Fjármálaráðherra segir af sér

Fjármálaráðherra Rússlands, Alexei Kúdrín, sagði af sér embætti í gær. Kúdrín gagnrýndi efnahagsstefnu Dimitrís Medvedev forseta landsins um helgina, eftir að fréttir bárust af því að Medvedev og Vladimír Pútín hygðust skiptast á embættum í forsetakosningum í mars næstkomandi.

Ellefu ára gömul stúlka skaut systur sína í CSI-leik

Ellefu ára gömul stúlka skaut fjórtán ára gamla systur sína í höfuðið þar sem þær voru að leika sér í CSI-leik í bænum Logansport í Indiana í Bandaríkjunum.

Norður-Kórea opnar fyrir erlenda fjárfestingu - Kína og Rússar banka á dyrnar

Kínverskir verkamenn vinna nú hörðum höndum að því að malbika 50 kílómetra langan vegkafla við norður-kóreska strandlengju sem heitir Rason.

Hlupu um götur á nærfötunum - íslensk hugmynd?

Hátt í þrjú þúsund manns hlupu á nærfötunum um götur borgarinnar Salt Lake í Utah í Bandaríkjunum í dag. Þar vildu þau mótmæla ströngum lögum í ríkinu, meðal annars viðhorf löggjafarvaldsins til giftinga samkynhneigðra sem og ströngum áfengislögum.

Komu hreyfiskynjurum fyrir í líkfrystum

Líkhús í Tyrklandi hefur komið fyrir hreifiskynjara í líkfrystum ef svo sérkennilega vildi til að eitthvert líkið risi upp frá dauðum.

Píranafiskar bitu brasilíska baðstrandargesti

Yfirvöld í norðaustur Brasilíu reyna nú hvað þau geta til þess að róa almenning en um helgina voru að minnsta kosti 100 baðstrandargestir bitnir af píranafiskum, en þessir litlu fiskar hafa illt orð á sér enda vel tenntir með afbrigðum.

Gorbachev hefur efasemdir um forsetaframboð Putins

Mikhail Gorbachev, fyrrverandi leiðtogi Sovétríkjanna, varar við stöðnun í Rússlandi ef Vladimir Putin verður aftur forseti landsins í mars eins og búist er við. Putin tilkynnti um helgina að hann myndi gefa kost á sér. Verði hann kjörinn er líklegt að Dmitry Medvedev, núverandi forseti landsins, taki við sem forsætisráðherra. Putin gegndi embætti forseta í tvö kjörtímabil áður en Medvedev tók við árið 2008. Samkvæmt stjórnarskrá landsins mátti hann ekki sitja í þriðja kjörtímabil.

Palestínumálið kominn inn á borð Öryggisráðsins

Öryggisráð Sameinuðu þjóðanna mun í dag taka fyrir umsókn Palestínumanna um að verða fullgilt og sjálfstætt ríki. Búist er við því að umræðan um málið verði að mestu leyti táknræn, enda hafa Bandaríkjamenn tilkynnt að þeir muni beita neitunarvaldi sínu til þess að koma í veg fyrir að tillagan umsóknin hljóti brautargengi.

Unga fólkið líklegra til að taka veikindafrí

Ný rannsókn í Bretlandi leiðir í ljós að starfsmenn undir þrítugu eru mun líklegri til þess að hringja sig inn veika en kollegar þeirra sem komnir eru yfir fimmtugt.

Sýrlenskir skriðdrekar láta sprengjum rigna

Skriðdrekar Sýrlandsstjórnar hafa látið sprengjum rigna yfir bæinn al-Rastan í Homs héraði í alla nótt. Þrír eru sárir að því er mannréttindasamtök segja. Héraðið hefur verið vígi mótmælenda í landinu síðustu sjö mánuði en almenningur krefst þess að forsetinn Bashar al-Assad segi af sér. Rúmlega 2700 almennir borgarar hafa fallið í átökum við stjórnarhermenn frá því átökin hófust.

Sexmenningar ákærðir fyrir að leggja á ráðin um hryðjuverk

Sexmenningarnir sem handteknir voru í viðamikilli aðgerð í Birmingham á Bretlandi í síðustu viku hafa nú verið ákærðir. Fjórir þeirra eru ákærðir fyrir að leggja á ráðin um hryðjuverk í landinu en tveir eru ákærðir fyrir að hylma yfir með hinum. Mennirnir eru á aldrinum 25 til 32 ára gamlir og er talið að þeir hafi ráðgert sjálfsmorðssprengjuárásir í Englandi. Mennirnir eru meðal annars sagðir hafa ferðast til Pakistans til þess að sækja námskeið í sprengjugerð auk þess sem efni til sprengjugerðar hafi fundist á heimilum þeirra.

