Geir í framhaldsmeðferð í Amsterdam

Geir H. Haarde, fyrrverandi forsætisráðherra, gekkst í dag undir framhaldsmeðferð á vélinda vegna þess meins sem hann greindist með á liðnum vetri. Á heimasíðu Sjálfstæðisflokksins segir að meðferðin hafi farið fram á háskólasjúkrahúsinu í Amsterdam og að hún hafi gengið að óskum. Þá segir að gert sé ráð fyrir því að Geir þurfi að fara í sambærilega meðferð eftir þrjá mánuði.

Ökuníðingurinn yfirheyrður í dag

Ökuníðingur og farþegi fólksbifreiðar sem lögreglan á höfuðborgarsvæðinu stöðvaði í gærkvöldi á Vesturlandsvegi eftir rúmlega tólf mínútna eftirför verða yfirheyrðir síðar í dag. Fjórir lögreglumenn slösuðust minniháttar á meðan á eftirförinni stóð og í lok hennar.

Staða efnahagsmála verri en talið var

Horfur í efnahagsmálum þjóðarinnar voru verri á vaxtaákvörðunardegi Seðlabankans 19. mars en við stýrivaxtaákvörðun 29. janúar.

Samstaða um brýnustu málin

Alþingi Þingmenn eru flestir sammála um að ekki megi ljúka þingstörfum fyrr en tiltekin brýn frumvörp, önnur en stjórnarskrármálið sem nú er þæft á hverjum þingfundinum á fætur öðrum, hafa verið afgreidd sem lög. Um 120 frumvörp liggja nú fyrir Alþingi en ljóst er að aðeins lítill hluti þeirra verður að lögum fyrir kosningar.

Saman á fundi á Klörubar

Boðaður hefur verið fundur með tveimur fyrrverandi formönnum Framsóknar­flokksins á Kanaríeyjum næstkomandi laugardag, þeim Guðna Ágústssyni og Valgerði Sverris­dóttur.

Klessti bifreið á hurðir verslana til þess að komast inn

Þrjú tilvik voru seint í nótt í umdæmi lögreglunnar á höfuðborgarsvæðinu þar sem bifreið var ekið á hurð í verslunum. Lögregla telur að sami maður hafi verið að verki í öllum tilfellum og komst hann á brott með varning í tveimur þeirra, meðal annars myndavélar úr verslun í Skipholtinu.

Alþingi hefur aldrei áður fundað jafn nærri kjördegi

Nær öruggt er að Alþingi mun koma saman eftir páska, segir Lúðvík Bergvinsson, þingflokksformaður Samfylkingar­innar. Hann segir að jafnvel þótt sjálfstæðismenn létu þegar af málþófi sínu væri tíminn til að koma nauðsynlegum málum í höfn í dag og á morgun sennilega of naumur.

Lífeyrissjóðir með svipað tap og aðrir

Íslensku lífeyrissjóðirnir skiluðu neikvæðri ávöxtun upp á 21,5 prósent í fyrra, miðað við tölur frá Fjármálaeftirlitinu. Margir erlendir lífeyrissjóðir skiluðu verri ávöxtun en þeir íslensku gerðu og það þrátt fyrir efnahagshrunið hér á landi. Norski olíu­sjóðurinn skilaði til dæmis neikvæðri ávöxtun upp á 23,3 prósent og belgískir sjóðir skiluðu ávöxtun upp á mínus 25 prósent árið 2008.

Fékk ekki færi á andmælum

Dómsmálaráðuneytið á að taka aftur fyrir mál karlmanns frá Venesúela sem Útlendingastofnun vísaði úr landi eftir að hann hafði lokið afplánum dóms fyrir líkamsárás.

Einna lægst hlutfall hér

Ungbarnadauði hefur verið lágur hér á landi miðað við önnur lönd undanfarinn áratug. Í fyrra dóu ellefu börn á fyrsta ári hér á landi. Það þýðir að af hverjum þúsund lifandi fæddum börnum dóu að meðaltali 2,5 börn. Þetta kemur fram hjá Hagstofunni.

Einhliða upptaka ekki rædd

Alþingi Íslensk stjórnvöld hafa ekki rætt um það við Alþjóðagjaldeyrissjóðinn að taka einhliða upp evru hér á landi. Þetta sagði Steingrímur J. Sigfússon fjármálaráðherra á Alþingi í gær.

Eftirför á fjölda lögreglubíla

Fjöldi lögreglubíla veitti í gærkvöld ökumanni á fólksbíl eftirför frá Bústaðavegi upp á Vesturlandsveg ofan við Grafarvog.

Býður samstarf við starfsfólkið

Ögmundur Jónasson heilbrigðisráðherra átti í gær fundi með trúnaðarmönnum verkalýðsfélaga innan heilbrigðisþjónustunnar, BSRB og SGS, til að ræða stöðu hennar og framtíðarhorfur. Ráðherrann bauð samvinnu við stéttar­félögin.

