Nýtt nafn á MP banka og breskir auðkýfingar meðal eigenda

Skipt verður um nafn á MP banka og hann verður eini bankinn á Íslandi sem ekki verður í eigu erlendra kröfuhafa eða ríkisins. Afar fjölbreyttur hópur fjárfesta tekur við, m.a breskir auðkýfingar með lögheimili á aflandseyjum og Skúli Mogensen.

Icesave gæti sett strik í reikninginn

Tap Seðlabanka Íslands nam 13 milljörðum á síðasta ári. Efnahags- og viðskiptaráðherra segir útskýringar á því sem aflaga fór í fjötrum persónuvarnar fyrrverandi formanns bankastjórnar Seðlabankans.

Seðlabankinn tapaði tæpum 14 milljörðum

Tap Seðlabanka Íslands á síðasta rekstrarári nam 13,5 milljörðum króna. Þetta kom fram í ræðu Láru V. Júlíusdóttur, formann bankaráðs, á sérstökum afmælisaðalfundi bankans í dag.

Erlend lausafjárstaða Íslands sjaldan sterkari

Erlend lausafjárstaða þjóðarbúsins hefur stórbatnað en forðinn var í lok febrúar 719 milljarðar króna, sem samsvarar 46 prósentum af landsframleiðslu. Þetta er meðal þess sem kemur fram í ávarpi Más Guðmundssonar, seðlabankastjóra, á 50 ára afmælishátíð Seðlabanka Íslands í dag.

Gift gert að greiða tæpan milljarð fyrir verðlaus verðbréf

Eignarhaldsfélaginu Gift er gert að greiða Landsbankanum rúmar 900 milljónir vegna framvirkra samninga um kaup Giftar á hlutabréfum í Landsbankanum. Hæstiréttur Íslands snéri þar með dómi Héraðsdóms Reykjavíkur sem hafði áður sýknað Gift.

Mikið spurt um lóðir í Kópavogi

Dregið var á milli tveggja umsókna um lóð í Dalaþingi 25 í Kópavogi á fundi bæjarráðs Kópavogs í morgun. Þetta er í annað sinn sem dregið er á milli umsækjenda um lóð í Kópavogi eftir hrun. Kópavogsbæ hefur frá áramótum borist 11 umsóknir um lóðir fyrir sérbýli og 8 fyrir fjölbýli. Á sama tímabili í fyrra var einungis sótt um tvær sérbýlislóðir. Þá eru mikið spurt um lóðir í bænum.

AGS þarf mögulega að gefa afslátt í apríl

Fimmta endurskoðunin á áætlun Íslands og Alþjóðagjaldeyrissjóðsins (AGS) er framundan í þessum mánuði. Svo virðist sem AGS þurfi að gefa afslátt af skilyrðum sínum fyrir því að samþykkja þessa endurskoðun.

Lýsing lifir áfram

Tryggt hefur verið að þeir viðskiptavinir Lýsingar, sem áttu inni fjármuni hjá félaginu í kjölfar gengislánadóma Hæstaréttar, hafi fengið eða muni fá þá að fullu greidda. Í fréttatilkynningu frá Lýsingu segir að nú þegar hafi um 99% einstaklinga sem áttu inni fjármuni eftir endurútreikning bílasamninga fengið inneign sína greidda. Unnið sé að því að ljúka endurútreikningi gagnvart fyrirtækjum.

Danske Bank kynnir greiningu á íslensku efnahagslíf

Lars Christensen, forstöðumaður greiningardeildar Danske Bank, mun næstkomandi þriðjudag, þann 12. apríl, kynna nýja greiningu bankans á íslensku efnahagslífi.

Kaupa hlut í GogoYoko fyrir milljónir

Nýsköpunarsjóðurinn Frumtak hefur fjárfest í tónlistarvefnum GogoYoko fyrir 55 milljónir króna. Viðskiptin eru háð áreiðanleikakönnun sem nú er í gangi, en búist er við því að fjárfest verði fyrir hærri upphæð síðar meir.