Vinstri menn taka völdin í efri deild franska þingsins

Úrslit kosninga til efri deildar franska þingsins í gær eru sögð mikið áfall fyrir Nicholas Sarkozy Frakklandsforseta, en vinstrisinnar náðu þar meirihluta í fyrsta sinn í rúma hálfa öld. Kosið var um helming þingsæta í þetta sinnið en alls sitja 348 þingmenn í efri deildinni.

Gríðarleg flóð á Indlandi - minnst áttatíu látnir

Rúmlega tvær milljónir manna hafa þurft að flýja heimili sín í héruðunum Uttar Pradesh og Bihar á Indlandi vegna mikilla vatnavaxta sem hafa færst í aukana síðustu daga. Gríðarlegar monsún rigningar hafa verið á svæðinu í hálfan mánuð og hafa rúmlega áttatíu manns látið lífið í slysum sem tengjast flóðunum. Björgunarsveitum hefur tekist að koma 60 þúsund manns til hjálpar og matvælaaðstoð er hafin til þeirra svæða, sem einangrast hafa sökum flóðanna.

Gat flutt sex tonn af kókaíni

Lögreglan í Kólumbíu hefur gert upptækan 16 metra langan kafbát sem ætlaður var til flutninga á eiturlyfjum. Þetta kom fram á fréttavef Breska ríkisútvarpsins í gær. Kafbáturinn var búinn fullkomnustu siglingatækjum og hefði getað flutt allt að sex tonna farm auk fimm manna áhafnar. Kólumbísku skæruliðasamtökin Farc áætluðu að nota kafbátinn næstkomandi fimmtudag, í samvinnu við önnur eiturlyfjasamtök.

Situr enn sem fastast í skugga blóðbaðs

Ali Abdullah Saleh, forseti Jemens, sem sneri óvænt heim frá Sádi-Arabíu á sunnudag, lætur ekkert uppi um hvenær hann segi af sér. Blóðug átök hafa staðið í landinu í síðustu viku þar sem um 150 manns hafa látist í átökum stjórnarhersins við mótmælendur. Þeir hafa kallað ákaft eftir því að Saleh stígi til hliðar eftir 33ja ára valdatíð sem þykir framar öðru hafa einkennst af spillingu og getuleysi í baráttu við fátækt og glæpi.

Sögðust saklausir í steininum

Tveir bandarískir menn komu til Bandaríkjanna í gær eftir tveggja ára dvöl í fangelsi í Íran. Þeir voru handteknir ásamt unnustu annars þeirra í Kúrdahéruðum á landamærum Írans og Íraks í júlí 2009.

Vann tæpa tvo milljarða á Netinu

Norðmaður á þrítugsaldri frá Hörðalandi í Noregi vann í gær rúmlega 92 milljónir norskra króna, eða næstum því 1,9 milljarða íslenskra kórna, á internetinu í gegnum veðmálasíðuna Betsson. Það má segja að tímakaupið hafi verið ansi gott því hann lagði ekki eina einustu krónu í spilið.

Reynt að stela hátt í 100 þúsund bjórglösum á Októberfest

Yfir þrjár og hálf milljón gesta heimsóttu München í Þýskalandi um helgina til að taka þátt í Októberfest sem þar fer fram. Hátíðin er nú hálfnuð en talið er að um 3,4 milljónir lítra af bjór hafi runnið ofan í gesti á fyrstu sjö dögunum.

Sprengdi sig í loft upp

Að minnsta kosti tíu fórust og sjötíu eru særðir eftir fjórar sprengjur sprungu í borginni Karbala í Írak í morgun. Borgin er um hundrað kílómetrum suðvestur af Bagdad, höfuðborg landsins. Fórnarlömb sprengjanna voru almennir borgarar. Enginn hefur lýst yfir ábyrgð á árásinni.

Ritstjóri dagblaðs myrtur

Maria Elizabeth Macias Castro, þrjátíu og níu ára ritstjóri dagblaðsins Primera Ora í Mexíkó, fannst látin í morgun. Búið var að hálshöggva hana og skilja eftir miða við hliðina á líkinu þar sem glæpagengi sagðist bera ábyrgð á dauða hennar.

