Veiðiþjófur villti á sér heimildir

Varðskipið Þór stóð nýverið rækjubát að meintum ólöglegum togveiðum í Kolluál undan Svörtuloftum á Snæfellsnesi. Við nánari eftirlit varðskipsmanna kom í ljós að skráður skipverji var ekki staddur um borð og reyndi óþekktur maður að villa á sér heimildir, eftir því sem fram kemur á vef Landhelgisgæslunnar. Athæfið er litið mjög alvarlegum augum. Varðskipsmenn vísuðu bátnum til hafnar þar sem lögreglan af höfuðborgarsvæðinu tók á móti skipstjóranum og yfirheyrði hann. Lögreglan mun síðan taka ákvörðun um áframhald málsins.

Fjögur ung börn slösuðust í nágrenni við Selfoss

Tilkynnt var um átta slys um helgina í umdæmi lögreglunnar á Selfossi, öll í sumarbústaðabyggðum eða nágrenni þeirra. Í fjórum tilvikum var um ung börn að ræða. Tveggja ára barn féll aftur fyrir sig á hnakkann og annað á sama aldri slasaðist á róluvelli, fimm ára barn féll tvo metra úr koju niður á gólf í sumarbústað, ekið var á sjö ára dreng á Flúðum og 11 ára stúlka fótbrotnaði eftir stökk úr 3ja metra hæð ofan í Litlu Laxá við Flúðir.

Hrafnhildur úr landi eftir frumsýningu á mynd Ragnhildar Steinunnar

Heimildarmyndin "Hrafnhildur“ verður frumsýnd í Bíó Paradís í kvöld. Eins og Vísir hefur áður greint frá er fylgst með kynleiðréttingaferli Hrafnhildar, allt frá því að hún er strákur og heitir Halldór. Hrafnhildur hefur sjálf ekki séð myndin og segist í samtali við Vísi vera pínu kvíðin. "Það er pínu kvíði og ég er búin að koma því þannig fyrir að ég er á leiðinni til Spánar strax um nóttina. Þannig að ég horfi bara á myndina og fer síðan til Spánar,“ segir hún.

Hjónin Brynjar og Arnfríður sækja um stöðu hæstaréttardómara

Hjónin Arnfríður Einarsdóttir héraðsdómari og Brynjar Níelsson hæstaréttarlögmaður eru bæði á meðal umsækjenda um embætti tveggja dómara við Hæstarétt Íslands, sem auglýst voru laus til umsóknar í byrjun júlí. Alls bárust sjö umsóknir um embættin en umsóknarfrestur rann út 1. ágúst. Auk hjónanna eru á meðal umsækjenda þeir Benedikt Bogason og Helgi I. Jónsson, en þeir eru báðir settir hæstaréttardómarar.

Grunur um íkveikju í Arnari

Grunur leikur á að kveikt hafi verið í Arnari ÁR-55 í Þorlákshöfn í gærmorgun. Lögreglan á Selfossi sem rannsakar brunann leitaðið til tæknideildar lögreglunnar á höfuðborgarsvæðinu og leiddi sú rannsókn í ljós að um íkveikju væri að ræða. Eldurinn kom upp í svampdýnu sem staðsett var í vinnslurými bátsins. Allir þeir sem orðið hafa varir mannaferða á bryggjum hafnarinnar, fótgangandi á bílum eða á annan máta, eða annars staðar í Þorlákshöfn á tímabilinu frá kl. 04:00 til 07:30 í gærmorgun eru beðnir að hafa samband við lögreglu í síma 480 1010.

Ekki tímabært að ræða hækkun á leigu

"Ég held að það sé ekki tímabært að ræða hækkun á leigu," segir Katrín Jakobsdóttir, mennta- og menningarmálaráðherra um þær hugmyndir sem reifaðar eru í Fréttablaðinu í dag um að Íslenska óperan og Sinfóníuhljómsveit Íslands greiði hærri leigu fyrir afnot af Hörpu. Þannig sé hægt að bregðast við rekstrarvanda Hörpunnar en eins og komið hefur fram í fréttum er gert ráð fyrir að rekstrartap Hörpu verði 407 milljónir á árinu.

Íslendingar eru hæstir á ÓL

Samkvæmt breska tímaritinu The Guardian eru íslensku Ólympíufararnir hæstir allra en meðalhæð þeirra 1.9 metrar. Vafalaust má þakka handboltalandsliðinu fyrir þann heiður.