Fær ekki starfslokagreiðslu

Gauti Hallsson, framkvæmdastjóri aflþynnuverksmiðjunnar Becromal við Krossanes á Akureyri, sagði starfi sínu lausu á þriðjudag og tók uppsögn hans samstundis gildi.

Gistinóttum fjölgaði um rúm 3% í febrúar

Gistinætur á hótelum í febrúar síðastliðnum voru 80.400 en voru 77.800 í sama mánuði árið 2010. Þetta er aukning um 3% milli ár.

Ósamið um 4,3 milljarða greiðslu

"Þetta er bara í eðlilegum og góðum farvegi," segir Guðmundur Rúnar Árnason, bæjarstjóri í Hafnarfirði, um 4,3 milljarða lán bæjarins sem er á gjalddaga á morgun.

Eigendur Tottenham og Banque Havilland inn í MP Banka

Annar aðaleigandi enska knattspyrnuliðsins Tottenham Hotspur, Joe Lewis, er í nýjum hluthafahópi MP banka. Einnig mun breska Rowland-fjölskyldan, sem keypti rekstur Kaupþings í Lúxemborg og breytti nafninu í Banque Havilland, vera í hluthafahópnum.

Financial Times segir söluferli Iceland hafið

Financial Times segir að slitastjórn Landsbankans sé að hefja söluferlið á verslunarkeðjunni Iceland sem er dýrmætasta eign þrotabúsins.

Fasteignaveltan jókst um 68% í borginni milli ára í mars

Alls var 409 samningum um fasteignir þinglýst í höfuðborginni í mars síðast liðnum. Þetta er rúmlega 68% aukning á fjölda samninga miðað við mars í fyrra.

Skattar komi í veg fyrir framsal kvóta

SjávarútvegurKoma á í veg fyrir kvótaframsal með skattlagningu, samkvæmt óbirtum tillögum Samtaka atvinnulífsins (SA). Samtökin kynntu í fyrradag hugmyndir um að afnotatími útgerða af kvóta verði 35 ár, með möguleika á framlengingu í rúm 52 ár. Þá vilja samtökin að veiðileyfagjald miðist við hagnað fremur en framlegð útgerða.

Greiðir tíu milljarða í arð

Fjárfestingarfélagið Horn hagnaðist um 6,5 milljarða króna í fyrra samanborið við tæpa 4,5 milljarða árið á undan. Horn er dótturfélag Landsbankans og heldur utan um fjárfestingar bankans í skráðum og óskráðum fyrirtækjum.

Lögmenn með ofurhagnað eftir hrun

Nokkrar lögmannsstofur á höfuðborgarsvæðinu eru orðnar meðal stærstu fyrirtækja á Íslandi út frá hagnaði eftir bankahrunið. Tíu stofur skiluðu saman hagnaði upp á 1,6 milljarða króna.

Kvótabreyting gæti skekkt bankakerfið

Ólíklegt er að stjórnvöld samþykki innköllun aflaheimilda á tuttugu árum. Slíkt getur leitt til gjaldþrots þeirra fyrirtækja í sjávarútvegi sem ráða yfir allt að helmingi af aflaheimildum og haft mjög neikvæð áhrif á bankakerfið.

Dótturfélag Landsbankans hagnaðist um 6,5 milljarða

Hagnaður fjárfestingafélagsins Horns nam á síðasta ári 6,5 milljörðum króna, samkvæmt ársreikningi félagsins sem birtur er á vef félagsins.

Sæbýli þróar sjálfbært eldiskerfi

Sæbýli ehf hefur þróað sjálfbært eldiskerfi (SustainCycle ) fyrir botnlæg sjávardýr eins og japönsk sæbjúgu, sæeyru eða ígulker. Sæbýli er nýsköpunarfyrirtæki sem byggir á grunni 20 ára þekkingarsöfnunar á sæeyrnaeldi.

Yfir 600 milljón afgangur hjá Garðabæ í fyrra

Samkvæmt ársreikningi Garðabæjar fyrir árið í fyrra var 611 milljón kr. afgangur af rekstri sveitarfélagsins A og B hluta. Þar af var niðurstaða A hluta jákvæð um 470 milljónir kr.

