Saleh snýr aftur og vill vopnahlé

Forseti Jemens, sem snéri óvænt aftur til heimalands síns í morgun, vill koma á vopnahléi á milli mótmælenda og hersins. Saleh hefur síðustu þrjá mánuði verið í Sádí Arabíu að ná sér eftir að reynt var að ráða hann af dögum með eldflaugaárás. Saleh, sem verið hefur við völd í þrjátíu ár hefur, mætt mikilli mótmælaöldu í landinu síðustu mánuði. Upp á síðkastið hafa átök mótmælenda og stjórnarhermanna færst mikið í vöxt og er talið að um áttatíu manns hafi fallið frá því á sunnudag. Heimildir BBC herma að hinir látnu hafi flestir verið óvopnaðir mótmælendur.

Efnavopn finnast í Líbíu

Uppreisnarmenn í Líbíu segjast hafa fundið birgðir efnavopna í eyðimörkinni sem Múammar Gaddafí fyrrverandi leiðtogi landsins hafi komið sér upp. Talið var að Líbíumenn hefðu eytt efnavopnabirgðum sínum árið 2004 en það var hluti af samningi sem Bretar gerðu við landið með það að markmiði að laga samskipti Líbíu og vesturlanda. Eftirlitsstofnanir hafa þó haldið því fram að Líbíumenn hafi haldið eftir tæpum tíu tonnum af sinnepsgasi og þær birgðir virðast nú vera komnar í ljós.

Abbas sækir um aðild fyrir Palestínu í dag

Forseti Palestínumanna mun í dag sækja um fulla aðild Palestínu að Sameinuðu þjóðunum. Mahmoud Abbas ætlar að sækja um aðildina með því að senda formlegt bréf til Ban Ki Moon framkvæmdastjóra Sameinuðu þjóðanna stuttu áður en hann heldur ræðu á Allsherjarþinginu sem nú stendur yfir.

Hélt sex konum í kynlífsánauð - ríkið bannaði fréttaflutning af málinu

Rúmlega þrítugur slökkviliðsmaður frá Kína hefur verið handtekinn fyrir að hafa haldið sex konum í ánauð í kjallara húss síns. Þá myrti maðurinn tvær konur og gróf þær grunnri gröf í einu horni kjallarans.

Eggert borgaði umboðsmanni 160 milljónir þegar Lucas Neill var keyptur

Fyrrverandi umboðsmaður knattspyrnumanna, Peter Harrison, fer hörðum orðum um peningasukkið í enska fótboltanum í Daily Mail í morgun. Eggert Magnússon, þáverandi stjórnarformaður West Ham, borgaði Harrison rúmlega 160 milljónir króna í þóknun þegar Lucas Neill var keyptur til West Ham í janúar 2007.

Afstæðiskenning Einsteins í hættu

Vísindamenn telja sig hafa fundið efni sem fer hraðar en ljósið. Sé uppgötvunin rétt, er afstæðiskenning Alberts Einstein þar með fallin.

Sutherland og Glover leiða saman hesta sína

Stórleikarinn Kiefer Sutherland mun bráðlega sjást á ný í sjónvarpi í þáttum sem hafa fengið nafnið Touch. Eins og mörgum er kunnugt um sló Kiefer Sutherland rækilega í gegn í þáttunum 24 eftir að leikaraferill hans hafði verið í lægð um nokkra ára skeið. Lítið hefur spurst til leikarans frá því að sýningu á 24 lauk í fyrrai, þangað til að Fox sjónvarpsstöðin tilkynnti í gær að von væri á þáttunum í sýningu á sjónvarpsstöðinni.

Bandaríkjamenn gengu út af Allsherjarþingi Sameinuðu þjóðanna

Fulltrúar Bandaríkjanna, Frakklands og fleiri vestrænna ríkja gengu af fundi á Allsherjarþingi Sameinuðu þjóðanna í dag eftir að forseti Íran réðst að Ísraelum í ræðu sinni á þinginu og kallaði hryðjuverkaárásirnar þann 11. september 2001 „ráðgátu"

Minnsta kona í heimi 69 sentimetrar

Bridgette Jordan tuttugu og tveggja ára gömul kona frá Illinois í Bandaríkjunum var á dögunum útnefnd minnsta kona í heimi af heimsmetabók Guinness. Jordan er um 69 sentimetrar á hæð.

Gervihnöttur á leið til jarðar - myndband

Myndband náðist af bandarískum gervihnettinum fyrir ofan Frakkland þegar hann brann upp í lofthjúpi jarðar um miðjan mánuðinn. Áætlað er að gervihnötturinn muni lenda á jörðinni þann 24. september næstkomandi.