Crowe ekki hrifinn af brennivíni

Tökur á stórmyndinni um Nóa og örkina hans fara fram í Reynisfjöru í dag. Leikstjóri myndarinnar birti í gær mynd sem tekin var í fjöruborðinu.

Eldur af völdum flugeldatertu í Heiðmörk

Eldur kviknaði í gróðri í Heiðmörk í gærkvöldi, af völdum flugeldatertu. Eldurinn logaði nokkuð langt frá veginum þannig að slökkviliðsmenn þurftu að leggja langar slöngur til að koma vatni á vettvang, en úr því gekk slökkvistarf vel.

Ólíklegt að Rice verði varaforsetaefni

Leiðtogar Repúblikanaflokksins í Bandaríkjunum tilkynntu í gær Condoleezza Rice, sem áður gegndi embætti utanríkisráðherra í ríkisstjórn Georg W. Bush, myndi ávarpa fundargesti á ráðstefnu flokksins í Flórída seinna í þessum mánuði.

Fyrirmynd Mount Doom gýs

Miklar tafir hafa orðið á flugi og öðrum samgöngum eftir að eldgos hófst í fjallinu Tongariro á Nýja-Sjálandi í nótt. Rúm öld er liðin síðan eldfjallið gaus síðast.

Margir héldu til veiða í nótt

Mörg fiskiskip héldu til veiða í nótt, en þó var heldur minni kraftur í strandveiðibátum en oft áður. Nú má aðeins veiða á þremur svæðum af fjórum, þar sem búið er að stöðva veiðar á svæðinu frá Snæfellsnesi inn í Ísafjarðardjúp þar sem kvótinn er búinn.

Þjóðhátíðargestir komnir í land

Herjólfur sigldi með þjóðhátíðargesti til lands langt fram á nótt, eða þar til hann var bundinn við bryggju í Eyjum klukkan fjögur.

Afsláttur í takt við stórsigur

Atlantsolía ætlar að fara að fordæmi Olís, og dótturfélagsins ÓB og veita 17 króna afslátt af bensínverði í dag, eftir 17 marka stórsigur íslenska handboltaliðsins á því breska í gær.

Landinn hélt rólegur heim úr fríinu

Ekki er vitað um nein slys eða óhöpp þrátt fyrir mikla umferð víða um land í gær og fram á kvöld. Umferðin dreifðist óvenju vel að sögn lögreglu, því margir lögðu snemma af stað heimleiðis, og þó nokkrir voru ekki á ferðinni fyrr en eftir að umferðarþunginn er að jafnaði mestur, enda blíðviðri um allt land.

Ferðamenn bíða í röð við leiði Fischers

Það er ekki hægt að segja annað en að það sé töluverð umferð. Það eru alltaf þó nokkrir bílar og ein til tvær rútur á dag sem koma við,? segir Halldór Þórarinsson, sem býr að Laugardælum. Leiði Bobby Fischers er orðinn vinsæll áfangastaður ferðamanna.

Vilja að sinfónían og óperan greiði tvöfalt hærri húsaleigu

Stjórnendur Hörpu vilja að greiðslur frá Sinfóníuhljómsveit Íslands og Íslensku óperunni vegna nýtingar þeirra á aðstöðu í húsinu verði hækkaðar úr 170 milljónum króna á ári í 341 milljón króna. Með því á að bæta rekstur hússins.

Stefnir í bótakröfumál á báða bóga

Harðar deilur standa nú á milli sveitarfélaga á Suður- og Austurlandi og ferðaþjónustufyrirtækisins Bíla og fólks. Nú hefur Samband sveitarfélaga á Austurlandi (SSA) látið setja lögbann á akstur fyrirtækisins milli Egilsstaða og Hafnar og í júlíbyrjun fóru Samtök sveitarfélaga á Suðurlandi (SASS) fram á lögbann á akstur fyrirtækisins þar. Það var samþykkt en þó ekki fylgt eftir.

Páll og Tryggvi hætta í Þjóðhátíðarnefnd

Þeir Páll Scheving Ingvarsson, formaður Þjóðhátíðarnefndar ÍBV, og Tryggvi Már Sæmundsson, framkvæmdastjóri ÍBV, hyggjast ekki gefa kost á sér til áframhaldandi setu í nefndinni. Var þetta tilkynnt eftir brekkusönginn í Herjólfsdal á sunnudag sem er hápunktur Þjóðhátíðar hvert ár. Greindi RÚV frá því í gær að þeir Páll og Tryggvi efuðust um að þeir nytu fulls trausts og velvildar samfélagsins í Eyjum til að stýra hátíðinni áfram.

