Farsímar enn sambandslausir

Farsímasamband liggur enn niðri hjá stórum hluta símnotenda hjá Vodafone og Nova. Visir greindi frá því fyrr í dag að bilunin myndi aðeins vara fáeinar mínútur. Annað kom á daginn og sambandslaust hefur nú verið hjá farsímanotendum í lengri tíma. Ástæða þess er bilun í kerfum fyrirtækjanna, sem valdið hefur truflunum á símaþjónustu við farsíma. Tæknimenn hófust handa um leið og bilunarinnar varð vart og hafa nú staðsett bilunina. Unnið er að viðgerð.

Farsímar sambandslausir

Farsímakerfi Vodafone og Nova liggur niðri eins og stendur. Unnið er að lausn á málinu. Kerfið datt út fyrir nokkrum mínútum síðar. Ekki er um kerfið í heild sinni að ræða, heldur aðeins ákveðin númer sem liggja niðri. Svipuð bilun hefur komið upp áður en þá tók aðeins um 7 mínútur að leysa vandann. Farsímanotendur þurfa því ekki að örvænta vegna langvarandi bilunar.

Sauðburður á undarlegum tíma

Fimm vetra ær af Litlu-Ávík á ströndum var í morgun borin tveim hrútlömbum. Þegar bóndinn Sigursteinn Sveinbjörnsson athugaði fé sitt fyrir hádegi í dag blöstu þessi merkilegu tíðindi við honum. Hann kom ánni og lömbunum í hús hið fyrsta, enda norðanátt og snjókoma á svæðinu. Eins og menn vita er sauðburður að vori og sjaldgæft að ær beri á haustin. Þess skal þó getið að þetta er ekki í fyrsta sinn sem það ber til í Litlu-Ávík, því árið 2004 bar þar önnur ær tveim lömbum um miðja sláturtíð. Féð á þeim bæ virðist því nokkuð kenjótt.

Fjárveiting til HÍ í eðlilegum farvegi

Björn Valur Gíslason, þingmaður VG, segir aukafjárframlög til Háskóla Íslands og framkvæmd þeirra í fullkomlega eðlilegum farvegi. Hann segir engar ákvarðanir um útgjöld til þessa máls verða teknar nema með samþykki þingsins, enda annað andstætt lögum. Eins og kunnugt er tilkynnti Jóhanna Sigurðardóttir í gær að Háskóli Íslands muni næstu fjögur árin hljóta aukafjárveitingu upp á 1,5 milljarð króna.

Virðist ekki lífshættulega slasaður

Maðurinn sem lenti í bílslysi sunnan við Raufarhöfn í morgun virðist við fyrstu skoðun ekki vera lífshættulega slasaður. Hann hefur þó nokkra höfuðáverka en ekki virðist um mænuskaða að ræða. Maðurinn verður lagður inn á spítala. Sérfræðingar gera ekki ráð fyrir því hann muni liggja inni lengi en fylgst verður með honum um sinn.

Rangt staðið að styrk til Háskólans

Fulltrúi Sjálfstæðisflokksins í fjárlaganefnd gagnrýnir hvernig staðið er að fyrirhugaðri aukafjárveitingu til Háskóla Íslands. Framlögin komi ekki fram í fjárlagafrumvarpi sem aðeins er nokkurra daga gamalt. Þetta kom fram í hádegisfréttum RÚV.

Vísbendingar um dýnamítþjófa berast

Lögreglu hafa borist einhverjar vísbendingar, sem verið er að kanna, um hverjir gætu hafa stolið rúmlega 400 kílóum af sprengiefni skammt frá Hafravatni í vikunni. Sprengiefnið var í tveimur gámum á vinnusvæði í Þormóðsdal ofan við Hafravatn. Efnið er í eigu verktakafyrirtækis. Fyrirtækið er með grjótnámu þar sem reglulega er sprengt. Lögregla segir vörslu á sprengiefnisins algjörlega í samræmi við reglur Vinnueftirlitsins. Þannig hafi það til að mynda verið geymt í tveimur aðskildum gámum.

