Íslendingar í skýjunum á Facebook og Twitter

Íslendingar hafa heldur betur látið gleði sína í ljós á samskiptamiðlunum Facebook og Twitter eftir að Íslendingar unnu Frakka í hörkuspennandi leik á Ólympíuleikunum í kvöld. Ísland marði sigur 30 - 29 en með sigrinum er ljóst að Íslendingar unnu A-riðil á leikunum. Glæsileg frammistaða.

Fær 5,5 milljónir

Heppinn spilari var með allar fimm tölurnar réttar í lottóinu í kvöld og fær hann um 5,5 milljónir í sinn hlut. Einn var með fjórar tölur réttar og fær hann um hálfa milljón í sinn hlut. Tölur kvöldsins: 3 - 8 - 10 - 15 - 21 Bónustala: 34 Jókertölur: 4 - 0 - 3 - 0 - 9

Mikið um að vera á Unglingalandsmóti

Veðrið hefur leikið við gesti og landsmótsgesti á Unglingalandsmótinu í dag. Keppt var í fjölmörgum greinum í dag og auk þess var ýmiss afþreying í boð. Um 50 krakkar tóku þátt í sundleikunum á unglingalandsmótinu sem var að ljúka í Sundhöll Selfoss. Krökkum 10 ára og yngri var boðið að taka þátt í tveimur greinum, annars vegar 25 metra sundi með frjálsri aðferð og annars vegar 50 metrum með frjálsri aðferð með blöðkum.

Játar hrottalega líkamsárás í Herjólfsdal

Þekktur ofbeldismaður hefur játað að hafa ráðist á mann á Þjóðhátíð í nótt og sýna upptökur úr eftirlitsmyndavél hve hrottaleg líkamsárásin var. Ein nauðgun hefur verið kærð á hátíðinni og fjöldi fíkniefnamála komið inn á borð lögreglu.

Ekið á sjö ára dreng

Ekið var á sjö ára dreng þar sem hann var á gangi á Flúðum um fjögurleytið í dag. Læknir og björgunarsveitarmenn komu strax á vettvang og veittu honum aðhlynningu. Betur fór en á horfðist að sögn lögreglunnar á Selfossi, drengurinn reyndist örlítið hruflaður á fæti og þurfti ekki nánari aðhlynningu á sjúkrahúsi.

Ætlar að djamma í Reykjavík í kvöld

Söngvarinn Ronan Keating er lentur á Íslandi en eins og kunnugt er syngur hann fyrir þjóðhátíðargesti á sunnudagskvöld í Herjólfsdal. Samkvæmt upplýsingum Vísis hefur Keating ásamt yfir tuttugu vinum sínum, sem eru með honum í för, pantað sér borð á skemmistaðnum Austur í kvöld þar sem hann ætlar að tjútta áður en hann leggur af stað til Vestmannaeyja annað kvöld.

Sveitafitness á Sæludag: Bændur unnu vinnumenn

Aldrei hafa fleiri gestir komið á Sæludag í Hörgársveit. Hátt í 800 manns fylgdust með spennandi keppni í sveitafitness þar sem bændur knúðu fram sigur á vinnumönnum eftir mikla baráttu. Í tilkynningu frá forsvarsmönnum hátíðarinnar segir að aldri hafi fleiri keppendur tekið þátt í traktoraspyrnunni en í ár. Dráttarvélarnar voru allar frá því um 1970 eða eldri og ljóst að margir keppendur lögðu meira upp úr útlitinu en árangri í spyrnunni sjálfri. Í dag og í kvöld verða margvíslegir viðburðir um alla sveit og á Hjalteyri, en dagskránni lýkur með gamaldags sveitaballi á Melum í Hörgárdal.

Fluttur til Reykjavíkur eftir mótórhjólaslys

Karlmaður sem slasaðist eftir að hann féll af mótórhjóli við fjallið Krakatind, austan við Heklu, um klukkan eitt í dag var fluttur með sjúkrabíl til Reykjavíkur. Óljóst er hvort maðurinn sé alvarlega slasaður. Varðstjóri hjá lögreglunni á Hvolsvelli sagði að hann væri líklega rifbeinsbrotinn en hann átti erfitt með andardrátt. Lögreglan, ásamt björgunarsveit, fór á slysstað með lækni og var búið um maninn áður en hann var fluttur í sjúkrabíl sem beið. Hann var með meðvitund. Slysið er í rannsókn hjá lögreglu.

