Æpandi ósamræmi í nauðgunarmálum

Af þeim 200 nauðgunarmálum sem koma inn á borð Stígamóta á ári hverju, fara fimm þeirra í gegnum héraðsdóm. Talskona Stígamóta segir konur ætla að bregðast við þessu á næsta ári og krefjast þess að konur sem séu beittar ofbeldi verði teknar alvarlega.

Ætlar að opna nýja verslun á morgun

Kostur, ný lágvöruverslun Jóns Geralds Sullenberger mun að öllum líkindum opna í Kópavogi í fyrramálið. Unnið hefur verið allan sólarhringinn síðustu daga.

Niðurstaða komin varðandi orkuskatta

Ríkisstjórnin hefur náð niðurstöðu í skattlagningu á orkuauðlindir, en Steingrímur J. Sigfússon, fjármálaráðherra, sagði eftir ríkisstjórnarfund í morgun að ríkisstjórnin áætlaði að skattlagningin myndi skila 16 milljörðum króna í tekjur fyrir ríkissjóð.

Stefnir í minni halla

Steingrímur J. Sigfússon, fjármálaráðherra, segir að allt stefni í að minni halli verði á rekstri ríkissjóðs en fjárlög gerðu ráð fyrir. Bjarni Benediktsson, formaður Sjálfstæðisflokksins, segir að það sé hægt að hækka tekjur ríkisins með öðrum hætti en hækka skatta. Hann var málshefjandi í umræðu utan dagskrár á Alþingi í dag um skattaáform ríkisstjórnarinnar.

Jóhanna ósammála ráðgjafa ríkisstjórnarinnar

Jóhanna Sigurðardóttir, forsætisráðherra, er ósammála Mats Josefson, sænskum ráðgjafa ríkisstjórnarinnar, sem telur að að endurreisn bankakerfisins sé ekki í forgangi hjá ríkisstjórninni. „Niðurstaða mín er sú að hann hafi ekki rétt fyrir sér í þessu máli," sagði Jóhanna í þingfundi í dag þegar Birkir Jón Jónsson, varaformaður Framsóknarflokksins, spurði hana út í gagnrýni Mats sem kom fram á ráðstefnu í Reykjavík á miðvikudag.

Icesave afgreitt úr fjárlaganefnd á mánudag

Björn Valur Gíslason, þingmaður VG og varaformaður fjárlaganefndar, segir að frumvarp ríkisstjórnarinnar um ríkisábyrgð vegna Icesave reikninga Landsbankans verði að öllum líkindum afgreitt úr fjárlaganefnd á mánudag.

Vill vita um sérverkefni fyrir ráðuneytin

Birkir Jón Jónsson, varaformaður Framsóknarflokksins, hefur lagt fram fyrirspurn á Alþingi til Jóhönnu Sigurðardóttur, forsætisráðherra, um ráðningar í ráðgjafarstörf og sérverkefni fyrir ráðuneytin frá 1. febrúar fyrr á þessu ári.

Gefa konum sem ætla í pólitík tíu hollráð

Forystukonur úr fimm stjórnmálaflokkum skrifa sameiginlega grein um konur í stjórnmálum sem birtist í Fréttablaðinu í dag. Þar miðla þær ráðum áfram til íslenskra kvenna og hvetja konur um leið til að hafa áhrif á umhverfi sitt með þátttöku í sveitarstjórnarkosningunum í maí á næsta ári.

Ráðherrar senda ekki jólakort

Ríkisstjórnin hefur ákveðið að senda ekki jólakort innanlands fyrir þessi jól í nafni einstakra ráðuneyta. Þess í stað verður andvirði kortanna og sendingarkostnaðar, um 4,5 milljónir króna, afhent níu hjálparsamtökum.

VG með forval í febrúar

Félagsfundur Vinstri grænna í Reykjavík ákvað í gær að boða til forvals laugardaginn 6. febrúar 2010 vegna komandi borgarstjórnarkosninga. Frambjóðendum er óheimilt að bera kostnað af kynningu framboðs síns.