Fjaðrafok í fjármálaheiminum: Hlutabréf hríðfallið um allan heim

Hlutabréf hafa hríðfallið í dag en Dow Jones vísitalan hefur lækkað um tvö og hálft prósent og FTSE 100 vísitalan hefur fallið um meira en fimm prósent síðan fjármálamarkaðir opnuðu í dag.

Sprengja sprakk í Pakistan

Fimm manns fórust og þréttán slösuðust þegar að sprengja sprakk í vegarkanti á þjóðvegi nálægt þorpinu Bajur í norðvesturhluta Pakistan í morgun. Talíbanar í landinu höfðu aðsetur í bænum þar til pakistanski herinn bolaði þeim burt árið 2008. Síðan þá hefur herinn sagt að uppreisnarmennirnir séu á bak og burt en þrátt fyrir það halda hryðjuverk áfram á svæðinu í kringum þorpið. Enginn hefur lýst yfir ábyrgð á sprengjunni í morgun.

Messar yfir 70 þúsund manns í Berlín

Benedikt sextándi páfi er nú í sinni fyrstu opinberu heimsókn í heimalandi sínu, Þýskalandi. Hann mun ferðast víðsvegar um landið og ræða við kaþólika en um 25 milljónir íbúa Þýskalands eru kaþólikar.

Troy Davis tekinn af lífi í Georgíu þrátt fyrir allt

Troy Davis sem dæmdur hafði verið fyrir morð á lögreglumanni í Georgíu í Bandaríkjunum árið 1989 var tekinn af lífi í gærkvöldi. Aftökunni var frestað á elleftu stundu í gærkvöldi, en aðeins um nokkra klukkutíma og fregnir af því að Hæstiréttur Bandaríkjanna hefði skorist í leikinn voru ekki á rökum reistar. Árið 1991 var Davis dæmdur til dauða en efasemdir hafa komið upp um framburð vitna og mörg þeirra höfðu raunar dregið frásagnir sínar til baka eftir að dómurinn var kveðinn upp. Davis sjálfur hélt ætíð fram sakleysi sínu.

Aftökunni frestað á elleftu stundu

Aftöku Troy Davis, sem fara átti fram nú í kvöld, í fangelsi í Virginíu í Bandaríkjunum var frestað á elleftu stundu. Ástæðan er sú að Hæstiréttur í Bandaríkjunum ákvað að taka sér frest til þess að skoða betur hvort taka ætti upp mál Davis að nýju.

Lögregluþjónar ákærðir fyrir manndráp af gáleysi

Tveir lögregluþjónar í borginni Fullerton í Kaliforníu gætu átt yfir höfði sér margra ára fangelsi fyrir að hafa orðið geðsjúkum manni að bana með rafbyssu. Mennirnir voru ákærðir í gær.

Ævisaga Assange kemur út

Um þessar mundir er að koma á markað ævisaga Julian Assange, sem þekktastur er fyrir að hafa stofnað WikiLeaks uppljóstrunarsíðuna. Bókin kemur út í óþökk Assange sjálfs. Útgefendur segja í samtali við BBC að Assange hafi skrifað undir samning um bókina þann 20 desember síðastliðinn. Hann hafi svo setið með rithöfundi í meira en 50 klukkustundir þar sem viðtöl við hann voru hljóðrituð. Svo ákvað Assange að hætta við. Útgefendurnir hjá Canongate Books segja að þá hafi verið ákveðið að birta bókina án samþykkis Assange og án þess að upplýsa hann um það hvenær hún kæmi út.

Dómari neitar að þyrma lífi Davis

Fátt virðist koma í veg fyrir að Roy Davis verði tekinn af lífi í fangelsi í Virginíufylki í kvöld. Davis hefur um tuttugu ára skeið setið á dauðadeild, grunaður um að hafa myrt lögreglumann á frívakt árið 1989. Brian Kammer, lögmaður hans, fór í dag fram á að mál hans yrði tekið upp aftur en því var hafnað.

Hljómsveitin R.E.M. hætt

Hljómsveitin R.E.M. er hætt eftir að hafa starfað í 31 ár. Þetta var tilkynnt á vefsíðu hljómsveitarinnar í dag. Á starfsferli sínum gaf hljómsveitin út 15 plötur. Nýjasta platan, Collapse Into Now, kom út í mars á þessu ári. Tímaritið Rolling Stone segir að sögur hafi verið á kreiki um það á dögunum að hljómsveitin hefði komið saman í hljóðveri í sumar, en óvíst er hvort eitthvað kemur úr þeirri vinnu.

Hvetja fólk á Íslandi til að mótmæla aftöku fanga

Íslandsdeild Amnesty International hvetur fólk til að mótmæla yfirvofandi aftöku Troy Davis fyrir utan bandaríska sendiráðið klukkan fjögur í dag. Davis var dæmdur til dauða árið 1991 fyrir morð á lögreglumanni og verður tekinn af lífi með banvænni sprautu í fangelsi í Georgíufylki í kvöld.