Vöruskiptin hagstæðari í ár en í fyrra

Fyrstu tvo mánuðina 2011 voru fluttar út vörur fyrir 85,1 milljarð króna en inn fyrir tæpa 67,0 milljarða króna. Afgangur var því á vöruskiptunum við útlönd sem nam 18,1 milljarði en á sama tíma árið áður voru þau hagstæð um 17,8 milljarða á sama gengi. Vöruskiptajöfnuðurinn var því 0,3 milljörðum króna hagstæðari en á sama tíma árið áður.

Góð afkoma hjá Akureyrarbæ í fyrra

Góð afkoma var af rekstri Akureyrarbæjar í fyrra, samkvæmt ársreikningum bæjarins, sem hafa verið lagðir fram.

FME veitir Auði Capital auknar starfsheimildir

Fjármálaeftirlitið (FME) hefur veitt Auði Capital hf. auknar starfsheimildir sem verðbréfafyrirtæki. Fjallað er um málið á vefsíðu eftirlitsins.

Lögin þjóna fyrst og fremst kröfuhöfum

Sigurður G. Guðjónsson hæstaréttarlögmaður segir að lög efnahags- og viðskiptaráðherra sem Alþingi samþykkti í desember þjóni fyrst og fremst kröfuhöfum. Þau séu illa samin og skapi ekki þá sátt sem þau áttu að gera. Hann fullyrðir að þau standist ekki eignaréttarákvæði stjórnarskrár.

Héraðsdómur hafnaði frávísunarkröfu Sigurjóns

Héraðsdómur Reykjavíkur hafnaði í dag frávísunarkröfu Sigurjóns Þ. Árnasonar, fyrrverandi bankastjóra Landsbankans, í máli slitastjórnar bankans gegn honum. Eins og greint var frá í fréttum Stöðvar 2 í byrjun desember hefur slitastjórnin stefnt Sigurjóni og krefst riftunar á 300 milljóna króna greiðslu bankaráðs bankans til Sigurjóns.

Lyfjakostnaður lækkaði um 1150 milljónir

Kostnaður Sjúkratrygginga Íslands vegna lyfja lækkaði um 1150 milljónir króna, eða um 10,7%, í fyrra þrátt fyrir að notkun mæld í dagskömmtum hafi aukist um 5,9%. Þetta kemur fram í frétt á vef Sjúkratrygginga.

Meira en 1200 þúsund lítrar af áfengi seldust

Alls seldust rétt rúmlega 1200 þúsund lítrar af áfengi í mars nýliðnum. Mest seldist af bjór, eða um ein milljón lítrar. Þá seldust um 124 þúsund lítrar af rauðvíni og um 77 þúsund lítrar af hvítvíni.

Metfjöldi ferðamanna þriðja mánuðinn í röð

Alls fóru 26.624 erlendir ferðamenn frá landinu um Leifsstöð í mars síðastliðnum sem er lítilleg aukning, eða um 0,9%, frá því í mars í fyrra. Þrátt fyrir að aukningin varð ekki meiri að sinni þá er líklegt að þetta sé fjölmennasti marsmánuður frá upphafi hvað erlenda ferðamenn varðar og þar með er þetta þriðji metmánuðurinn í röð í þessum efnum.

Gjaldeyrisþörf OR nemur 22% af forða Seðlabankans

Gjaldeyrisþörf Orkuveitu Reykjavíkur (OR) næstu 6 árin er um 22% af tiltækum gjaldeyrisforða Seðlabankans. Samkvæmt mati greiningar Arion banka þarf OR að útvega sér um 100 milljarða kr. í gjaldeyri fram til ársloka 2016.

Hægt að greiða út tæpan þriðjung upp í Icesave

Góð sjóðsstaða hjá þrotabúi Landsbankans gerir það að verkum að hægt er að greiða út 31% af kröfum úr þrotabúinu í dag.