Bæjarfulltrúi ekki aðili að skuldamáli Mosfellsbæjar

StjórnsýslaInnanríkisráðuneytið hefur vísað frá kæru Jóns Jósefs Bjarnasonar, fulltrúa minnihluta Íbúahreyfingarinnar í bæjarstjórn Mosfellsbæjar, vegna afgreiðslu bæjarráðs á skuldamáli. Ráðuneytið segir bæjarfulltrúa ekki hafa kærurétt þar sem hann eigi ekki aðild að málinu. "Mér finnst þetta út í hött. Ráðuneytið á að verja lýðræðið og með þessu eru þeir að standa gegn því. Þeir eru að taka af bæjarfulltrúunum réttinn til að setja fram formlega skoðun á málinu," segir Jón.

Við spilum í úrvalsdeildinni

Á dögunum var Lava frá Brugghúsinu í Ölvisholti valinn besti bjórinn í flokki reyktra bjórtegunda á Opna bandaríska bjórmótinu. Hólmfríður Helga Sigurðardóttir og Vilhelm Gunnarsson ljósmyndari heimsóttu bruggmeistarann Jón Elías Gunnlaugsson á æskuslóðirnar í Ölvisholti og komust að því að hann hefur sett sér háleitt framtíðarmarkmið: Að búa til besta bjór í heimi.

Hefur líf þróast annars staðar en á jörðinni?

Við erum skrefi nær því að geta svarað þeirri spurningu hvort líf hafi þróast annarsstaðar en á Jörðinni. Þetta segir rektor Háskólans í Reykjavík um lendingu geimjeppans Curiosity sem lenti á Mars í morgun. Sjálfur starfaði hann í áratug hjá NASA og finnst hann eiga svolítið í tækinu.

Komu akandi til að blása

Umferðin um landið hefur gengið vel í dag. Fjölmargir hafa nýtt sér þá þjónustu lögreglunnar að fá að blása í áfengismæli áður en lagt er af stað. Þá er talið að umferðin þyngist með kvöldinu.

Fjöldi þeirra sem hafa verið atvinnulausir í 12 mánuði áhyggjuefni

Fjöldi þeirra sem hefur þegið bætur í 12 mánuði eða lengur er áhyggjuefni að mati forstjóra Vinnumálastofnunar. Þá er ekki útilokað að atvinnuleysið aukist aftur í haust þegar tímabundnum aðgerðurm stofnunarinnar lýkur en atvinnuleysi mælist nú 5,2 prósent.

Myndir frá síðasta kvöldi Þjóðhátíðar

Mikil stemming var á Þjóðhátíð í gær en þá var síðasta kvöld hátíðarinnar sem staðið hefur yfir síðan á föstudag. Fjölmargir listamenn komu fram þar á meðal stórstjarnan Ronan Keating, Botnleðja og Árni Johnsen söng brekkusönginn fyrir viðstadda. Að því loknu var kveikt á 138 rauðum blysum, eitt fyrir hvert ár sem Þjóðhátíð hefur verið haldin. Svo var sungið Lífið er yndislegt sem ómaði um alla eyjuna enda 15 þúsund manns sem tóku undir. Okkar maður í Eyjum, Óskar P. Friðriksson, var með myndavélina á lofti og myndaði það sem fyrir augu bar. Hægt er að skoða myndirnar hér til hliðar.

105 þúsund viðskiptavinir keyptu 620 þúsund lítra

Íslendingar keyptu 620 þúsund lítra af áfengi í vikunni fyrir Verslunarmannahelgi en það er um 9 prósent aukning frá sama tíma í fyrra. Á föstudaginn keyptu Íslendingar 225 þúsund lítra af áfengi en það er þó minni sala en árið áður þegar keyptir voru 250 þúsund lítrar á þessum degi. Fólk var heldur skynsamara í ár því fleiri keyptu áfengið á mánudegi fram á fimmtudag. Mesta aukning er í ávaxtavíni, eða 120 prósent.

Umferð farin að þyngjast

Umferð er farin að þyngjast á þjóðvegum landsins enda verslunarmannahelgin senn á enda. Varðstjóri hjá lögreglunni á Selfossi segir að fleiri bílar fari í gegnum bæinn með hverjum klukkutímanum og sömu sögu er að segja í Borgarnesi.