Konur fá að kjósa

Konur í Sádí Arabíu munu fljótlega fá kosningarétt og mega bjóða sig fram í kosningum. Abdullah konungur tilkynnti þetta í dag. Hann sagði að konur fengju jafnframt leyfi til að sitja í svokölluðu Shura ráðgjafaráði konungs. BBC fréttastofan segir að aðgerðarsinnar, sem hafa barist fyrir réttindum kvenna, muni fagna þessum breytingum. Í dag ríkja mjög strong lög um réttindi kvenna. Samkvæmt þeim mega konur til dæmis ekki aka bíl, eða ferðast einar utan konungsdæmisins.

Síðasta nautaatið í Barcelona

Tugþúsundir verða viðstaddir þegar spænskir nautabanar berjast við bola í síðasta sinn í Barcelona áður en bann við nautaati tekur gildi í norðausturhéraði Katalóníu.

Messaði yfir 100 þúsund manns undir berum himni

Fjögurra daga heimsókn Benedikts sextánda páfa til heimalands síns, Þýskalands, lauk í morgun.

Ætlar ekki að vinna með Medvedev

Alexei Kúdrín sem hefur verið fjármálaráðherra Rússlands síðustu ellefu árin segist ekki ætla að gegna embættinu áfram verði Dimitri Medvedev núverandi forseti landsins, forsætisráðherra að loknum kosningum.

Fórust í flugslysi við Everest

Nítján ferðamenn létust þegar lítil útsýnisflugvél brotlenti er hún var að gera sig tilbúna til lendingar á flugvelli í Kathmandu í Nepal í morgun. Sextán ferðamenn frá Japan, Indlandi, Nepal og Bandaríkjunum höfðu verið í útsýnisflugi umhverfis Everestfjall, en þeir létust allir ásamt þremur áhafnarmeðlimum frá Nepal. Flugvélin, sem var að gerðinni Beechcraft, rakst á fjall og gjöreyðilaglagðist um tólf kólómetra frá flugvellinum.

Keppandi í X Factor tók upp kynlífsmyndbönd af sjálfum sér

Kynlífshneyksli er komið upp í nýjustu þáttaröðinni af X Factor í Bretlandi. Breska götublaðið The Sun fletti ofan af fortíð hins tvítuga Lascel Wood sem sendi inn "vafasöm" myndbönd af sjálfum sér inn á klámsíðu. Hann fékk svo fimm pund fyrir hvern þann sem hlóð myndbandinu niður.

Verða pirraðir í litlum búrum

Gullfiskar verða pirraðir og árásargjarnir ef þeir eru í of litlum fiskabúrum, eða í fiskabúrum þar sem þeir fá ekki næga örvun. Þetta er niðurstaða vísindamanna við Case Western Reserve-háskólann í Ohio í Bandaríkjunum.

Öreindir fóru örlítið hraðar en ljósið

Vísindamenn í Sviss segjast ekki hafa séð betur en öreindir, sem þeir gerðu tilraunir með í CERN-öreindahraðlinum, hafi farið á 299.798 kílómetra hraða á sekúndu.

Ætlar að drekka brjóstamjólk úr eiginkonunni

Nýbakaður faðir í Bretlandi segist ætla að drekka brjóstamjólk úr konu sinni og ekki borða neitt annað í óákveðinn tíma. Á bloggsíðu mannsins, sem kallar sig Curtis, segir hann að kona sín framleiði alltof mikið af brjóstamjólk að frystirinn hjá þeim er stútfullur af brjóstamjólkinni. Hann ætlar að prófa að drekka mjólkina og skrifa svo á síðu sína hvernig líkaminn bregst við. „Ég veit að þetta hljómar fáránlega, og mér finnst þetta líka fáránlegt en afhverju ekki? Ég meina kúamjólk var búin til fyrir litla kálfa, svo afhverju ekki að drekka brjóstamjólk sem var búin til fyrir lítil börn?“ segir maðurinn.

Baptistina drap ekki risaeðlunar

Ráðgátan um hvarf risaeðlanna fyrir um 65 milljónum ára er enn ekki að fullu leyst.

Harðir bardagar í Sirte

Hersveitir uppreisnarmanna í Líbíu eru nú komnar í miðborg Sirte og hafa að minnsta kosti tveir hermenn úr þeirra röðum fallið í hörðum bardögum sem hafa geisað í dag.

Gera myndir eftir hugsunum

Vísindamönnum tókst nýverið að búa til hreyfimyndir með því að fylgjast með heilastarfsemi fólks. Tæknin gæti í framtíðinni gert fólki mögulegt að fylgjast með hugsunum sjúklinga í dái, eða hlaða draumum sínum á netið í formi kvikmynda.

Mótmæli í Jemen

Að minnsta kosti sautján hafa látið lífið og yfir 60 eru særðir eftir mótmæli í Sanaa, höfuðborg Jemen, í nótt og í morgun.

