Talsmaður Alþjóðagjaldeyrissjóðsins viðurkenndi í gærkvöldi að það væri Icesave-deilan sem tefði afgreiðsluna við aðstoð við Íslendinga. Hann sagði á blaðamannafundi að viðræður stæðu yfir um nokkur mál, þar á meðal um skyldur Íslands vegna erlendra innstæðna í bönkunum þremur sem ríkið tók yfir í haust.

Breskir Edge-reikningar virkir í mánuð eftir lokun

Netreikningar Edge hjá Kaupþingi í Bretlandi voru virkir og í notkun í tæpan mánuð eftir að bresk stjórnvöld höfðu yfirtekið bankann og stöðvað viðskipti hans. Ernst & Young sem skipa skilanefnd Kauðpþings í Bretlandi kenna "tölvumistökum" um þetta.

Hann tapar 15.000 kr, á hverri sekúndu

Spilavítaeigandinn Sheldon Adelson er sá Bandaríkjamaður sem tapað hefur mestum fjármunum í sögu landsins. Á hverri sekúndu ársins í ár hefur Sheldon tapað 15.000 kr..

Fall Kaupþings truflar greiðslur fyrir úrvalsdeildarleikmenn

Singer & Friedlander (S&F) bankinn í London, dótturfélag Kaupþings, var umfangsmikill í viðskiptum með leikmenn í ensku úrvalsdeildinni. Eftir fall Kaupþings eru lán vegna margra leikmannakaupa í uppnámi enda stóð S&F að baki mörgum þeirra.

Þýskaland telst nú vera komið í kreppu

Ljóst er að Þýskaland telst nú vera í kreppu. Landsframleiðsla dróst saman í Þýskalandi á þriðja ársfjórðungi um meira en búist hafði verið við eða um 0,5% frá fyrri fjórðungi. Búist hafði verið við 0,2% samdrætti.

Kaupþing óskar eftir afskráningu

Skilanefnd Kaupþings banka hf. hefur óskað eftir því við kauphöllina á Íslandi að viðskiptum með hlutabréf félagsins á Nordic Market verði hætt, samanber lög um kauphallir.

Mafían á Ítalíu elskar fjármálakreppuna

Fjármálakreppan kom eins og himnasending til mafíunnar á Ítalíu. Glæpaklíkan hefur nefnilega getað stóraukið lánastarfsemi sína eftir því sem fleiri bankar hafa lent í lausafjárvandræðum.

Viðræður enn í gangi milli Philip Green og Baugs

Samkvæmt frétt í The Times eru viðræður enn í gangi milli Philip Green og Baugs í Bretlandi um kaup á eignum/skuldum Baugs þar í landi. Talið er að Green hafi næst áhuga á að eignast Mosaic Fashions.

Baugur og Kaupþing selja hlut í French Connection

Unity Investments hefur selt tæplega 3% hlut sinn í verslunarkeðjunni French Connection í Bretlandi. Baugur á um þriðjungshlut í Unity og Kaupþing í Luxemborg var skráð fyrir um 3% hlut. Auk þeirra er Kevin Stanford stór hluthafi.

Enn lækkar í Asíu

Enn lækka hlutabréf á Asíumörkuðum og nú er ástæðan að sögn greiningaraðila almenn svartsýni og óvissa um að nokkuð sé að fara að rætast úr efnahagsástandinu í heiminum.

Ikea-kona valin besti forstjóri Svíþjóðar

Hún er elskuð, virt og dáð af undirmönnum sínum og því hefur sænska tímaritið Chef ákveðið að kjósa Jeanette Söderberg forstjóra Ikea sem besta forstjóra Svíþjóðar á þessu ári.

Gengi Google ekki lægra í þrjú ár

Gengi hlutabréfa í bandaríska netleitarrisanum Google fór niður um 300 bandaríkjadala markið á þarlendum hlutabréfamarkaði í dag en það hefur ekki verið lægra síðan síðla árs 2005.

Talsvert verðfall á Wall Street

Helstu hlutabréfavísitölur í Bandaríkjunum féllu verulega á hlutabréfamörkuðum í dag. Fjárfestar þykja afar svartsýnir um horfur í efnahagsmálum auk þess sem ákvörðun stjórnvalda að kaupa ekki verðbréf og aðra vafninga sem hafa brennt stórt gat í efnahagsreikning banka og fjármálafyrirtækja olli miklum vonbrigðum.

Hong Kong búar kaupa konunglega klæðskerann

Fyrirtækið Hardy Amies, sem er fyrrum opinber klæðskeri Elísabetar Bretadrottningar, hefur verið selt til fjárfestingarfélags í eigu Hong Kongbúa. Félagið, Li & Fung, keypti Hardy Amies fyrir ótilgreinda upphæð að því er segir í Timesonline.

Paulson hættir við að kaupa upp undirmálslán

Henry Paulson fjármálaráðherra Bandaríkjanna hefur gert umtalsverðar breytingar á 700 milljarða dollara björgunarpakka Bandaríkjastjórnar. Hætt er við áform um að kaup upp svokölluð undirmálslán á fasteignamarkaðinum. Í staðinn á að létta undir með öðrum lánum bandarískra neytenda.

Búið að leysa fiskkarakreppuna á Vestfjörðum

Flutningur á fiskikörum til Vestfjarða er aftur kominn í samt horf eftir að forsvarsmenn Umbúðamiðlunar, Samskipa, Eimskipa og fiskmarkaða sátu fund í gærkvöldi og ákváðu að reyna að vinna að lausn á þeim vanda sem skapaðist.

Sjá næstu 50 fréttir

Mest lesið