Þrjár nauðganir, tvær alvarlegar líkamsárásir og aldrei fleiri fíkniefnamál

Þrjár nauðganir eru til rannsóknar hjá lögreglunni í Vestmannaeyjum eftir Þjóðhátíðina sem lauk í gærkvöldi. Konurnar sem hafa kært kynferðisbrotin eru 17 ára, 18 ára og 27 ára. Nauðganirnar áttu sér allar stað inni í Herjólfsdal. Aldrei hafa fleiri fíkniefnamál komið upp á Þjóðhátíð og tvær alvarlegar líkamsárásarkærur liggja á borði lögreglu eftir helgina.

Ronan Keating sáttur eftir Þjóðhátíð

Söngvarinn Ronan Keating tróð upp í Herjólfsdal í gærkvöldi við mikinn fögnuð viðstaddra en hann er sjálfur mjög sáttur með hvernig til tókst. Á Twitter-síðu sína skrifar hann að áhorfendur í Vestmannaeyjum hafi verið frábærir en söngvarinn steig á svið um klukkan 22 í gærkvöldi. "Kominn aftur til Reykjavíkur eftir ótrúlega tónleika. Frábærir áhorfendur. Nú ætla ég að sofa í fjóra klukkutíma. Góða nótt allir. ,“ skrifar hjartaknúsarinn. Mikil stemming var í Herjólfsdal í gær og er talið að um 15 þúsund manns hafi verið í Dalnum þegar mest lét.

Tvö kynferðisbrot kærð í Eyjum

Tvö kynferðisbrot voru kærð til lögreglunnar í Vestmannaeyjum eftir nóttina, annað um miðnætti en hitt nú undir morgun. Samkvæmt upplýsingum frá varðstjóra áttu brotin sér stað inni í Herjólfsdal. Atvikin eru nú í rannsókn hjá lögreglu en nánari upplýsingar fást ekki þar sem rannsóknin er á viðkvæmu stigi.

Innbrotsþjófur gripinn glóðvolgur

Hann var óheppinn þjófurinn sem var stöðvaður í miðju innbroti á Akureyri klukkan sex í morgun. Að sögn varðstjóra hjá lögreglu tilkynntu nágrannar um að verið væri að brjótast inn íbúðarhús í bænum og fóru lögreglumenn strax á vettvang. Þar var þjófurinn að athafna sig en að sögn lögreglu er maðurinn góðkunningi lögreglunnar í bænum eftir helgina en hann hefur alloft komið við sögu lögreglu síðustu daga. Hann var mjög ölvaður og verður tekin skýrsla af honum síðar í dag þegar áfengisvíman er runnin af honum.

Kýldi annan á Ráðhústorginu

Karlmaður gisti fangageymslu á Akureyri í nótt eftir að hafa ráðist á annan mann á Ráðuhústorgi bæjarins rétt fyrir miðnætti. Sá sem varð fyrir árásinni er ekki alvarlega slasaður en tekin verður skýrsla af árásarmanninum í dag. Nokkur erill var hjá lögreglu, mikið um hávaða og ölvunarútköll en engin alvarleg mál sem komu upp. Einn var tekinn fyrir ölvunarakstur og þá fylgdust lögreglumenn með opnunartíma skemmtistaða bæjarins.

Ronan Keating söng fyrir þjóðhátíðargesti

Ronan Keating steig á svið í Vestmannaeyjum á ellefta tímanum í kvöld. Hátt í fimmtán þúsund manns buðu írska söngvarann velkominn.

Ekkert sem toppar Hvíta húsið

Fjölmiðlamaðurinn og stjórnsýslufræðingurinn Gunnar Sigurðsson lítur á söngkonuna Helgu Möller sem súperstjörnu. Hvorugt þeirra er fyrir útihátíðir en þeim mun hrifnari af golfíþróttinni göfugu. Kjartan Guðmundsson hitti rökstólapar vikunnar.

Ronan Keating: Frábært partí í kvöld

Írska poppstjarnan Ronan Keating mætti til Eyja síðdegis en hann segist hlakka til að spila þar í kvöld þrátt fyrir lítinn svefn. Við hittum á hann á Reykjavíkurflugvelli í dag.

Laus úr haldi og neitar sök

Tuttugu og tveggja ára karlmaður, sem kærður var fyrir nauðgun í Herjólfsdal aðfaranótt laugardags, hefur verið látinn laus úr haldi lögreglu. Hann var yfirheyrður síðdegis í dag og samkvæmt upplýsingum frá lögreglu neitar hann sök.