Myndasyrpa frá Þjóðhátíð

Þjóðhátíð fer nú fram í 138. sinn í Vestmannaeyjum. Hátíðin var sett um klukkan hálf þrjú í gær og flutti Kristinn R. Ólafsson fréttamaður hátíðarræðu. Kvöldvakan hófst svo klukkan 20:30 og við tóku fjölmargir tónlistarmenn, svo sem Mugison, Hjálmar, Jón Jónsson og Friðrik Dór. Kveikt var svo upp í brennunni á Fjósakletti á miðnætti við mikinn fögnuð viðstaddra. Óskar P. Friðriksson, ljósmyndari og okkar maður í Eyjum, var með myndavélina á lofti og myndaði það sem fram fór. Hægt er að sjá myndirnar og stemmingua í meðfylgjandi myndaalbúmi.

Flutt á neyðarmóttöku í Reykjavík

Ung stúlka sem kærði nauðgun í Herjólfsdal í morgun var flutt á neyðarmóttöku í Reykjavík til skoðunar, að sögn lögreglunnar í Vestmannaeyjum. Nánari upplýsingar fást ekki um atvikið hjá lögreglu þar sem rannsóknin er á viðkvæmu stigi. Forvarnarhópur ÍBV harmar að slíkt hafi komið fyrir en í yfirlýsingu sem send var fjölmiðlum eftir hádegi í dag segir að hópurinn dáist að hugrekkinu að hafa stigið fram og tilkynnt glæpinn.

Féll af hjólabretti og missti framtennur

Hjólabrettakappi í kringum tvítugt féll af brettinu sínu á hjólabrettavelli á Selfossi í hádeginu í dag með þeim afleiðingum að tvær framtennur brotnuðu. Að sögn varðstjóra hjá lögreglu var hann fluttur á slysadeild og hittir líklega tannlækni síðar í dag.

Tveggja ára barn rotaðist

Tveggja ára barn féll aftur fyrir sig á Úlfljótsvatni í morgun með þeim afleiðingum að það rotaðist. Samkvæmt upplýsingum frá lögreglu var sjúkrabíll sendur á staðinn en barnið mun ekki vera alvarlega slasað. Það var þó flutt á slysadeild til skoðunar.

Harma nauðgun í Eyjum

"Forvarnahópur ÍBV harmar að "bleikur fíll" hafi skaðað aðra manneskju í Dalnum okkar síðast liðna nótt,“ segir í yfirlýsingu frá hópnum og er þar átt við nauðgun sem hefur verið kærð til lögreglu á Þjóðhátíð í Vestmannaeyjum. Málið er til rannsóknar hjá lögreglu og fást ekki frekari upplýsingar um það að svo stöddu þar sem rannsóknin er á viðkvæmu stigi.

Nígerískur karlmaður tekinn í Leifsstöð

Nígerískur karlmaður var handtekinn við komu til landsins á sunnudag. Hann var umsvifalaust úrskurðaður í gæsluvarðhald til 8. ágúst en Hæstiréttur staðfesti gæsluvarðhaldsúrskurðinn í gær.

Þekktur ofbeldismaður í haldi eftir hrottalega líkamsárás á Þjóðhátíð

Karlmaður sem varð fyrir hrottalegri líkamsárás á Þjóðhátíð í Vestmannaeyjum í nótt er líklega höfuðkúpubrotinn og verður mögulega fluttur með sjúkraflugi til Reykjavíkur í dag til frekari rannsókna. Þekktur ofbeldismaður er í haldi lögreglu grunaður um að hafa veitt honum áverka.

"Fólk var í sjokki"

Sex ára drengur, sem bjargað var frá drukknun í sundlaug Akureyrar í gær, útskrifast líklega af gjörgæslu í dag. Læknir á gjörgæsludeild segir kraftaverki líkast að drengurinn hafi lifað af. Starfsfólk sundlaugarinnar sendir honum hlýjar kveðjur.

Útskrifast líklega af gjörgæslu í dag

Sex ára dreng, sem var bjargað frá drukknun í Akureyrarsundlaug í gær, líður vel miðað við aðstæður.

Fundu peninga og hvítt efni við húsleit

Um 25 grömm af hvítum efnum, amfetamíni og kókaíni, fundust við leit lögreglu í heimahúsi á Akureyri í gærkvöldi. Þá var einnig lagt hald á töluvert mikið af peningum sem taldir eru tengjast fíkniefnasölu. Maður sem á heima í íbúðinni var yfirheyrður en látinn laus að því loknu.

Tannbraut mann í Hafnarfirði

Karlmaður beraði sig fyrir framan krakka í austurborginni um áttaleytið í gærkvöldi og var hann handtekinn fyrir blygðunarsemisbrot. Nánari upplýsingar fást ekki um málið hjá lögreglu.

Nauðgun kærð á Þjóðhátíð

Ein nauðgun hefur verið kærð til lögreglunnar í Vestmannaeyjum eftir nóttina en nánari upplýsingar fást ekki hjá lögreglu þar sem rannsóknin er á viðkvæmu stigi. Yfir 20 fíkniefnamál komu upp hjá lögreglunni í Eyjum í gærkvöldi og í nótt, mest allt neysluskammtar af kannabisi og hvítu efni.

