Ferðamönnum fækkar - nema frá Evrusvæðinu

Erlendum gestum um Leifsstöð í júní fækkaði um fimmtánhundruð manns milli ára. Síðastliðinn júní voru þeir um 54 þúsund talsins, um þremur prósentum færri en á sama tíma í fyrra.

Hæstiréttur hefur ítrekað fjallað um mál ofbeldisfulla sambýlismannsins

Mál tengd manninum sem var dæmdur í átta ára fangelsi á þriðjudaginn hefur fjórum sinnum komið inn á borð Hæstaréttar eftir að sambýliskona mannsins kærði hann fyrir gróft ofbeldi í janúar 2008. Þrívegis klofnaði Hæstiréttur þegar rétturinn úrskurðaði tvisvar um nálgunarbann og hvort að barnsmóðir mannsins fengi að vitna í málinu fyrir Héraðsdómi Reykjavíkur.

Ný bílaleiga býður áður óþekkt verð á bílaleigubílum

Í ljósi fréttar Stöðvar 2 í vikunni af gríðarlega háu verði á bílaleigubílum á Íslandi, hefur nýja bílaleigan Thrifty, í samstarfi við Brimborg, ákveðið að bjóða áður óþekkt verð á bílaleigubílum í sumar.

Svandís telur sér skylt að greiða atkvæði um Icesave

Margrét Tryggvadóttir, þingmaður Borgarahreyfingarinnar, spurði Svandísi Svavarsdóttur umhverfisráðherra að því í dag hvort hún teldi sig hæfa til þess að taka afstöðu gagnvart Icesave samningnum vegna tengsla sinna við Svavar Gestsson, formann samninganefndarinnar, en Svavar er faðir hennar.

Krafðist afsökunarbeiðni af utanríkisráðherra

Bjarni Benediktsson, formaður Sjálfstæðisflokksins, krafðist þess í dag að Össur Skarphéðinsson bæðist afsökunar á því að þingmönnum hafi ekki verið birt álit bresku lögfræðistofunnar Michon de Reyja þar sem meðal annars kemur fram að ábyrgð Íslendinga í Icesave málinu er ekki ótvíræð.

Sprengdi kveikjara og lamdi tvo menn

Rúmlega tvítugur maður var dæmdur í mánaðarlangt skilorðsbundið fangelsi til tveggja ára fyrir að lemja tvo menn.

Segir ESB tillöguna vera sprengju í þinginu

Stjórnarandstaðan deildi hart á fundarstjórn Alþingis við upphaf þingfundar í dag. Ráðgert hafði verið að þingfundur hæfist klukkan hálfellefu í morgun en fundinum var frestað fram á hádegi.

Barnaníðskæra gegn hrotta látin niður falla

Hrottinn sem var dæmdur í átta ára fangelsi fyrir að ganga ítrekað í skrokk á konu sinni og láta ellefu menn hafa samræði við hana gegn hennar vilja var kærður fyrir að misnota dóttur sína. Í framburði fyrrum sambýliskonu hans, sem varð fyrir ofbeldinu, kom fram að hana hafi grunað að maðurinn hefði nauðgað eigin dóttur.

Prammi með mjölgeymana siglir af stað síðdegis

Stefnt er því að prammi, sem flytur tíu risastóra mjölgeyma, verði dreginn út úr Reykjavíkurhöfn upp úr klukkan fjögur. Siglingin verður án efa tilkomumikil sjón enda farmurinn á óvenju háreistur eða á við átta hæða hús.

Stal bíl úr reynsluakstri

Reynsluakstri stúlku sem fékk bíl að láni frá bílasölunni Bernhard í Reykjanesi í gærmorgun er enn ekki lokið - enda stal hún bílnum og stakk af.

Á von á þjóðaratkvæðagreiðslu innan þriggja mánaða

„Ég á alveg eins von á því að málið verði lagt í hendur þjóðarinnar innan þriggja mánaða,“ sagði Bjarni Benediktsson, formaður Sjálfstæðisflokksins, í samtali við Vísi er hann var inntur eftir því hvenær þjóðaratkvæðagreiðsla um ESB fari fram, ákveði þingið að samþykkja þingsályktunartillögu utanríkismálanefndar.

Segja Bankasýsluna eitt stórt leikrit

„Við í minnihlutanum teljum að þetta sé eitt stórt leikrit," segir Eygló Harðardóttir, fulltrúi Framsóknar í viðskiptanefnd Alþingis, um Bankasýslu ríkisins.