Enn í gæsluvarðhaldi vegna kókaínsmygls

Rannsókn lögreglu á smygli á kókaíni hingað til lands í lok maí síðastliðnum er lokið og samkvæmt upplýsingum fréttastofu er búist við að málið verði sent til ríkissaksóknara á næstu vikum. Maður á fertugsaldri, og kona á þrítugsaldri, sitja enn í gæsluvarðhaldi vegna málsins.

Bráðkvaddur í Herjólfsdal

Rétt fyrir miðnætti barst lögreglunni í Vestmannaeyjum tilkynning um mann sem misst hafði meðvitund í brekkunni í Herjólfsdal. Samkvæmt upplýsingum frá lögreglu voru læknir, hjúkrunarfræðingur, bráðatæknir og lögreglumenn nærstaddir og hófust lífgunartilraunir þegar í stað og var þeim haldið áfram á sjúkrahúsi en báru ekki árangur. Um er að ræða heimamann og í tilkynningu frá lögreglu segir að hugur allra bæjarbúa sé hjá aðstandendum hans.

Útskrifaður í hádeginu

Maðurinn sem fluttur var með þyrlu Landhelgisgæslunnar á Landspítalann í Fossvogi í nótt var útskrifaður af slysadeild á hádegi í dag en hann reyndist minna slasaður en talið var í fyrstu. Maðurinn var ökumaður bifreiðar sem hafnaði utan vegar og fór bílveltu á Skeiða- og Hrunamannavegi til móts við bæinn Auðsholt. Hann var meðvitundarlaus þegar sjúkraflutningamenn komu á vettvang og því var ákveðið að kalla til þyrlu. Þrír aðrir voru í bílnum en meiðsli þeirra voru minniháttar.

Myndasyrpa frá Þjóðhátíð

Mikið stuð var í Vestmannaeyjum í gær enda var flugeldasýning í Herjólfsdal og fjölmargir tónlistarmenn tóku lagið. Okkar maður Óskar P. Friðriksson var að sjálfsögðu með myndavélina á lofti allan daginn og kvöldið og tók myndir af því sem fyrir augu bar. Í myndaalbúminu má sjá enga aðra en Björgvin Halldórsson og Helga Björns taka lagið. Það gerist ekki mikið svalara.

Brekkusöngurinn í beinni á Bylgjunni

"Þetta verður í fyrsta skiptið í sögu Bylgjunnar sem við sendum beint úr frá brekkusöngnum,“ segir útvarpsmaðurinn Ívar Guðmundsson sem kom til Vestmannaeyja í morgun. Brekkusöngurinn hefst á slaginu 23:20 og verður hægt að hlusta á allt í beinni á Bylgjunni.

Lognið kom í veg fyrir að varðeldurinn breiddi úr sér

Tilkynnt var um eld í skógi, rétt ofan við tjaldsvæði í Tungudal á Ísafirði í morgun. Þegar lögreglumenn komu á vettvang var töluverður eldur í trjám á um 25 fermetra svæði og eftir að þeir höfðu barist við eldinn með slökkvitækjum var ákveðið að kalla út slökkvilið sem náði tökum á eldinum fljótt.

Fékk gat á hausinn og tennur brotnuðu eftir hnefahögg

Karlmaður var sleginn hnefahöggi í andlitið fyrir utan skemmtistað á Ísafirði í morgun með þeim afleiðingum að hann fékk gat á höfuðið og tennur brotnuðu í honum. Að sögn varðstjóra hjá lögreglunni var árásin kærð en vitað er hver árásarmaðurinn er og verður tekinn skýrsla af honum síðar í dag.

Ölvuð grýtti hús á Fiskislóð

Ölvuð kona var handtekin við Fiskislóð í Reykjavík um klukkan hálf tíu í morgun þar sem hún stóð fyrir utan hús og var að grýta það. Að sögn lögreglu braut konan rúðu í því. Rætt verður við hana þegar runnið verður af henni.

Reykti jónu á Amtmannstíg

Um klukkan fimm í morgun sást til gangandi manns á Amtmannsstíg í miðborg Reykjavíkur þar sem hann var að reykja jónu. Að sögn lögreglu var hann stöðvaður, vímuefnið tekið af honum og málið afgreitt með vettvangsskýrslu.