Talsmaður neytenda vill í bæjarstjórn

Gísli Tryggvason, talsmaður neytenda, hefur ákveðið að gefa kost á sér í prófkjöri framsóknarmanna í Kópavogi vegna komandi kosninga. Hann sækist eftir fyrsta sætinu.

Engar loðnuveiðar að svo stöddu

Í nótt lauk mælingu rannsóknaskipanna Árna Friðrikssonar og Bjarna Sæmundssonar á loðnustofninum, en bæði skipin hafa verið við loðnumælingar frá 5. janúar. Í tilkynningu frá Hafró segir að stofnunin leggi til að veiðar verði ekki hafnar að svo stöddu.

Catalina áfram í varðhaldi

Miðbaugsmaddaman Catalina Ncogo var í dag úrskurðuð í áframhaldandi gæsluvarðhald að kröfu lögreglunnar á höfuðborgarsvæðinu til að koma í veg fyrir áframhaldandi brotastarfsemi hennar.

Hollendingar: Engar nýjar viðræður að svo stöddu

Hollenska fjármálaráðuneytið er ekki í viðræðum við Íslendinga vegna Icesave skuldbindinga. Þetta hefur fréttastofa Reuters eftir talskonu ráðuneytisins. Reuters vitnar til orða Steingríms J. Sigfússonar um að hratt þurfi að ganga til verka ætli menn að semja upp á nýtt áður en fyrirhuguð þjóðaratkvæðagreiðsla fer fram.

Dómarar fái auknar heimildir í forsjármálum

Margvíslegar breytingar eru lagðar til á gildandi barnalögum í frumvarpi nefndar sem fór fyrir lög um forsjá barna, búsetu og umgegni. Breytingarnar varða meðal forsjá stjúp- og sambúðarforeldra, heimildir dómara í forsjármálum, hlutverk foreldra, ráðgjöf og sáttameðferð hjá sýslumönnum og ákvæði um umgengnisrétt.

Flokksráðsfundur VG á Akureyri

Flokksráðsfundur Vinstrihreyfingarinnar græns framboðs verður haldinn á Akureyri næstu helgi en flokksráðið er æðsta vald flokksins milli landsfunda. Búist er við að þjóðaratkvæðagreiðslan um Icesave og sveitastjórnarkosningar í vor setji svip sinn á umræðuna.

Áframhaldandi varðahalds krafist yfir Catalinu

Lögreglan á höfuðborgarsvæðinu mun síðar í dag fara fram á að Miðbaugsmaddömunni Catalinu Ncogo verði áfram í gæsluvarðhaldi.

Viðskiptavinir ÍLS sæki rafrænt um aðstoð í greiðsluvanda

Viðskiptavinir Íbúðalánasjóðs (ÍLS) sem þurfa að leita sér aðstoðar vegna greiðsluvanda geta nú sent rafrænt inn umsókn til banka, sparisjóða og Ráðgjafarstofu um fjármál heimilanna, en ekki er lengur tekið við umsóknum á pappír.

Sparisjóðsstjóri í haldi í átta klukkutíma

Fyrrverandi sparisjóðsstjóri Byrs, Ragnar Zophonías Guðjónsson, var í haldi lögreglu í rúmar átta klukkustundir hinn 24. nóvember síðastliðinn í tengslum við rannsókn sérstaks saksóknara á Exeter Holding.

Þrjú dómaraefni tilnefnd í Mannréttindadómstólinn

Ríkisstjórnin samþykkti í morgun tillögu Rögnu Árnadóttur, dómsmála- og mannréttindaráðherra, um að tilnefna Davíð Þór Björgvinsson, núverandi dómara við Mannréttindadómstólinn, Hjördísi Björk Hákonardóttur hæstaréttardómara og Pál Hreinsson hæstaréttardómara og formann Rannsóknarnefndar Alþingis, sem dómaraefni af Íslands hálfu við Mannréttindadómstól Evrópu.

Árni Páll: Styrkja þarf stöðu skuldara

Félagsmálaráðherra telur mikilvægt að skapa aðstæður svo fólk geti losnað undan skuldsetningu sem það ræður ekki við og bankarnir taki á sig tjónið en ekki ríkissjóður. Styrkja þurfi stöðu skuldaranna gagnvart bönkunum og frumvarp þess efnis sé í vinnslu.

Steingrímur boðar frekari skattabreytingar

Steingrímur J. Sigfússon, fjármálaráðherra, boðaði frekari skattabreytingar á þessu ári í ræðu sem hann hélt á Morgunverðarfundi Deloitte á Grand Hótel í morgun. Framkvæmdastjóri Samtaka atvinnulífsins segir að ríkisstjórnin hafi ekki meira svigrúm til skattahækkana.