30 daga skilorð fyrir að stela vodkafleyg og bjórdós

Héraðsdómur Norðurlands eystra dæmdi í gær karlmann í 30 daga skilorðsbundið fangelsi fyrir að hafa stolið Borsia vodkafleyg og hálfum lítra af bjór úr Vínbúðinni á Akureyri. Maðurinn játaði brot sitt fyrir dómi. Þá var kona dæmd fyrir að stela gaskút af bensínstöð í nóvember í fyrra og að keyra undir áhrifum amfetamíns í mars. Konan var dæmd til að greiða 150 þúsund krónur í sekt.

Bankasýslan mun fara með eignaumsýsluna

Bankasýsla ríkisins mun fara með hlutafélag um eignaumsýslu ríkisins, auk þess að fara með hlut ríkisins í fjármálafyrirtækjum. Þetta er lagt til í nefndaráliti meirihluta viðskiptanefndar og umsögn efnahags- og skattanefndar.

Allir stjórnarþingmenn samþykkja ESB-tillöguna

Utanríkisnefnd er búinn að afgreiða þingsályktunartillögu um aðildarumsókn í ESB út úr nefndinni. Hart var tekist á í nefndinni út af tillögunni.

Eldur í bátaskýli við Elliðavatn

Eldur kviknaði í gömlu bátaskýli við Elliðavatn um klukkan sex í morgun og logaði glatt, þegar slökkvilið kom á vettvang. Mininn reyk lagði frá skýlinu og sást hann víða að.Slökkvistarfi er lokið en skýlið mun vera ónýtt. Ekki er vitað um eldsupptök.

Lenti í sjálfheldu við Ingólfsfjall

Björgunarsveitarmenn af Suðurlandi komu í gær ungri konu til hjálpar, þar sem hún hafði lent í sjálfheldu í klettabelti í hlíðum Ingólfsfjalls, fyrir norðan Selfoss. Þegar svo var komið fyrir henni hringdi hún eftir hjálp og tók það björgunarmenn um það bil tvær klukkustundir að komast að henni. Ekkert amaði að konunni, sem er vön fjallgöngum.-

Kostnaðarsamt ef lögregla nær ekki að sinna verkefnum

Það getur orðið ærið kostnaðarsamt fyrir ríkissjóð ef lögregla nær ekki að sinna lögbundnum verkefnum sínum, og þá helst forvarnarverkefnum, segir meðal annars í ályktun lögreglufélags Suðurnesja. Nú á tímum sé aukin þörf fyrir lögreglu, sér i lagi í ljósi þess uppgjörs sem íslenska þjóðin krefst að fram fari í kjölfar bankahrunsins. Bent er á að gangi niðurskurðartillögur ríkisvaldsins eftir þýddi það 12 til, 13 manna fækkun í lögregluliði Suðrunesjamanna.-

Frá Reykjavík til Akureyrar á tólf tímum

Fyrstu hjólreiðakapparnir, í hjólreiðakeppninni á milli Reykjavíkur og Akureyrar, sem hófst í Reykjavík klukkan sjö í gærmorgun, komu í mark á Akureyri rétt fyrir klukkan sjö í gærkvöldi.

Ágreiningur milli stjórnarliða

Ágreiningur á milli stjórnarliða í utanríkismálanefnd Alþingis varð til þess að ekki náðist samstaða um þingsályktunartillögu um aðildarumsókn að Evrópusambandinu á fundi nefndarinnar, sem stóð fram á kvöld í gær.

Á leið til lands eftir makrílveiðar

Floti tuttugu íslenskra fjölveiðiskipa, sem hafa verið að makrílveiðum að undanförnu, miðja vegu á milli Íslands og Færeyja, er nú á leið til landsins með afla, eftir að sjávarútvegsráðuneytið stöðvaði frekari makrílveiðar í gær.

Hafa beðið síðan þrjú í nótt eftir miða á Þjóðhátíð

Örtröð er nú við afgreiðslu Flytjanda við Klettagarða í Sundahöfn í Reykjavík þar sem hátt í þrjú hundruð unglingar hafa verið að safnast saman í nótt til að tryggja sér síðustu miðana í Herjólf til Vestmannaeyja um þjóðhátíðina.

Brotist inn hjá N-1

Brotist var inn í söluskála N-1 við Stóragerði í Reykjavík um klukkan hálf fimm í morgun. Vitni sáu til tveggja manna á vettvangi og létu lögreglu vita, en þeir voru horfnir þegar lögregla kom á vettvang skömmu síðar. Ekki liggur enn fyrir hversu miklu þeir stálu, en lögregla leitar þeirra.-

Jakob Frímann er enn í Ráðhúsinu

Reykjavík Jakob Frímann Magnússon, framkvæmdastjóri miðborgar-mála, er enn við störf í Ráðhúsi Reykjavíkur þrátt fyrir að ráðningartími hans hafi runnið út í lok apríl.