Aldrei fleiri horft á Two and a Half Men

Talið er að um 30 milljónir Bandaríkjamanna hafi horft á síðasta þátt af gamanþættinum Two and a Half Men sem er mesti fjöldi frá því að þættirnir hófu göngu sína árið 2003.

Nýtt Facebook kynnt á morgun - miklar breytingar í vændum

Facebook mun gjörbreyta viðmóti síðunnar í þessari viku. Sumir íslenskir notendur hafa nú þegar tekið eftir einhverjum breytingum en samkvæmt heimildum erlendra fjölmiðla mun stærsta breytingin verða gerð á morgun.

Fellibylurinn Roke ógnar Fukushima

Fellibylurinn Roke stefnir nú að japönsku borginni Fukushima sem varð afar illa úti í jarðskálftanum og flóðbylgjunni sem fylgdi í kjölfarið í mars síðastliðnum. Gríðarlegar rigningar fylgja fellibylnum og óttast menn að geislavirk efni gætu borist út í sjó þegar stormurinn skellur á kjarnorkuveri borgarinnar sem enn er laskað eftir flóðbylgjuna.

Fundu 35 lík úti á götu í Mexíkó

Að minnsta kosti 35 lík fundust í vegarkanti í gær í mexíkanska ríkinu Verakruz. Líkin fundust í tveimur flutningabílum sem lagt hafði verið nálægt verslunarmiðstöð í borginni Boca del Rio. Búið er að bera kennsl á sjö líkann og er þar um að ræða menn sem hafa langar sakaskrár. Enn er þó allt á huldu um hver stóð að baki morðunum.

Fyrrverandi forseti Afganistans myrtur

Afganski stjórnmálamaðurinn Burhanuddin Rabbani sem um tíma var forseti landsins var myrtur á heimili sínu í gærkvöldi þegar tveir menn fóru inn til hans og sprengdi sig í loft upp.

Obama hittir Abbas í dag

Barack Obama Bandaríkjaforseti ætlar í dag að hitta Mahmoud Abbas á fundi í New York en þar stendur nú yfir allsherjarþing sameinuðu þjóðanna. Palestínumenn ætla á föstudaginn kemur að sækja um fulla aðild að Sameinuðu þjóðunum en Bandaríkjamenn hafa þegar lýst því yfir að þeir muni neita slíkri beiðni í Öryggisráðinu. Nú keppast menn við að reyna að koma í veg fyrir að til þess þurfi að koma að Bandaríkjamenn beiti neitunarvaldi og á meðal hugmynda sem ræddar hafa verið er að Abbas leggi formlegt bréf fyrir Öryggisráðið þar sem þess er óskað að ríkið verði viðurkennt sem fullgildur meðlimur. Með því að senda bréf þyrfti öryggisráðið ekki að greiða atkvæði um tillöguna heldur aðeins að ræða hana.

Faldar myndavélar á snyrtingum

Bandarískur karlmaður hefur stefnt Starbucks kaffihúsakeðjunni vinsælu. Ástæðan er sú að fimm ára gömul dóttir hans fann falda myndatökuvél á snyrtingu á einu kaffihúsanna í Washington.

Herlífið gekk sinn vanagang

Innan Bandaríkjahers kipptu sér fáir upp við að samkynhneigðum hermönnum væri á hádegi í gær loksins leyft að tala opinskátt um kynhneigð sína, þrátt fyrir margra ára deilur um afnám lygakvaðar þeirra.

Sextánhundruð heimili eyðilögðust í eldum

Nærri sextánhundruð heimili eyðilögðust í eldum í miðhluta Texasfylkis í Bandaríkjunum í mánuðinum. Yfirvöld telja að upphaf eldanna megi rekja til þess að tré hafi fallið á rafmagnslínur.

Meira en milljón Japana flýr heimili sín

Meira en milljón manns í miðhluta Japan hefur ýmist verið ráðlagt, eða skipað, að yfirgefa heimili sín vegna fellibyljarins Roke sem er að nálgast landið.

Bygging hrundi á strætisvagn

Betur fór en á horfðist þegar bygging á mótum 125. strætis og St. Nicholas breiðgötu í Harlem í New York hrundi á strætisvagn í dag. Þrettán manns, þar á meðal tveir lögregluþjónar, voru fluttir á sjúkrahús þar sem gert var að minniháttar sárum sem þeir hlutu.

Hollywoodstjarna handtekin

Hollywoodleikarinn Tom Sizemore, sem lék í myndunum Saving Private Ryan og Black Hawk Down, var handtekinn í Los Angeles í dag.