Útafakstur í Hrútafirði

Bíll skemmdist nokkuð þegar hann fór útaf veginum í Hrútafirði í gærkvöldi um klukkan hálf ellefu. Að sögn lögreglunnar á Blönduósi var ökumaðurinn einn í bílnum og slapp hann með lítilsháttar eymsli. Bíllinn er hins vegar töluvert mikið skemmdur en mikil ísing var á veginum þar sem bíllinn fór útaf.

Skattamálin rædd í ríkisstjórn í dag

Formenn stjórnarflokkanna, þau Jóhanna Sigurðardóttir Samfylkingu og Steingrímur J. Sigfússon, Vinstri grænum fengu í gærkvöld umboð sinna þingmanna til þess að móta áfram skattahugmyndir sínar. Reiknað er með að málið verði kynnt á ríkisstjórnarfundi í dag og að þróun mála muni skýrast betur yfir helgina. Steinunn Valdís Óskarsdóttir, þingmaður Samfylkingar, sagði í samtali við fréttastofu í gærkvöldi að sátt ríki á meðal þingmanna flokksins um hvaða leiðir eigi að fara og að formaður flokksins hafi fullt umboð til að ljúka við málið af hálfu Samfylkingarinnar.

Innbrotstilraun í Kársnesskóla

Innbrotsþjófar gerðu tilraun til að brjótast inn í Kársnesskóla í Kópavogi í nótt. Þeir brutu rúðu en við það virðist þjófavarnakerfið hafa farið í gang og þrjótarnir þurft frá að hverfa. Þá var brotist inn í bifreið annars staðar í Kópavogi, eða í Lómasölum. Óljóst er hvort einhverju hafi verið stolið. Að sögn lögreglu var sæmilegur erill í gærkvöldi og í nótt, nokkur skólaböll voru í gangi og af þeim hlaust nokkuð umstang fyrir lögreglu þó ekkert alvarlegt hafi komið upp á.

Rússinn lætur vita af sér

Rússneska olíuskipið Urals Star sendir nú staðsetningu sína með reglulegu millibili til vaktstöðvar Landhelgisgæslunnar og gengur sigling skipsins innan íslensks hafsvæðis vel. Gæslan hafði í gær samband við skipstjóra skipsins, sem er með 106 þúsund tonn af hráolíu innanborðs, vegna þess að skipið hafði ekki látið vita af ferðum sínum eins og lög gera ráð fyrir.

Handalögmál á Selfossi

Karlmaður gistir nú fangageymslur á Selfossi eftir slagsmál tveggja félaga í bænum. Mennirnir voru báðir ölvaðir og óljóst er hvað varð til þess að þeir létu hendur skipta. Annar þeirra skaddaðist eithhvað á eyra og fór hann á spítala í Reykjavík til nánari skoðunar. Hinn fékk gistingu eins og áður sagði og mun hann þurfa að útskýra mál sitt fyrir lögeglu þegar hann vaknar.

Sjóðir nálgast sömu stærð og fyrir hrun

Hrein eign lífeyrissjóðanna til greiðslu lífeyris nálgast það að vera sú sama og hún var fyrir hrun. Batinn frá október 2008 er metinn af Seðlabanka Íslands á 181 milljarð króna en eignarýrnun sjóðanna við hrunið var metin 217 milljarðar króna eftir hrunið.

Íbúfen ófáanlegt án lyfseðils

„Þetta er mest selda verkjalyfið og það er frekar óheppilegt að það vanti,“ segir Magnús Steinþórsson, rekstrarstjóri Lyfjavers, en Íbúfen, mest selda verkjalyf landsins hefur verið ófáanlegt án lyfseðils undanfarið frá báðum framleiðendum.