Nefbrot og rúbluþjófnaður í Eyjum

Ein líkamsárás var kærð til lögreglu í Vestmannaeyjum í vikunni sem leið en en hún átti sér staða á veitingastaðnum Lundanum aðfaranótt laugardagsins. Þarna hafði verið ráðist á karlmann á fimmtugsaldri að því er virðist án tilefnis þannig að hann þurfti að leita til læknis. Að sögn lögreglu er talið að sá er fyrir árásinni varð hafi nefbrotnað. Árásarmaðurinn var handtekinn og viðurkenndi hann árásina og var sleppt að lokinni skýrslutöku.

Forseti og frú í opinbera heimsókn til Indlands

Opinber heimsókn forseta Íslands Ólafs Ragnars Grímssonar til Indlands hófst í morgun, þriðjudaginn 12. janúar, í Mumbai en í heimsókninni fer forseti einnig til Delhi og Bangalore. Í tilkynningu frá forsetaembættinu segir að forseti Íslands muni eiga fundi með forseta Indlands frú Patibha Patil og varaforseta landsins Mohammad Hamid Ansari sem og forsætisráðherranum Manmohan Singh, utanríkisráðherranum og fjölda annarra ráðamanna.

Baldur krefst þess að kyrrsetning eigna hans verði ógild

Kyrrsetning á eignum Baldurs Guðlaugssonar, fyrrverandi ráðuneytisstjóra, er fordæmalaus, tilefnislaus, óvenjuleg og óvægin. Þetta segir lögmaður hans sem krafðist þess í héraðsdómi Reykjavíkur í dag að kyrrsetningin yrði ógild.

Nýr meirihluti myndaður í Borgarbyggð

Samkomulag hefur tekist með Framsóknarflokki og Sjálfstæðisflokki í Borgarbyggð um myndun nýs meirihluta sem starfar fram að sveitarstjórnarkosningum í vor. Samstarf allra flokka í sveitarfélaginu sprakk daginn fyrir gamlársdag vegna áhersluatriða við gerð fjárhagsáætlunar. Frá þessu er greint á fréttavefnum Skessuhorn.is

Dorrit er sextug í dag

Dorrit Moussaieff forsetafrú er sextug í dag, 12. janúar. Hún fæddist árið 1950 í Jerúsalem en foreldrar hennar Alisa og Shlomo eru frægir skartgripasalar. Þá segir á heimasíðu forsetaembættisins að faðir hennar sé á meðal fremstu forngripasafnara heims en hann sérhæfir sig í minjum sem tengjast Gamla testamentinu.

Sjötugur lögmaður dæmdur í fangelsi

Héraðsdómur Reykjavíkur hefur dæmt sjötugan karlmann í sex mánaða fangelsi, þar af þrjá skilorðsbundna, fyrir umboðssvik.

Varað við kraftaverkalausn

Varað er við kraftaverkalausninni MMS (e. Miracle Mineral Solution) sem ætlað er að lækna marga sjúkdóma allt frá alnæmi til berkla. Lausnin getur valdið alvarlegum veikindum og jafnvel dauða. Það eru sóttvarnalæknir, Lyfjastofnun, Matvælastofun, Umhverfisstofnun og Eitrunarmiðstöð Landspítalans sem vara við efninu.

2x13 í framboði hjá S og D

Þrettán manns gefa kost á sér til forvals Samfylkingarinnar í Kópavogi vegna sveitarstjórnarkosninganna í vor, en framboðsfrestur rann út í gærkvöldi.

14 prósent útgjalda borgarinnar fer í húsnæði

Reykjavíkurborg greiddi 8,8 milljarða í húsnæðiskostnað á síðasta ári Húsnæðiskostnaður Reykjavíkurborgar var 8,8 milljarðar og 14 prósent af heildargjöldum borgarinnar árið 2009. Húsnæðiskostnaðurinn var 4,6 milljarðar og 10 prósent af gjöldum árið 2005. Að teknu tilliti til verðbólgu á tímabilinu er raunhækkunin 35 prósent.

Síldargöngur kalla til sín fugla

Talningar vetrarfugla á Snæfellsnesi sýna óvenju blómlegt fuglalíf líkt og í fyrravetur. Ástæðan er mikil síldargengd í Breiðafirði.

Skrifar bók um forræðisdeiluna

Lokadagur málflutnings í forræðisdeilu Borghildar Guðmundsdóttur við fyrrverandi eiginmann sinn verður á fimmtudag.