Mynd Íslendings slær í gegn

Gísli Guðjónsson býr í Boston í Bandaríkjunum. Þegar hann frétti af dauða Steve Jobs datt honum í hug skopmynd í minningu forstjórans. Myndin fer nú sem eldur í sinu um internetið og hefur vakið mikla lukku. Á samskiptamiðlinum facebook nálgast myndin nú 100.000 likes. Einnig hafa erlendir fréttamiðlar fjallað um myndina.

Mikið slasaður eftir bílveltu

Karlmaður sem lenti í bílveltu við Deildará, rétt sunnan við Raufarhöfn er talinn mikið slasaður. Hann er nú í sjúkraflugi á leið til Reykjavíkur. Enn er ekki vitað nákvæmlega hvernig slysið átti sér stað. Maðurinn var einn í fólksbíl á leið eftir beinum vegi. Bíllinn lenti út af veginum og tók í leiðinni nokkrar veltur. Lögreglan á Húsavík er sem stendur að rannsaka slysstaðinn.

Skjálftar í nótt

Skjálftahrina mældist við Hellisheiðarvirkjun í kringum miðnætti. Sá stærsti var mældist þrír á richter. Tíðar skjálftahrinur hafa verið á svæðinu og hafa þúsundir skjálfta mælst þar síðastliðinn mánuð. Skjálftana má rekja til jarðvarmavinnslu Orkuveitunnar við virkjunina. Skjálftarnir verða þegar affallsvatni er dælt frá virkjuninni niður í sprungur á svæðinu. Þeir stærstu fundist vel í Hveragerði, en þeirra hefur einnig orðið vart í Mosfellsbæ og á Hvollvelli.

Söfnun SEM skilar milljónum

Landssöfnun SEM samtakanna hefur skilað 19 milljónum í peningum og 6 milljónum í vinnuframlagi og gjöfum. Söfnunin fór fram í beinni útsendingu Stöðvar 2 á föstudagskvöldið síðasta. Samtök Endurhæfðra Mænuskaddaðara (SEM) hleypti söfnuninni af stokknum í því skyni að fjármagna viðgerðir á húsnæði samtakanna. „Við erum afar þakklát þjóðinni fyrir að bregðast svona vel við beiðni okkar," sagði Haraldur Sigþórsson, formaður Húsnæðisfélags SEM samtakanna, og var ánægður með söfnunina.

Varar við ísingu á vegum

Vegagerðin varar við ísingu á vegum á Norður- og Norðvesturlandi í dag. Vegfarendur eru hvattir til að sýna aðgát og fylgja þeim merkingum sem uppi eru. Í dag mun vindur snúast upp í norður-átt og kólna ákveðið. Færðin versnar fyrst á fjallvegum en í byggðum eftir því sem á líður.Gert er ráð fyrir éljagangi á Vestfjörðum síðar í dag. Vestantil á Norðurlandi versnar veður um hádegi með snjómuggu krapi. Þetta á m.a. við um Holtavörðuheiði.

Dagur Leifs Heppna

Í dag er dagur Leifs Eiríkssonar eða Leifs Heppna sem talinn er hafa fundið Ameríku árið þúsund, fimm hundruð árum áður en Kristófer Kólumbus kom þangað. Lengi hafa menn velt fyrir sér hvort Leifur hafi verið Íslendingur eða norðmaður en níundi Október er ekkert sérstaklega tengdur atburði í lífi Leifs. Hann var valinn sem dagur Leifs heppna vegna þess að þennan dag árið 1825 kom skipið Restauration til New York eftir þriggja mánaða siglingu frá Stafangri í Noregi, með 52 farþega innanborðs. Þetta var fyrsta skipulagða ferðin frá Skandinavíu til Bandaríkjanna.