Rekstur N1 hefur verið yfirtekinn af lánadrottnum

Lánadrottnar N1 hafa yfirtekið rekstur félagsins. Þetta kemur fram í tilkynningu sem stjórn N1 hefur sent til Kauphallarinnar.

Skuldatryggingaálag Íslands heldur áfram að lækka

Skuldatryggingaálag á Ísland heldur áfram að lækka öfugt við margar Evrópuþjóðir þar sem álagið fer yfirleitt hækkandi.

Ein hópuppsögn tilkynnt í mars

Vinnumálastofnun barst ein tilkynning um hópuppsagnir í mars, þar sem sagt var upp 15 manns. Um er að ræða aðila í heilbrigðisþjónustu.

Verulega dró úr veltu með gjaldeyri í mars

Verulega dró úr veltunni á gjaldeyrismarkaðinum milli tveggja síðustu mánaða. Veltan í marsmánuði síðastliðnum nam rétt tæpum 3,8 milljörðum króna sem er rúmlega tveggja milljarða króna minni velta en í febrúar.

Ríkið á 400 bújarðir

Íslenska ríkið seldi um tvö hundruð bújarðir í sinni eigu á árabilinu 2000 til 2010. Þorri jarðanna var seldur fram til ársins 2007 en frá og með hrunárinu 2008 hafa samtals tuttugu jarðir verið seldar.

Century varar við óvissu í Helguvík

Erfitt eða ógjörlegt gæti orðið að afla orku til álvers Norðuráls í Helguvík fáist ekki orka samkvæmt fyrirliggjandi samningum við HS Orku og Orkuveitu Reykjavíkur. Þetta kemur fram í ársskýrslu Century Aluminum Co. þar sem fjallað er um áhættuþætti í rekstri.

Útlit fyrir að 90 milljarðar tapist vegna gjaldþrots Milestone

Að óbreyttu mun aðeins eitt til þrjú prósent fást upp í kröfur í þrotabú Milestone, sem var í eigu Karls og Steingríms Wernerssona, að sögn skiptastjóra. Það þýðir að um níutíu milljarðar króna tapast vegna gjaldþrots félagsins.

Vita ekki hvernig á að borga vextina

Meirihluti veit ekki eða vill ekki svara hvernig greiða á áfallna vexti af Icesave III. Þetta eru niðurstöður viðhorfskönnunar sem Miðlun gerði fyrir þjóðmálafélagið Andríki dagana 21. - 28. mars 2011.

Nítján milljarða viðskipti með hlutabréf

Heildarviðskipti með hlutabréf námu 18.799 milljónum í mars eða 817 milljónum á dag. Þessu til samanburðar var veltan með hlutabréf í febrúar 5.540 milljónir eða 277 milljónir á dag. Mest voru viðskipti með bréf Marels 13.560 milljónir, bréf Össurar 3.536 milljónir og bréf Icelandair 1.207 milljónir. Úrvalsvísitalan (OMXI6) lækkaði lítillega á milli mánaða (0,6%) og stendur í tæpum 1.000 stigum.

Seljanlegar eignir Reykjanesbæjar nema 19 milljörðum

Helstu peningalegar og seljanlegar eignir Reykjanesbæjar utan lögbundins hlutverks sveitarfélagsins námu 19 milljörðum kr. í lok mars 2011. Stærsta eignin er skuldabréf Magma Energy Sweden að fjárhæð 8,2 milljarðar kr. sem er á gjalddaga 16. júlí 2016.

Nýherji og Microsoft gera nýjan samning

Nýherji hefur gert Partner Advantage samning við Microsoft sem veitir félaginu aukinn aðgang að sérfræðiþjónustu Microsoft við rekstur og viðhald tölvukerfa.

Hagstofan telur að útflutningur aukist um 2,3% í ár

Útflutningshorfur hafa batnað nokkuð frá nóvemberspánni. Árið 2011 er því spáð að útflutningur aukist um 2,3%. Reiknað er með að útflutningur sjávarafurða verði svipaður og árið 2010 en áður var spáð um 2% samdrætti, en þessa aukningu má m.a. rekja til aukins loðnukvóta.