Ákærður fyrir að smána Kína

Ríkissaksóknari hefur ákært 27 ára gamlan Tékka, Jan Jirícek, fyrir að sletta rauðri málningu á tröppur kínverska sendiráðsins fyrir rúmu ári.

Mikil verðmæti geta glatast á töfum

Hlynur Jónsson, formaður skilanefndar SPRON, segir mikil verðmæti í uppnámi, gangi salan á SPRON til MP Banka ekki eftir.

Hvaða mál eru í forgangi?

Boða til mótmæla gegn Rauða Krossinum

Hópur aðgerðasinna hafa efnt til mótmæla við höfuðstöðvar Rauða Krossins við Efstaleitið á miðvikudaginn klukkan hálf tólf. Þetta má sjá á vefsvæði á Facebook. Þar er því haldið fram að Rauði Krossinn standi aðgerðarlaus hjá gagnvart þeim flóttamönnum sem beðið hafa um hæli hér á landi. Þá er einnig spurt hversvegna Rauði Krossinn sinni ekki hlutverki sínu.

Össur Skarphéðinsson: Orkulindir geta ekki tapast

Iðnaðarráðherrann Össur Skarphéðinsson skrifar á bloggsíðu sína nú um kvöldmatarleytið að orkulindir geti ekki tapast hér á landi, skýr lög verndi þær.

Ákærður fyrir eignarspjöll við kínverska sendiráðið

Ákæru á hendur hugsjónamannins Jan Jiricek var þingfest í Héraðsdómi Reykjavíkur í dag en hann hellti rauðri málningu á tröppur kínverska sendiráðsins í mars á síðasta ári.

Réttlætanlegt að takmarka mótmæli við einkaheimili

Þegar mótmælendur safnast saman fyrir utan einkaheimili er talið réttlætanlegt að takmarka fundarfrelsi og tjáningarfrelsi með aðgerðum lögreglu, segir lagaprófessor við Háskóla Íslands. Sjö manns voru handteknir í gær við mótmæli fyrir utan heimili forstjóra Útlendingastofnunar.

Álrisar beðnir um álit á stjórnarskrá Íslands

Stjórnarskrárnefnd óskaði eftir því að fulltrúar þriggja erlendra stórfyrirtækja veittu umsögn um stjórnarskrá Íslands. Fróðir menn minnast þess ekki að slíkt hafi áður verið gert.

Össur áhyggjufullur vegna eldflaugaskots

Utanríkisráðherrann, Össur Skarphéðinsson, lýsir yfir alvarlegum áhyggjum yfir tilraunaskoti stjórnvalda Norður-Kóreu en ríkið skaut eldflaug á loft þann fimmta apríl síðastliðinn. Í tilkynningu sem Össur sendi frá sér segir eftirfarandi:

Landsbankinn býður upp á óverðtryggð íbúðalán

Landsbankinn tilkynnti á blaðamannafundi nú síðdegis að hann hyggst bjóða upp á óverðtryggð íbúðalán og er það liður í lausn bankans til þess að aðstoða heimili í greiðsluerfiðleikum.

Rimlahliði og fartölvu stolið

Aðfaranótt síðastliðins föstudags var brotist inn í þrjú fyrirtæki í Þorlákshöfn. Þessi fyrirtæki voru verslun Olís við Óseyrarbraut, veitingastaðurinn Svarti sauðurinn við Unubakka og Þjónustustöðin sem einnig er við Unubakka. Úr Olís var stolið skiptimynt og eitthvað af bílahreinsivörum. Úr Svarta sauðnum var stolið skiptimynt og fjórum kössum af Viking bjór. Einskis var saknað úr Þjónustustöðinni nema hugsanlega lítilræðis af skiptimynnt. Sömu aðferð var beitt við að komast inn í fyrirtækin það er með því að spenna upp hurð með einhvers konar áhaldi.

Yfir 40% verðmunur á matarkörfunni

41% verðmunur reyndist á matvörukörfunni þegar verðlagseftirlit ASÍ kannaði verð í 8 verslunum 2.apríl. Vörukarfan var ódýrust í Bónus þar sem hún kostaði 15.158 krónur en dýrust í Samkaup Úrval 21.402 krónur, en verðmunurinn er 6.244 krónur.

„Hættum nú þessum kjánaskap góðir þingmenn“

Þingmenn Sjálfstæðisflokksins vildu vita þegar þingfundur hófst að nýju klukkan þrjú hversu lengi fundurinn ætti að standa. Sturla Böðvarsson óskaði eftir því að hlé yrði gert á fundinum á meðan sjónvarpsútsending með frambjóðendum í Norðvesturkjördæmi fer fram á Ísafirði kvöld. Mörður Árnason, varaþingmaður Samfylkingarinnar, bað þingmenn um að hætta því sem hann kallaði kjánaskap.

