Ná samkomulagi um frið fyrir lok árs 2012

Fulltrúar Miðuaustarlandakvartettsins svokallaða, sem er skipaður af Sameinuðu þjóðunum, Evrópusambandinu, Bandaríkjunum og Rússlandi, og er leiddur af Tony Blair, lögðu á það áherslu í gær að Ísraelar og Palestínumenn færu aftur að samningaborðinu með sérstaka tímaáætlun með það að markmiði að ná samkomulagi um frið fyrir desember 2012.

Hillary Clinton, utanríkisráðherra Bandaríkjanna, lagði í gær á það ríka áherslu að áætlun kvartettsins yrði fylgt, en Bandaríkjamenn hafa lýst sig andsnúna umsókn Palestínumanna um aðild að Sameinuðu þjóðunum og gefið í skyn að neitunarvaldi verði beitt í Öryggisráðinu um umsóknina, en frá þessu er greint í Jerusalem Post.