Trompaðist í sjúkrabíl

Ung stúlka missti gersamlega stjórn á sér í sjúkrabíl í nótt, sló til sjúkraflutningamanna og sparkaði í lögreglumenn. Lögreglan fékk tilkynningu um að stúlkan lægi í krampakasti á Lækjartorgi um hálfþrjú leytið í nótt. Þegar sjúkraflutningamenn komu á staðinn var hún nær meðvitundarlaus. Hún var sett á börur og færð inn í sjúkrabíl. Þar kom hún til sjálfrar sín og missti gersamlega stjórn á sér. Eftir nokkur átök var ákveðið að færa hana í fangageymslur.

Umferðarslys við Raufarhöfn

Umferðarslys varð rétt við Raufarhöfn upp úr klukkan 9 í morgun. Um er að ræða mann sem var einn í bíl. Sjúkraflutningamenn hafa þegar flutt manninn af svæðinu. Frekari upplýsingar liggja ekki fyrir sem stendur, en lögreglan á Húsavík mun vera á leiðinni á slysstað.

Bátur í vanda

Stjórnstöð siglinga fékk tilkynningu lítinn bát sem var í vandræðum um fjögurleytið í nótt. Aðeins einn maður var um borð og hafði hann ætlað að sigla bátnum frá Norðurfirði til Skagastrandar. Þegar hann kom út á flóann lenti hann í leiðindaveðri, dæla bilaði og stjór kom inn í vélarúmið. Björgunarbáturinn Húnabjörg á Skagaströnd var sendur honum til aðstoðar og dró hann að bryggju á Skagaströnd.

Vilja aðgerðir vegna HIV sýkinga

Sóttvarnarráð vill að skimað verði í auknu mæli fyrir HIV-sýkingum, svo sem meðal ófrískra kvenna, fanga, fíkla og á húð- og kynsjúkdómadeild, til að koma í veg fyrir frekari útbreiðslu sjúkdómsins.

1,5 milljarður til Háskóla Íslands

Jóhanna Sigurðardóttir, forsætisráðherra, tilkynnti í dag um fjárframlög til Háskóla Íslands við hátíðlega athöfn í Hörpunni vegna 100 ára afmælis háskólans. Um er að ræða sjóð upp á 1,5 milljarð króna sem Háskólanum verður ráðstafað næstu fjögur ár.

Undirbúa vegaframkvæmdir í Teigsskógi

Vegagerðin er byrjuð að safna upp efni í grjótfyllingu fyrir umdeildan veg í gegnum Teigsskóg og þekur það nú heilan flugvöll í Gufudalssveit.

Æskulýðsstarf fyrir bí vegna nýrra reglna

Djákni í grafarvogskirkju segir það sárt að sjá eftir því æskulýðsstarfi sem fellur niður vegna nýrra reglna Reykjavíkurborgar sem setja samskiptum skóla og trúfélaga miklar skorður.

Verri afkoma í fjármálum en stefnt var að

Nýjustu áætlanir um hallarekstur ríkissjóðs sýna nokkuð verri afkomu á næstu árum en þær sem lagðar voru fram í fyrra og hitteðfyrra. Ekki er gert ráð fyrir hallalausum fjárlögum fyrr en 2014.

Vímaðir fangar hafa enn ekki sofnað

Mennirnir tveir sem voru teknir við ránstilraun í Kópavogi síðustu nótt og gleyptu í kjölfarið mikið magn amfetamíns til að koma því undan lögreglu voru enn undir miklum áhrifum efnisins og höfðu ekkert sofnað þegar klukkan var sex í dag.

Skemmdarvargur á Seltjarnarnesi

Skemmdarvargur gekk um götur Seltjarnarnes í nótt og skar á dekk tuga bíla. Tjónið getur hlaupið á hundruðum þúsunda segir starfsmaður á dekkjaverkstæðinu Nesdekk, en brjálað var að gera þar í morgun.

RÚV liggur niðri á Vatnsnesi

Útsending Ríkisútvarpsins liggur niðri á Vatnsnesi í Vestur Húnavatnssýslu. Það urðu íbúar á svæðinu varir við í gærkvöldi og þegar ekkert hafði lagast í dag fór fólk að ókyrrast.

Jarðskjálftar fá á íbúa Hveragerðis

Íbúar í Hveragerði eru orðnir þreyttir á tíðum jarðskjálftum út frá Hellisheiðarvirkjun. Þeir hafa fundið vel fyrir þeim stærstu en önnur skjálftahrina varð á svæðinu í morgun.