Varar við hryllilegum kjörum

Ekki er ljóst hvort efnahags- og viðskiptaráðuneytið hefur heimildir til að stöðva veitingu svokallaðra SMS-lána hér á landi. Gylfi Magnússon, efnahags- og viðskiptaráðherra, segir ráðuneytið nú kanna hvort hægt sé að stöðva lánveitingarnar.

Mikill áhugi á orkuframleiðslu

Ríflega 130 manns hafa skráð sig á námskeiðið Orkubóndann sem haldið verður á Egilsstöðum í dag og er þetta metþátttaka í námskeiðinu sem er fyrir áhugafólk um orkuvirkjun.

Forstjóri hættir og fer í framboð

Hildur Dungal, sem hefur verið í leyfi frá störfum sínum sem forstjóri Útlendingastofnunar, hefur beðist lausnar á því starfi. „Ég baðst lausnar fyrir áramót, mér fannst bara kominn tími á að gera eitthvað nýtt eftir sjö ár hjá stofnuninni,“ segir Hildur sem hefur tilkynnt þátttöku sína í prófkjöri Sjálfstæðisflokksins í Kópavogi sem fram fer í febrúar.

Kínaforseti fylgist með Íslandi

Kristín Aðalbjörg Árnadóttir sendiherra afhenti í gær Hu Jintao, forseta Kína, trúnaðarbréf sitt sem sendiherra Íslands í Kína, fjórum dögum eftir komu sína til landsins. Að afhendingu lokinni fundaði hún með forsetanum og fleirum.

Óvissa með nýjar virkjanir

Breytt lánshæfismat íslenska ríkisins í kjölfar synjunar forseta Íslands á lögum um ríkisábyrgð vegna Icesave gæti haft áhrif á lánsfjáraðgengi Landsvirkjunar, og setur þar með áform um nýjar virkjanir í uppnám, segir Þorsteinn Hilmarsson, upplýsingafulltrúi Landsvirkjunar.

Gæta fórnarlambsins bæði á nóttu og degi

Meint fórnarlamb sakborninganna í mansalsmálinu á Suðurnesjum hefur verið í 24 tíma gæslu og notið hámarksverndar hér á landi. Stúlkan, sem er litháísk, tæplega tvítug, er talin í stórhættu af hálfu sakborninga, eða manna sem þeir þekkja hér.

Mun minna af gulldeplu í ár

Gulldepluveiðin í upphafi árs er mun minni en í fyrra, segir Albert Sveinsson, skipstjóri á Faxa RE, skipi HB Granda. Hann segir að skipum hafi fjölgað frá því í fyrra og svæðið, sem er lítill blettur í Grindavíkurdýpinu, sem veitt er á þoli það illa. Alls eru skipin tíu sem stunda veiðarnar.

Íþróttafélög og skógrækt keppa

Skógrækt Reykjavíkur í samstarfi við Gámaþjónustuna býður nú Reykvíkingum að sækja til þeirra gömul jólatré fyrir 800 krónur stykkið, og gróðursetja eitt tré í Heiðmörk fyrir hvert tré sem þannig safnast.

Tveir til læknis eftir umferðarslys við Hvolsvöll

Ökumaður og farþegi voru fluttir til skoðunar hjá lækni eftir að bíll hafnaði utan vegar og hvolfdi vestan við Rauðalæk, í umdæmi lögreglunnar á Hvolsvelli, um fimmleytið í dag. Talið er að meiðsl þeirra séu ekki alvarleg. Mikil hálka er í umdæminu að sögn lögreglunnar.

Aðstoðuðu konu í Húsavíkurfjalli

Björgunarsveitarmenn og lögregla á Húsavík eru á leið upp á Húsavíkurfjall til að aðstoða konu sem slasaðist í fjallinu í kvöld. Hvorki er vitað um tildrög slyssins né hvers eðlis meiðsl konunnar eru.

Þrettán sjálfstæðismenn vilja í bæjarstjórn á Akureyri

Þrettán gefa kost á sér í prófkjöri Sjálfstæðisflokksins á Akureyri vegna sveitastjórnakosninganna í vor. Framboðsfrestur rann út klukkan sjö í kvöld.

Grynnra niður á kviku undir vesturhluta Íslands

Glóandi kvika er mun grynnra undir vestanverðu landinu en áður hefur verið talið, að mati Hauks Jóhannessonar jarðfræðings. Hann segir borðleggjandi að bora eftir jarðhita mun víðar, eins og á Vestfjörðum og Húnavatnssýslum, en jafnframt verði að endurmeta jarðskjálftahættu á þessum svæðum.