Dæmdur á skilorð fyrir að hóta Piu

Fimmtán ára gamall piltur var dæmdur í skilorðsbundið fangelsi í Danmörku í dag fyrir að birta hótanir, í garð Pia Kjærsgard formanns Danska Þjóðaflokksins, á Facebook.

Tekinn af lífi á fimmtudaginn

Hinn 42 ára gamli Troy Davis verður tekinn af lífi með banvænni sprautu fangelsi í Georgíufylki aðfaranótt fimmtudagsins, gangi fyrirætlanir yfirvalda þar eftir. Hann var dæmdur sekur um morð í Svannah í Georgíu árið 1989. Aftökunni hefur verið frestað fjórum sinnum og það finnast ekki efnislega sannanir fyrir sekt hans. Amnesty International segjast óttast að verið sé að refsa röngum manni.

Geymdi lík frænku sinnar í frysti til að fá ellilífeyrinn

Fjörutíu og sjö ára gamall karlmaður frá bænum Neuhofen í Austurríki hefur játað að hafa geymt lík gamallar frænku sinnar í frysti í marga mánuði.

Lestarslys í Þýskalandi - 50 slasaðir

Um fimmtíu manns slösuðust þegar lest fór út af sporinu í austuhluta Þýskalands í dag. Slysið varð með þeim hætti að lestin rakst á bifreið sem hentist á teinana þegar annar bíll ók á hana. Bílstjórinn náði að forða sér áður en lestin skall á bílnum af fullu afli. Þrír lestarvagnar fóru á hliðina og eru níu alvarlega slasaðir. Hinir farþegarnir slösuðust minna.

Leita að veggjakrotara

Lögreglan í Lundúnum leitar nú að veggjakrotara sem er grunaður um að hafa krotað á hús, skóla og minnismerki um alla borgina. Tjónið er talið hlaupa á einni milljón punda, eða um 185 milljónum króna.

Gaddafí segir Nato skorta úthald

Bardagar standa enn yfir í Líbíu, mánuði eftir að uppreisnarmenn náðu völdum í höfuðborginni Trípólí. Uppreisnarmenn segjast nú hafa náð á sitt vald hluta borgarinnar Sabha, sem er eitt af síðustu vígjum stuðningsmanna Gaddafís fyrrverandi einræðisherra. Hann sendi frá sér ávarp í morgun.

Tölvuþrjótar réðust á japanskan vopnaframleiðanda

Japanski vopnaframleiðandinn Mitsubishi varð fyrir árás tölvuþrjóta á dögunum samkvæmt fréttavef breska ríkisútvarpsins. Forsvarsmenn fyrirtækisins segja þrjótana ekki hafa komist í viðkvæmar upplýsingar.

Charlie Sheen sættist við Warner Bros

Stórleikarinn Charlie Sheen og kvikmyndaframleiðandinn Warner Bros eru við það að ná samkomulagi vegna málaferla sem sá Sheen efndi til eftir að hann var rekinn úr þáttunum Two and a Half Men.

Fjölskylda Milly Dowler fær milljónir frá Murdoch

Fjölskylda Milly Dowler, skólastúlkunnar sem var myrt í Bretlandi árið 2002, mun fá tvær milljónir punda, eða 370 milljónir íslenskra króna í bætur frá fjölmiðlarisanum News International. Mál Dowler komst aftur í heimsfréttirnar í sumar þegar í ljós kom að blaðamenn News of the World höfðu brotist inn í talhólf hennar á meðan hennar var enn leitað, og eytt út skilaboðum úr símanum.

Vilja banna myndir þar sem reykt er innan átján

Tóbaksvarnananefnd Bretlands fer fram á það í nýrri skýrslu að allar bíómyndir þar sem fólk sést reykja verði bannaðar innan átján ára aldurs. Skýrslan er birt í nýjasta hefti British Medical Journal og þar segir að kvikmyndirnar fegri sígarettureykingar og geri þær spennandi í augum ungs fólks og barna.

Telja Gaddafí vera í Bani Walid

Bráðabirgðastjórn byltingarmanna í Líbíu telur sig hafa öruggar heimildir fyrir því að Saif al Islam, sonur Múammars Gaddafí, sé í Bani Walid. Líklegt þykir að Gaddafí sjálfur sé þar einnig.

Stjórnvöld virðast ráðþrota

Flóðin í Pakistan hafa kostað meira en 200 manns lífið síðustu vikurnar. Nærri 700 þúsund heimili eru ónýt og hátt í tvær milljónir manna hafa hrakist að heiman. Þetta er annað árið í röð sem stórflóð herja á íbúa landsins. Stjórnvöld virðast varla ráða við að takast á við þennan vanda.

Reikistjarna á braut um tvær sólir

Bandaríska geimvísindastofnunin (NASA) tilkynnti fyrir skömmu um fund reikistjörnu sem gengur á braut um tvær sólir.