Samfélagið krufið og skilgreint upp á nýtt

„Hvaða lífsgildi eiga að vera okkur leiðarljós í þróun samfélagsins?“ Þannig verður spurt á þjóðfundinum í Laugardalshöll á morgun. Í framhaldinu verður rætt um meginstoðir samfélagsins, eins og velferðar- og menntakerfi,

Samstarf skilaði síldarkvóta

Vilhjálmur Vilhjálmsson, deildarstjóri uppsjávarsviðs HB Granda, segir samstarf sjávarútvegsráðuneytisins, Hafrannsóknastofnunar og fyrirtækja í rannsóknum á síldarstofninum í haust hafa tekist ákaflega vel. Hann telur samstarfið hafa lagt grunninn að því að gefinn var út byrjunarkvóti á dögunum.

Landssamtök lífeyrissjóða hafna fjármagnstekjuskatti

„Við tökum þessari hugmynd illa. Þetta myndi leiða til þess að lækka þyrfti lífeyri,“ segir Arnar Sigurmundsson, formaður stjórnar Landssamtaka lífeyrissjóða, inntur eftir viðbrögðum við hugmyndum um að leggja á lífeyrissjóði tímabundinn fjármagnstekjuskatt.

Hægt að skoða dugnaðinn

Áttatíu viðburðir hafa verið skráðir á Alþjóðlegu athafnavikuna sem hefst um land allt á mánudag. Rúmlega hundrað lönd halda vikuna á sama tíma. Markmið vikunnar er að vekja fólk til umhugsunar um gildi nýsköpunar og athafnasemi í samfélaginu.

Sólarlönd skaðlegri en bekkir

„Mér líst mjög vel á þetta en það mætti kannski hafa þetta sextán ára,“ segir Ómar Ómarsson, eigandi Sólbaðsstofunnar Smart á Grensásvegi. Í Fréttablaðinu í gær sagði frá því að heilbrigðisráðuneytið ætlaði að ráði Geislavarna ríkisins að koma á banni við því að ungmenni innan átján ára notuðu ljósabekki. Jafnvel ætti að takmarka notkun fullorðinna á ljósabekkjum.

Grófu bréf um misnotkun

Lögregluyfirvöld í Missouri í Bandaríkjunum leita nú að glerkrukkum sem grafnar voru á sveitabæ einum og eru taldar innihalda frásagnir barna af

Gekk berserksgang gegn lögreglu

Ríkissaksóknari hefur ákært mann á þrítugsaldri fyrir að ganga berserksgang gegn lögreglu.

Einsdæmi hve mikið hefur áunnist

. „Ég er hjartanlega ósammála. Þetta er auðvitað það sem við erum að fást við framar öllu öðru,“ segir Gylfi Magnússon, efnahags- og viðskiptaráðherra, sem vísar því á bug að endurreisn bankakerfisins sé ekki í forgangi hjá ríkisstjórninni. Sú gagnrýni kom fram í máli Mats Josefson, sænsks ráðgjafa ríkisstjórnarinnar um endurreisn bankakerfisins, á ráðstefnu í Reykjavík á miðvikudag.

Allt að 150 umsóknir á dag

Rúmlega sjö hundruð umsóknir hafa borist Íslandsbanka breytingu á höfuðstól bílalána og bílasamninga í erlendri mynt í verðtryggðar íslenskar krónur frá mánaðamótum, samkvæmt upplýsingum frá bankanum. Þrjú hundruð viðskiptavinir bankans hafa tekið greiðslujöfnunarúrræði ríkisstjórnarinnar hjá bankanum á sama tíma.

Drengurinn fer aftur til ömmu: „Þetta er bara ólýsanlegt“

„Við erum að fá hann hingað heim,“ segir Helga Elísdóttir, amma níu ára drengs sem hún hefur barist fyrir að fá aftur. Nú hefur Félags- og tryggingamálaráðuneytið úrskurðað að drengurinn skuli vera hjá ömmu sinni þar til dómur fellur í máli móður hans um það hvort hún fái að halda forræði yfir honum.