Landsvirkjun þarf ekki endurlán á næsta ári

Lausafjárstaða Landsvirkjunar er mun betri en áætlanir gerðu ráð fyrir og á fyrirtækið nú fimmtíu milljarða króna í lausu fé. Ástæðan er mikil tekjuaukning vegna fimmtíu prósenta hækkunar álverðs á nýliðnu ári, og segir Landsvirkjun í tilkynningu í dag að hún geti staðið við allar núverandi skuldbindingar til ársins 2012. Áður var gert ráð fyrir að taka þyrfti ný lán eftir þetta ár. Þá vekur athygli að lánshæfismat Landsvirkjunar hefur haldist óbreytt þrátt fyrir að eigandinn, ríkissjóður Íslands, sé kominn í ruslflokk.

Áformar 60 megavatta virkjun í Hverfisfljóti

Bóndinn á Dalshöfða í Vestur-Skaftafellssýslu áformar allt að sextíu megavatta stórvirkjun í Hverfisfljóti. Þetta yrði langstærsta virkjun hérlendis á vegum einkaaðila. Bóndinn segir að fólksfækkunin í Skaftafellssýslum sé orðin meiri en í Móðuharðindunum.

Íslenskur karlmaður lést þegar að hann féll útbyrðis

Íslenskur karlmaður á sjötugsaldri lést þegar verið var að afferma bát í Sogn í Norðfirði eftir hádegið í dag.

Ríkisstjórn og stjórnarandstaða leita sáttagrundvallar

Það varð sameiginleg niðurstaða forystumanna ríkisstjórnarinnar og stjórnarandstöðunnar að leita að sáttagrundvelli í Icesave málinu.

Ríkisstjórnin minnir á aðild Íslands að EES

Forsætisráðuneytið hefur sent frá sér tilkynningu þar sem minnt er á að Ísland er aðili að Evrópska efnahagssvæðinu. Í Silfri Egils í gær var talað við Evu Joly og Alain Lipietz, fulltrúa Græningja á Evrópuþinginu. Í máli þeirra komu fram miklar efasemdir um að Íslendingar, eða íslenski innstæðutryggingasjóðurinn, ættu að bera ábyrgð á innstæðum á Icesave reikningum Breta og Hollendinga. Að mati þeirra eiga viðkomandi lönd að bera ábyrgðina vegna þess að Ísland er utan Evrópubandalagsins.

Líf sækist eftir öðru sætinu hjá VG

Líf Magneudóttir gefur kost á sér í forval Vinstri grænna til borgarstjórnarkosninganna í vor og sækist hún eftir 2. sæti á lista. Í tilkynningu frá Líf segir að hún hafi verið flokksbundin frá árinu 2004 og stutt flokkinn frá upphafi.

Ræddi við Reinfelt og Stoltenberg

Jóhanna Sigurðardóttir, forsætisráðherra, hefur í dag rætt við Fredrik Reinfeldt, forsætisráðherra Svíþjóðar, Matti Vanhanen, forsætisráðherra Finnlands, og Jens Stoltenberg, forsætisráðherra Noregs, um stöðu mála hér á landi í kjölfar synjunar forseta Íslands á Icesave lögunum.

Dómari féllst á lokað þinghald í mansalsmálinu

Mansalsmálið svokallaða var tekið fyrir í Héraðsdómi Reykjaness í dag en fimm Litháar og einn íslenskur karlmaður eru ákærðir í málinu. Réttargæslumaður litháískrar stúlku sem talið er að átt hafi að þvinga í vændi hér á landi krafðist þess við upphaf þingfestingarinnar að þinghaldið yrði lokað og féllst dómarinn á það.

Stjórnarandstaðan boðuð í forsætisráðuneytið

Jóhanna Sigurðardóttir, forsætisráðherra, hefur boðað formenn stjórnarandstöðuflokkanna á Alþingi til fundar við sig í forsætisráðuneytinu klukkan fjögur. Steingrímur J. Sigfússon, fjármálaráðherra, mun einnig sitja fundinn.

Þjófnaðurinn í sendiráðinu í Vín enn til rannsóknar

Efnahagsbrotadeild Ríkislögreglustjóra hefur enn til rannsóknar mál konu sem gegndi starfi bókara í sendiráði Íslands í Vín og grunuð er um að hafa dregið sér rúmlega 50 milljónir króna. Helgi Magnús Gunnarsson yfirmaður deildarinnar á von á því að niðurstaða liggi fyrir eftir nokkrar vikur og þá verði tekin ákvörðun hvort að konan verði ákærð.