Yfir 400 milljóna króna tap af rekstri Hörpu í ár

Hallarekstur á Hörpu er alvarlegur og ekki útilokað að tapið lendi á skattgreiðendum segir menntamálaráðherra. Stór hluti tapsins er til kominn vegna vanáætlaðra fasteignagjalda. Ráðstefnuhaldið fer hægt í gang.

Vilja brugga biskupabjóra

Árið 2007 var Bjórsetur Íslands sett á laggirnar á Hólum í Hjaltadal og síðan þá hefur starfsemi þess vaxið fiskur um hrygg. Nú er setrið komið með vínveitingaleyfi og bruggleyfi og oft er fjölmennt á vikulegum samkundum á barnum sem hefur verið komið fyrir í húsnæði sem áður var íbúð fjósamannsins á Hólum.

Simbi vinsælasta kattarheitið

Kattaeigendur eru gjarnan frumlegir í nafngiftum á gæludýrin sín, en gömul og gegn kattanöfn eru enn vinsæl. Simbi er vinsælasta kattarheitið á Íslandi, en upplýsingar um nöfn katta má finna á dyraaudkenni.is. Alls heitir 121 köttur á Íslandi Simbi.

Sakar fyrirtæki Nubos um sýndarmennsku í verkefnum

Forstöðumaður Rannsóknarmiðstöðvar ferðamála segir fyrirætlanir á Grímsstöðum á Fjöllum ótrúverðugar. Fulltrúar minnihlutans á Akureyri vilja að bærinn dragi sig út úr félagi um kaup á jörðinni. Formaður bæjarráðs segir bæjarfélagið ekki taka á sig neinar

Rekstur Landsbjargar í járnum

„Við erum ekki á vonarvöl. Við eigum varasjóð sem er ágætur en ekkert gríðarlegur. Svo að þetta er í járnum,“ segir Hörður Már Harðarson, stjórnarformaður Landsbjargar, sem neyddist nýverið til að loka þjálfunaraðstöðu í Gufuskálum af fjárhagsástæðum.

Notkun á 3G-neti eykst sífellt

Gríðarleg aukning varð á niðurhali í gegnum 3G-net Tals í júlí í kjölfar þess að fyrirtækið lækkaði verð á þjónustunni. Viktor Ólason, forstjóri Tals, segir íslenska snjallsímanotendur vilja nota netið mikið í símum sínum og að þeir geri kröfu um að þjónustan sé ódýr.

Mikilvægt að hafa góðan stuðning

Annie Mist Þórisdóttir, hraustasta kona á jarðríki, kom heim í gær eftir að hafa sigrað CrossFit-leikana í Los Angeles í Bandaríkjunum annað árið í röð á dögunum.

Lava valinn besti bjórinn

Viðskipti Lava, Imperial Stout frá Brugghúsinu í Ölvisholti, var á dögunum valinn besti bjórinn í flokki reyktra bjórtegunda á Opna bandaríska bjórmótinu. Jón Elías Gunnlaugsson, bruggmeistari og framkvæmdastjóri í Ölvisholti, er að vonum ánægður með viðurkenninguna. „Þetta kemur Ölvisholti á kortið meðal fremstu brugghúsa í veröldinni,“ segir hann.

Efast um þátttöku Akureyrar

Vaxandi efasemdir eru um þátttöku Akureyrarbæjar í verkefni á Grímsstöðum. Fulltrúar minnihlutans vilja að bærinn dragi sig úr verkefninu. Bærinn hefur ekki skuldbundið sig segir formaður bæjarráðs.

Háskólanemar smíðuðu kappakstursbíl frá grunni

Fólk 27 manna hópur nemenda við Háskóla Íslands og Listaháskóla Íslands tók á dögunum þátt í alþjóðlegu hönnunarkeppninni Formula Student sem fram fór á Silverstone-kappakstursbrautinni í Bretlandi. Hópurinn hefur síðustu tvö ár hannað rafknúinn kappakstursbíl en þetta var í annað sinn sem hann tekur þátt í keppninni.

Heldur minna líf á fasteignamarkaði í júlí

Alls 470 kaupsamningum var þinglýst við sýslumannsembættin á höfuðborgarsvæðinu í júlí. Heildarvelta vegna þeirra nam 13,5 milljörðum króna og var meðalupphæð á hvern kaupsamning 28,8 milljónir.

„Frekar grillað“ að fara í strætó til Eyja

Strætó fjölgaði aukaferðum að Landeyjahöfn í gær og fer fleiri aukaferðir frá Landeyjum á mánudag. Ferðirnar eru vel sóttar, segir þjónustufulltrúi Strætó. Allir hlökkuðu mikið til Þjóðhátíðar þegar lagt var í hann frá Mjóddinni.