Eldur í Hafnarfirði

Eldur kom upp í söluturni við Kaplahraun í Hafnarfirði uppúr klukkan sex í dag. Dælubíll slökkviliðs Reykjavíkur var sendur á staðinn. Slökkviliðsmönnum tókst að ráða niðurlögum eldsins um klukkan hálf sjö. Slökkviliðsmenn eru nú á heimleið.

Sprengiefni stolið

Um 300 kg af dýnamíti var stolið úr sprengiefnagám 6. október síðastliðinn. Gámurinn stendur í Þormóðsdal ofan við Hafravatn.

Klukkan: 06.07.08.09.10.11 á morgun

Þeir sem hafa unun af tölum og talnarunum ættu að gera sér far um að vakna snemma í fyrramálið, því klukkan nákvæmlega 8 sekúndur yfir 7 mínútur yfir 6 mun stafræna tölvuklukkan þeirra sýna tölurnar 06.07.08.09.10.11. Á morgun er 9. október árið 2011 og því mun þessi einstæða talnaruna myndast á tölvuúrum fólks í eina sekúndu á morgun og svo aldrei aftur í hundrað ár.

Friðarsúlan tendruð

Friðarsúlan verður tendruð annað kvöld á afmælisdegi John Lennon. Af því tilefni býður Yoko Ono gestum í fría kvöldsiglingu til Viðeyjar.

Búast við stjörnuhröpum í kvöld

Nokkur hundruð stjörnuhröp gætu sést í kvöld þegar jörðin fer í gegnum straum agna frá halastjörnu en um mikið sjónarspil er að ræða að sögn formanns Stjörnuskoðunarfélags Seltjarnarness. Stjörnuáhugamenn eru hvattir til þess að horfa til Drekans.

Kona í sjóinn

Kona féll í sjóinn við austurbakkann á höfninni í Reykjavík um eitt leytið í dag. Lögregla, slökkvilið og sjúkrabílar voru sendir á staðinn. Konunni var bjargað úr vatninu án teljandi erfiðleika. Hún er nú á slysavarnarstofu en er ekki illa haldin.

Óbyggðanefnd úrskurðar um Norðurland

Óbyggðanefnd mun á mánudaginn kemur kveða upp úrskurði í deilumálum um eignaréttarlega stöðu lands á Norðurlandi milli Skagafjarðar og Eyjafjarðar. Uppkvaðningin fer fram klukkan 10:00 í Þjóðmenningarhúsinu við Hverfisgötu.

Segir lyf sín ekki hafa banað Jackson

Upptaka af skýrslutöku læknisins Conrads Murray hjá lögreglu tveimur dögum eftir að hann er sakaður um að hafa gefið poppstjörnunni Michael Jackson banvænan skammt af deyfilyfjum var spilaður fyrir kviðdómendur í máli Jacksons í gær. Þar lýsir hann því hvernig Jackson hafi grátbeðið hann um mjólkina sína, en það var orðið sem hann notaði yfir propofol, deyfilyfið sem olli dauða hans. Murray útskýrir í skýrslutökunni hvernig hann reyndi að gefa poppstjörnunni ýmis önnur róandi lyf í marga klukkutíma til að hjálpa henni að sofna, en ekkert hafi virkað. Að lokum hafi hann látið til leiðast að gefa Jackson propofol, en þegar læknirinn kom aftur af klósettinu eftir að hafa gefið honum lyfið hafi hafi Jackson verið hættur að anda. Murray hefur neitað því að bera ábyrgð á dauða Jackson.

Landsæfing Landsbjargar í dag

Mikið er um að vera á Ísafirði í dag þar sem landsæfing Slysvarnarfélagsins Landsbjargar fer fram. Reiknað er með að 300 björgunarsveitarmenn taki þátt í æfingunni en tvö hundruð til viðbótar koma að æfingunni í hlutverki sjúklinga, umsjónarmanna eða æfingarstjóra. Björgunarsveitir á Vestfjörðum hafa unnið að undirbúningi æfingarinnar síðustu vikur.