Lengra skilorð fyrir heimilisofbeldi

Hæstiréttur staðfesti dóm yfir karlmanni sem misþyrmdi fyrrverandi sambýliskonu sinni og börnum hennar. Maðurinn réðist meðal annars á konuna í apríl 2007 þegar hún hélt á ungum syni þeirra. Þá snéri hann upp á höndina hennar með þeim afleiðingum að hún fingurbrotnaði.

Stjórnarflokkarnir funda um skattahækkanir

Þingflokkar stjórnarflokkanna koma saman í kvöld til að ræða breytingar á skattkerfinu og fyrirhugaðar skattahækkanir en milljarða hækkanir á sköttum eru sagðar í pípunum. Meðal þess sem ríkisstjórnin hefur til skoðunar er mismunandi tekjuskattsþrep.

Grannt fylgst með rússnesku olíuskipi

Landhelgisgæslan fylgist grannt með olíuskipinu Urals Star sem er á siglingu 12 mílur suður af Dyrhólaey með 106 þúsund tonn af hráolíu innanborðs. Fylgst er með skipinu eftirlitsbúnaði stjórnstöðvar Landhelgisgæslunnar enda afar viðkvæmur farmur um borð sem myndi valda miklum skaða ef eitthvað færi úrskeiðis, að fram kemur í tilkynningu frá Landhelgisgæslunni.

Gjaldfrjáls bólusetning

Álfheiður Ingadóttir, heilbrigðisráðherra, hefur tilkynnt að bólusetning gegn svínaflensunni, eða H1N1 inflúensunni, verði öllum að kostnaðarlausu. Heilbrigðisráðherra hefur þegar tilkynnt viðkomandi stofnunum ákvörðun sína, en einstaklingar þurfa hvorki að greiða fyrir komu á heilsugæslu né fyrir sjálft bóluefnið. Allir landsmenn geta pantað tíma á heilsugæslustöðvum fyrir bólusetningu gegn svínaflensu frá og með næsta mánudegi.

Borgarfulltrúar borgi sjálfir fyrir laxveiði- og leikhúsferðir

Ólafur F. Magnússon, borgarfulltrúi, hyggst leggja til á næsta borgarstjórnarfundi að borgarfulltrúar greiði úr eigin vasa fyrir laxveiði- og leikhúsferðir sem þeim er boðið í sem kjörnum fulltrúum.

Fjórir á gjörgæslu vegna svínaflensu

28 sjúklingar eru inniliggjandi á Landspítala með svínaflensu eða H1N1 inflúensuna. Þar af eru fjórir sem haldið er á gjörgæslu. Síðasta sólarhringinn voru þrír sjúklingar útskrifaðir af spítalanum eftir að hafa verið inniliggjandi vegna svínaflensu. Þetta kemur fram í tilkynningu frá farsóttarnefnd spítalans.

SUS: Sjálfstæðisflokkurinn biðjist afsökunar

Samband ungra sjálfstæðismanna telur að Sjálfstæðisflokkurinn verði að biðjast afsökunar á sínum þætti í því að hafa stóraukið ríkisútgjöld á síðustu árum. Stjórn SUS telur að vel sé hægt að spara í rekstri ríkisins þannig að hægt verði að ná fram raunhæfum fjárlögum án skattahækkana og án þess að það komi verulega niður á velferðar-, heilbrigðis- eða menntakerfinu. Þetta er meðal þess sem fram kemur í tilkynningu frá SUS.

Íslensk kona í framboði í Kaupmannahöfn

Það verður íslenskur bragur yfir borgarstjórnarkosningum í Kaupmannahöfn sem haldnar verða þann 17. nóvember næstkomandi en hin 26 ára Iðunn Haraldsdóttir er í framboði fyrir Enhedslistann í Kaupmannahöfn. Það er rauð-grænt framboð og í ætt við Vinstri græna hér á landi.