Áfengur bjór fór óvart í matvörubúðir

Eitt vörubretti af áfengum Thule-bjór í hálfs lítra dósum barst fyrir mistök frá Vífilfelli í nokkrar matvöruverslanir um eða eftir helgi í stað léttöls. Eitthvað af bjórnum seldist úr verslunum, samkvæmt heimildum Fréttablaðsins.

SPRON hunsar álit réttarfars-nefndarinnar

Slitastjórn SPRON er heimilt að greiða ógreidd laun rúmlega 100 starfsmanna SPRON á uppsagnarfresti, samkvæmt áliti réttarfarsnefndar. Ekki sé lagabreytinga þörf, eins og slitastjórnin telur.

Niðurstöðu er að vænta í dag

Utanríkismálanefnd Alþingis reyndi að komast að málamiðlun um þingsályktunartillögu um aðildarumsókn að Evrópusambandinu á fundi sem stóð fram eftir kvöldi í gær. Niðurstöðu er að vænta í dag en utanríkismálanefnd hittist aftur klukkan hálf níu. Bjartsýni virðist ríkja um að mögulegt verði að ná lendingu þar sem önnur umræða um málið hafði verið sett á dagskrá þingsins í dag, samkvæmt heimildum Fréttablaðsins.

Ítreka nauðsyn sjóvarnargarðs

Landbrot er orðið umtalsvert meira og fjörulína komin inn fyrir viðmiðunarmörk sem marka áttu upphaf framkvæmda við nýjan sjóvarnargarð við Vík, segir sveitarstjórn Mýrdalshrepps.

Óeðlilegt hvernig lántakan þróaðist

„Við veltum vöngum yfir hvernig þetta mál þróaðist,“ segir Ragnar Lárus Kristjánsson, forstöðumaður hjá verðbréfafyrirtækinu Virðingu, sem Reykjavíkur-borg hafi falið að útvega fimm milljarða króna lánsfé gegn veði í fasteignum borgarinnar.

Þarf meira til að lögleiða fíkniefni

Dómsmálaráðherra segir það ekki næga ástæðu til að endurskoða stefnu ríkisins gagnvart kannabisefnum að landlæknir og prófessor í afbrotafræði hafi varað við „fíkniefnastríðinu“, og virðist telja núverandi stefnu komna í ákveðna blindgötu.

Hrikalegar tölur úr rekstri sveitarfélaga

Rekstrarniðurstaða sveitarfélaganna fyrir árið 2008 sýnir að viðsnúningurinn frá árinu á undan er neikvæður um 68 milljarða króna. Afkoman er lökust hjá sveitarfélögunum á höfuðborgarsvæðinu utan Reykjavíkur og á svokölluðum vaxtarsvæðum.

Rannsakaði aðstoðar­menn ráðherra

Faglega ráðnum aðstoðarmönnum ráðherra tók að fjölga þegar ríkisstjórn Sjálfstæðisflokks og Samfylkingar tók við völdum árið 2007. Þetta er meðal niðurstaðna BA-verkefnis Gests Páls Reynissonar í stjórnmálafræði, sem hlaut á dögunum verkefnastyrk Félagsstofnunar stúdenta.

Fjórðungur ganga eftir

Eftir á að grafa fyrir fjórðungi af heildarleið Bolungarvíkurganga um Óshlíð.

Tilboð berast í Loftorku ehf.

Sjö tilboð hafa borist í eignir þrotabús Loftorku Borgarnesi ehf. Eiríkur Elís Þorláksson, skiptastjóri þrotabúsins, hefur tilboð í höndunum, sem ýmist eru í eignirnar í heild eða einstaka hluta þeirra. Þetta kemur fram á fréttavefnum Skessuhorni.

Lögbundni aldurinn í forgang

„Fimmtán einstaklingar sem eru að koma úr 10. bekk eru ekki búnir að fá pláss,“ segir Katrín Jakobsdóttir menntamálaráðherra spurð hvernig staðan sé á umsóknum í framhaldsskóla landsins. Verið er að vinna í málum þeirra, að sögn Katrínar.