Eldsvoði á Grettisgötu

Töluvert tjón varð þegar eldur kom upp í litlu húsi á Grettisgötu í miðbæ Reykjavíkur um miðnætti. Búið var að slökkva eldinn þegar Slökkvilið höfuðborgarsvæðisins kom á staðinn en nokkurn tíma tók að reykræsta húsið. Svo virðist sem kviknað hafi í út frá kerti en íbúarnir voru heima og urðu eldsins varir.

Afmæli Háskóla Íslands í Hörpu

Það verður mikið um að vera í Eldborg í Hörpu í dag þar sem Háskóli Íslands fagnar aldarafmæli sínu. Starfsfólk, stúdentar og fleiri ætla því að gera sér glaðan dag. Hátíðin er hápunktur afmælisársins og hefur undirbúningur vegna hennar staðið yfir undanfarna mánuði. Fullbókað er í öll sæti á hátíðinni.

Týndir hundar

Tveir einstaklingar tilkynntu um veglausa hunda í nótt, einn í Vesturbæ og annar í Kópavogi. Í báðum tilfellum tók heimilisfólk að sér að hýsa hundana þar til eigandi gefur sig fram.

Ganga berserksgang í fangaklefa

Tveir innbrotsþjófar sem voru í haldi lögreglu fóru hamförum í fangaklefum í nótt eftir að hafa gleypt mikið magn af amfetamíni. Mennirnir náðust á flótta eftir að hafa brotist inn í raftækjaverslun í Kópavogi í nótt.

Útköll vegna veðurofsa

Mikið hvassviðri gengur nú yfir Suðurland, Faxaflóa og Miðhálendið. Björgunarsveitir á höfuðborgarsvæðinu hafa farið í tvö útköll í morgun vegna veðurs. Um var að ræða skjól- og glerveggi sem höfðu losnað í Hafnarfirði. Þá losnaði bátur losnaði frá bryggju við Keflavíkurhöfn í morgunsárið en nokkuð greiðlega gekk að festa hann aftur. Allt innanlandsflug liggur niðri en athuga á klukkan ellefu hvort hægt verði að fljúga þá. Búast má við því að veðrið gangi niður Suðvestanlands um hádegisbil. Áfram má þó búast við skúrum fram eftir degi.

Stigi opni laxfiskum sextíu kílómetra leið

Veiðifélag Jökulsár á Dal bíður þess nú að Skipulagsstofnun gefi grænt ljós á gerð fiskvegar fram hjá svokölluðum Steinboga.

Vilja síður viðurkenna að hafa lagt í einelti

Talsverð breyting hefur orðið innan þess hóps sem telur sig tengjast einelti í grunnskólum. Gerendum eineltis hefur fækkað um 34 prósent síðan árið 2006, en þolendum hefur hins vegar fjölgað um 26 prósent.

Vekja athygli á tíðum slysum ungmenna

Fjöldi alvarlegra umferðarslysa meðal ungs fólks er kveikjan að keppninni Vertu til, sem Umferðarstofa hefur efnt til meðal framhaldsskólanema.

Hópur Guðmundar fer ört stækkandi

„Þetta gengur alveg glimrandi vel. Þetta verður úti um allt land, það er þannig áhugi,“ segir Guðmundur Steingrímsson þingmaður um viðræður vegna væntanlegs framboðs nýs flokks í þingkosningunum árið 2013. „Hópurinn er alltaf að stækka.“

Ákærður fyrir að bana manni

Ríkissaksóknari hefur ákært fyrir Héraðsdómi Reykjavíkur tæplega fertugan karlmann, Redouane Naoui, fyrir manndráp.

Sýna þrjár myndir um Nick Cave

Þrjár heimildarmyndir um upptökur á hljómplötum ástralska tónlistarmannsins Nick Cave verða sýndar í Hörpu í næstu viku í tilefni ráðstefnunnar You Are in Control (YAIC), sem fram fer 10. til 12. október.