Ragna vill auka framlög til dómstóla

Ragna Árnadóttir, dóms- og mannréttindaráðherra, hefur lagt til að fjárframlög til héraðsdómstóla verði aukinn og að héraðsdómurum verði fjölgað. Brýnt sé að bregaðast við vandann sem blasir við dómstólum. Þetta kom fram á þingfundi í dag.

Síðasti bæjarstjórnarfundur bæjarstjórans

Jóna Kristín Þorvaldsdóttir, bæjarstjóri í Grindavík, sat sinn síðasta bæjarstjórnarfund í gærkvöldi en hún tekur við sem sóknarprestur í Kolfreyjustaðarprestakalli um næstu mánaðarmót. Ekki hefur verið greint frá því hver verður eftirmaður Jónu Kristínar í embætti bæjarstjóra.

Sveitafélög á Suðurnesjum í samstarf með Umferðarstofu

Sveitarfélög á Suðurnesjum skrifuðu undur samstarfssamning við Umferðarstofu um gerð umferðaröryggisáætlunar sem miðar að auknu umferðaröryggi í bæjarfélögunum og virkjar sem flesta hagsmunaaðila til þátttöku.

Lækkunin setur fjármögnun framkvæmda í uppnám

Lækkun á lánshæfismati Orkuveitu Reykjavíkur niður í ruslflokk setur fjármögnun framtíðar framkvæmda í uppnám. Þetta segir forstjóri Orkuveitunnar. Þetta hefur þó ekki áhrif á lán Evrópska fjárfestingabankans til orkuveitunnar. Höskuldur Kári Schram

Gömul skinnhandrit ekki lengur í Þjóðmenningarhúsinu

Óvíst er hvenær gömul skinnhandrit sem hafa verið til sýnis í Þjóðmenningarhúsi, verða sýnd þar að nýju. Handritin voru tekin þaðan um miðjan október, vegna framkvæmda í Þjóðmenningarhúsinu.

Ólafur spyr um veiðiferðir borgarfulltrúa

Ólafur F. Magnússon óskar þess á fundi borgarráðs í dag, að fá svör við því hverjir borgarfulltrúa hefðu þegið boð um veiði í Elliðaánum á kjörtímabilinu. Þá spyr hann einnig um kostnað vegna laxveiðinnar, enn fremur um boðsferðir borgarfulltrúa í leikhús og fleira. Meðal þess sem Ólafur vill að komi fram í dagsljósið er hversu mikið borgarfulltrúarnir þyrftu annars að greiða úr eigin vasa fyrir þessi hlunnindi.

Mælti fyrir lögum um þjóðaratkvæðagreiðslur

Jóhanna Sigurðardóttir, forsætisráðherra, mælti á Alþingi í dag fyrir frumvarpi um þjóðaratkvæðagreiðslur. Frumvarpið var flutt á síðasta þingi en það var ekki afgreitt sem lög.

Á annað hundrað DVD myndum stolið

Brotist var inn í bíl í Árbæ í gær og úr honum stolið tveimur GPS-tækjum, DVD spilara og tösku sem í voru á annað hundrað DVD myndir.

Sakar bæjaryfirvöld um að reisa grjótgarð á einkalandi

Bóndinn og áhugaleikarinn Helgi Andersen á Þórkötlustöðum í Grindavík hefur sent formlegt erindi til bæjarstjórnar Grindavíkur vegna grjótgarðs sem yfirvöld reistu á landi hans.

Fullviss um að Bæjarins besta hafi verið mörgum til ánægju

Héraðsfréttablaðið Bæjarins besta á Ísafirði fagnar 25 ára afmæli sínu þessa dagana. „Þeir sem að Bæjarins besta standa eru þess fullvissir, að útgáfa blaðsins í aldarfjórðung hafi verið Vestfirðingum og mörgum öðrum til ánægju, gagnsemi og fróðleiks. Undirtektirnar hafa sýnt það. Fyrir þær skal þakkað sérstaklega á þessum tímamótum,“ segir í tilkynningu frá blaðinu.