Fimm til sjö sparisjóðir í landinu

Ekki hefur verið rætt við forsvarsmenn Byrs sparisjóðs um mögulega sameiningu og sparisjóðurinn hefur ekki lýst áhuga á slíku, segir Ragnar Zophonías Guðjónsson, sparisjóðsstjóri Byrs og stjórnarmaður í Sambandi sparisjóða.

Fundi utanríkismálanefndar aflýst eftir kröfu Guðfríðar Lilju

Fundi Utanríkismálanefndar Alþingis sem átti að halda áfram klukkan 21.30 í kvöld hefur verið aflýst. Á fundinum átti að afgreiða þingsályktunartillögu um aðildarumsókn að Evrópusambandinu út úr nefndinni. Fundurinn hófst klukkan sex síðdegis en gert var hlé á fundinum eftir að Guðfríður Lilja Grétarsdóttir lagði fram kröfu um að veittar yrðu upplýsingar um kostnað við aðildarviðræðurnar.

Framkvæmdastjóri Strætó biðst afsökunar

Reynir Jónsson, framkvæmdastjóri Strætó Bs, vill koma á framfæri afsökunarbeiðni til foreldra átta ára drengs sem var settur út úr leið S1 í Hamraborg í Kópavogi í gær vegna plássleysis. Móðir drengsins hafði samband við Vísi í gær, verulega ósátt.

Tveir af ellefu karlmönnum höfðu stöðu sakborninga

Tveir af þeim 11 karlmönnum sem tóku þátt í kynlífsathöfnum með parinu sem kemur við sögu í kynferðisbrotamálinu sem dæmt var í í Héraðsdómi í gær höfðu stöðu sakborninga á rannsóknarstigi málsins hjá lögreglu, samkvæmt upplýsingum frá Huldu Elsu Björgvinsdóttur settum saksóknara.

Nýtt gagnaver gæti skapað tugi starfa

„Ég sé fyrir mér að hægt sé að draga mikil viðskipti hingað," segir Ólafur, Sigurvinsson, rekstrarstjóri nýja gagnavistunarfyrirtækisins DataCell. Reiknað er með að fyrirtækið hefji rekstur í september með þjónustu við fyrstu viðskiptavinina á Íslandi.

Hjólreiðamönnunum miðar vel

Hjólreiðamennirnir sem lögðu af stað í hjólreiðakeppni frá Mosfellsbæ til Akureyrar í morgun eru komnir vel á veg. Að sögn Hákons Hrafns Sigurðssonar, eins af skipuleggjendum keppninnar, er búist við að fyrstu hjólakapparnir komi til Akureyrar rúmlega sjö í kvöld. Tveir fyrstu hóparnir voru fyrir nokkrum mínútum í Varmahlíð í Skagafirði.

Finni og konu hans hótað

Finni Sveinbjörnssyni, bankastjóra Nýja Kaupþings, barst hótun bréfleiðis í kjölfar fréttar Fréttablaðsins um að Björgólfsfeðgar vildu semja um ákveðna niðurfellingu á skuldum sínum við bankann. Konu Finns var einnig hótað í sama bréfi. Þetta kom fram í kvöldfréttum RÚV.

Íslendingar kenna Dönum að fljúga

Þristavinafélagið DC-3 hefur nú tekið að sér flugmannaþjálfun fyrir danska þristavinafélagið og hefur Páll Sveinsson undanfarna daga verið notaður til að þjálfa danskan flugstjóra. Danirnir kosta þjálfunarflugið en þeir höfðu ekki aðstöðu til að standa að því sjálfir og leituðu því til Íslendinga um hjálp.

Hundur týndist við Smáralind

Hvítur og grár Silki Terrier hundur hvarf fyrir utan Smáralindina um klukkan hálf fjögur í dag. Hann er lítill með tagl í hvítri peysu með silfur stöfum og með rauða slaufu. Þeir sem geta gefið upplýsingar um ferðir hundsins geta haft samband í síma 841-0117 eða 564-0713.

Ráðherra stöðvar makrílveiðar

Jón Bjarnason, sjávarútvegs- og landbúnaðarráðherra, hefur falið Fiskistofu að fella úr gildi öll leyfi til makrílveiða frá klukkan 18 í dag. Jafnframt hefur reglugerð um stjórn veiða íslenskra skipa úr norsk-íslenska síldarstofninum verið breytt á þann hátt að veiðar úr þeim stofni eru einungis heimilar fyrir norðan 66°N og þar má makrílafli ekki fara yfir 10% af heildarafla á hverju þriggja vikna tímabili. Tekur þessi reglugerðarbreyting gildi á miðnætti.