Deilt um vist sjúkra fanga

Brýnt er að finna úrræði fyrir geðsjúka fanga, segir Páll Winkel fangelsismálastjóri en fangelsismálayfirvöld lenda oft í því að þurfa að vista geðsjúka án þess hafa aðstæður né starfsmenn til þess.

Raunverulegur WALL-E kætir langveik börn

Verkfræðingur í Kaliforníu í Bandaríkjunum hefur smíðað nákvæma eftirmynd af vélmenninu WALL-E. Þetta elskulega vélmenni kætir nú hjörtu langveikra barna.

Brekkusöngnum útvarpað og textarnir á GuitarParty

Stjórnendur GuitarParty.com vonast til þess að þúsundir muni nýta sér þjónustu vefsíðunnar þegar Brekkusöngurinn hefst í Vestmannaeyjum á sunnudag.

Fólk að flýta sér í Herjólf - margir teknir við Landeyjahöfn

Fjöldi fólks leggur nú leið sína til Vestmannaeyja. Þjóðhátið fer þar fram í 138 skipti. Gríðarlegt álag hefur verið á lögreglunni á Hvolsvelli en hún hefur fylgst grannt með stöðu mál við Landeyjahöfn.

Umferðarþungi í Árborg nær hápunkti sínum

Umferð um Selfoss er nú að hápunkti sínum. Stöðugur straumur fólks hefur verið um bæinn en margir leggja nú leið sína í Vestmannaeyjar þar sem þjóðhátíð fer fram. Lögreglan í Árborg hefur í nógu að snúast en Unglingalandsmót UMFÍ fer fram í bænum um helgina. Búist er við um 13 þúsund landsmótsgestum.

Hvað stendur til boða um helgina?

Verslunarmannahelgin er að bresta á og það ætla eflaust margir leggja land undir fót. En margt stendur til boða og erfitt getur reynst að ákveða hvert förinni er heitið.

Búast við kæruflóði í Mýrarboltanum

Evrópumeistaramótið í Mýrarbolta fer fram á Ísafirði um helgina. Jón Páll Hreinsson, mýrarfláki (hvorki drullusokkur né skíthæll) var gestur í útvarpsþættinum Reykjavík síðdegis í dag. Hann ræddi þar við þáttastjórnendur um mótið og þá athyglisverðu kæruhefð sem myndast hefur í kringum það.

Tillaga Sivjar um forvirkar rannsóknarheimildar verður lögð fram á ný

Frumvarp innanríkisráðherra um forvirkar rannsóknarheimildir dagaði uppi í þinginu en allir umsagnaraðilar lögðust gegn því, þar með talin lögreglan sjálf sem sagði frumvarpið í engu bæta við gildandi heimildir. Tillaga Sivjar Friðleifsdóttur um sama mál þótti betri en var ekki samþykkt vegna málþófs.

Skortur á lagaheimildum - undirheimaforingjar ganga lausir

Lögreglan getur ekki aðhafst gegn nokkrum stórum undirheimaforingjum vegna skorts á lagaheimildum en mennirnir eru allir taldir stýra umfangsmikilli skipulagðri glæpastarfsemi. Lögreglan telur sig geta beitt sér með forvirkum rannsóknarheimildum, eins og eftirliti og hlerunum án þess að til staðar sé grunur um afbrot.

Sveigði frá fuglum og valt

Bíll valt á Ólafsfjarðarvegi í morgun. Að sögn lögreglunnar á Akureyri var orsök óhappsins sú að ökumaður reyndi að sveigja hjá fuglum sem voru á veginum.

Jón Bjarnason: Hvers vegna þessi feluleikur?

Jón Bjarnason, fyrrverandi sjávarútvegs- og landbúnaðarráðherra, blandar sér í umræðuna um Huang Nubo og Grímsstaði á fjöllum á bloggi sínu í dag. Hann segist enn styðja ákvörðun Ögmundar Jónassonar, innanríkisráðherra, um að synja kínverjanum um undanþágu til kaupa á Grímsstaðajörðinni.

Vikan sem var

Veðrið hefur verið Íslendingum hliðhollt í vikunni sem nú tekur brátt enda. Fólk hefur nýtt það til ýmissa athafna og hafa ljósmyndarar Fréttablaðsins og Vísis fylgst með ýmsu af því sem fram fór. Þeir skelltu sér meðal annars í Gerðuberg og á Árbæjarsafn en fóru líka á landsmót á Selfossi. Smelltu hér til að sjá myndir frá liðinni viku.

Fundu byssu í farangri farþega í Leifsstöð

Byssa fannst í farangri farþega sem var að fara frá landinu seinni partinn í júlí. Byssan, sem reyndist síðar vera startbyssa, var í svokölluðum lestarfarangri og var taskan tekin til hliðar þegar hún fannst. Þá var haft samband við farþegann sem var kominn um borð í flugfar.