Tíunda hvert barn getið í glasi

Aldrei hafa eins mörg dönsk börn verið getin með glasafrjóvgun líkt og á síðasta ári þegar níu prósent fæddra barna voru getin á þann hátt.

Stungin af marglyttu

Sundkappinn Diana Nyad var stungin af marglyttu aðeins eftir nokkra klukktíma í sinni þriðju tilraun að synda frá Kúbu til Flórída í Bandaríkjunum.

Talinn hafa notað illa fengið fé í kosningabaráttu

Nicolas Bazire, kaupsýslumaður og fyrrverandi stjórnmálamaður, var svaramaður þegar Nicolas Sarkozy Frakklandsforseti kvæntist fyrirsætunni Cörlu Bruni fyrir þremur árum. Hann er nú grunaður um að hafa notað fé sem franska ríkið fékk fyrir sölu á kafbáti til Pakistans í baráttu Edouards Balladur fyrir forsetakosningarnar 1995.

Líkir málflutningi við aðferðir Göbbels

Áfrýjun bandarískrar skólastúlku sem hlaut dóm fyrir að myrða vinkonu sína á Ítalíu fyrir fjórum árum, var tekin fyrir í gær. Málið hefur vakið heimsathygli, en saksóknari líkir málflutningi lögmanns hennar við taktík áróðursmálaráðherra Hitlers.

Pútín ætlar í forsetaframboð

Vladimir Pútín ætlar að bjóða sig fram til forseta Rússlands á nýjan leik en Dmitry Medvedev núverandi forseti landsins mun gegna forystuhlutverki fyrir flokk sinn í komandi þingkosningum.

Segir gömlu leiðina ekki lengur færa

Palestínumenn fögnuðu ákaft þegar Mahmoud Abbas hafði lagt fram umsókn um fulla aðild Palestínuríkis að Sameinuðu þjóðunum. Fjöldi fólks hélt út á götur á Vesturbakkanum til að fagna ræðu forseta Palestínustjórnar á allsherjarþingi Sameinuðu þjóðanna. Fögnuður ríkti einnig víða í arabaríkjunum fyrir botni Miðjarðarhafs.

Harmleikur í Lundúnum: Móðir og fimm börn brunnu inni

Fjörutíu og eins árs gömul kona og fimm börn hennar létust í eldsvoða í norðvestur hluta Lundúna í nótt. Börnin sem létust voru á aldrinum tveggja til fjórtán ára.

Ekki vitað hvar gervihnötturinn brotlenti

Sérfræðingar bandarísku geimvísindastofnunarinnar NASA segja gervihnöttinn UARS, sem stefnt hefur á jörðina í nokkurn tíma, hafa brotlent í nótt. Þó er ekki vitað hvenær eða hvar.

Ná samkomulagi um frið fyrir lok árs 2012

Fulltrúar Miðuaustarlandakvartettsins svokallaða, sem er skipaður af Sameinuðu þjóðunum, Evrópusambandinu, Bandaríkjunum og Rússlandi, og er leiddur af Tony Blair, lögðu á það áherslu í gær að Ísraelar og Palestínumenn færu aftur að samningaborðinu með sérstaka tímaáætlun með það að markmiði að ná samkomulagi um frið fyrir desember 2012.

Kviðdómur valinn í málinu gegn lækni Michaels

Dómari í máli ákæruvaldsins gegn Conrad Murray, sem var læknir poppkóngsins Michaels Jackson, valdi í dag kviðdómendur. Tvö ár voru liðin í júní síðastliðnum frá því að Jackson dó. Murray var svo ákærður fyrir manndráp af gáleysi í febrúar í fyrra en hann er grunaður um að hafa gefið Jackson ofskammt af svefnlyfjum.

Moore hvetur fólk til að sniðganga Georgíu

Kvikmyndagerðarmaðurinn Michael Moore hvetur til þess að viðskiptatengslum við Georgíufylki í Bandaríkjunum verði slitið. Tilgangurinn yrði að mótmæla aftökunni á Troy Davis frá Savannah fyrr í vikunni. Davis var, sem kunnugt er dæmdur, fyrir um tuttugu árum síðan, en mikill vafi lék á sekt hans.

Páfinn hitti þolendur kynferðisofbeldis

Benedikt XVI páfi hitti þolendur kynferðisbrota af hálfu presta í Þýskalandi í dag og sýndi þeim samhug sinn, segir í tilkynningu frá Vatíkaninu. Samkvæmt frásögn AP fréttastofunnar stóð fundur páfa með fimm þolendum yfir í einn og hálfan klukkutíma.