Framkvæmdum hraðað við ofanflóðavarnir

Í kjölfar tillögu Kolbrúnar Halldórsdóttur umhverfisráðherra sem samþykkt var í ríkisstjórn um að framkvæmdum við ofanflóðavarnir verði hraðað, hefur ofanflóðanefnd óskað eftir heimild fjármálaráðuneytisins til að bjóða út framkvæmdir við varnargarða í Neskaupstað og í Ólafsfirði. Umhverfisráðherra lagði til við ríkisstjórn að tæpum 1.100 milljónum króna yrði varið í ofanflóðavarnir til viðbótar við þær tæpar 700 milljónir sem ákveðið var að veita í málaflokkinn samkvæmt fjárlögum.

Erfiðara að nálgast harðari efni

Þórarinn Tyrfingsson yfirlæknir á Vogi segist eiga vona á aðgerðir lögreglu er varða upprætingu á kannabisræktunum muni skila sér á næstunni í minna framboði á markaði. Samkvæmt nýjustu verðkönnun SÁÁ hefur grammið af kannabis staðið í stað síðustu þrjá mánuði og kostar um 3.400 krónur en amfetamín hefur snarhækkað í verði. Þórarinn segir að amfetamínið hafi hækkað í janúar sem sé óeðlilegt þar sem yfirleitt hafi það gerst í kringum jólin.

Yfir 900 umsóknir vegna greiðsluerfiðleika

Fyrstu þrjá mánuði þessa árs hafa 942 umsóknir vegna greiðsluerfiðleika borist til Íbúðalánasjóðs. Úrræði vegna greiðsluvanda geta verið af ýmsum toga, t.d. skuldbreyting vanskila, frestun á greiðslum og lenging lána, að fram kemur í tilkynningu frá sjóðnum.

Ólafur Ragnar sendir forseta Ítalíu samúðarkveðjur

Forseti Íslands Ólafur Ragnar Grímsson hefur í dag sent forseta Ítalíu Giorgio Napolitano samúðarkveðjur sínar og íslensku þjóðarinnar vegna hörmunganna sem orðið hafa í kjölfar jarðskjálftanna í Abruzzo.

Tillögu Þorgerðar hafnað

Tillaga Þorgerðar Katrínar Gunnarsdóttur, varaformanns Sjálfstæðisflokksins, um að stjórnarskrárfrumvarpið yrði sett aftur fyrir mikilvægari mál á dagskrá Alþingis var felld í dag. Þorgerður taldi brýnt að ræða frumvarp Össur Skarphéðinssonar, iðnaðarráðherra, um heimild til samninga um fyrirhugað álver í Helguvík. 31 þingmenn voru andsnúnir tillögu Þorgerðar en 20 greiddu atkvæði með henni. 12 voru fjarstaddir.

Landsbjörg í viðbragðsstöðu vegna jarðskjálftans á Ítalíu

Rétt fyrir klukkan 2 í nótt bárust boð frá jarðvísindastofnun Bandaríkjanna um að jarðskjálfti upp á 6.3 á Richter hefði riðið yfir miðhluta Ítalíu. Jarðskjálftinn var mjög grunnt undir borginni L‘Aquila sem er um 90 km norðaustur af Róm. Stjórnendur Íslensku Alþjóðasveitarinnar vöktuðu ástandið frá fyrstu mínútum og öfluðu upplýsinga í gegnum fjölmiðla og tengiliði innan Sameinuðu þjóðanna.

Kókaín og sterar í húsleit á Akureyri

Í gærmorgun framkvæmdi lögreglan á Akureyri húsleit í íbúð hjá karlmanni á fimmtugsaldri og fundust þar um 15 grömm af kókaíni og lítilræði af sterum. Manninum var sleppt og lokinni yfirheyrslu og telst málið upplýst. Einn karlmaður á þrítugsaldri sem var gestkomandi í íbúðinni reyndist svo hafa einn neysluskammt af fíkniefnum á sér.

Nagladekkjum fækkað um fjórðung frá 2001

42% bifreiða í Reykjavík voru á nagladekkjum í marsmánuði. Svifryk fór fjórum sinnum yfir heilsuverndarmörk í marsmánuði. Notkun nagla er bönnuð eftir 15. apríl.

Allir nema Álfheiður eiga hlut í Smugunni

Allir þingmenn Vinstrihreyfingarinnar græns framboðs fyrir utan Álfheiði Ingadóttur eiga hlut í vefmiðlinum Smugunni. Meirihluti þeirra á hlut í Friðarhúsi, húsnæði Samtaka hernaðarandstæðinga. Formaður flokksins á 200 þúsund krónu hlut í Efnalaug Suðurlands.

Samningar við Breta vegna hryðjuverkalaganna í góðum farvegi

Utanríkisráðherra segir að samningar við Breta vegna hryðjuverkalaganna séu í góðum farvegi og vonandi þurfi Íslendingar ekki að taka á sig neinn skell vegna Icesave. Þingmaður Framsóknarflokksins segir utanríkisstefnu Samfylkingarinnar bara felast í því að mala.

Algjörlega gjörsamlega óskiljanlegt

Illugi Gunnarsson þingmaður Sjálfstæðisflokksins sagði það algjörlega gjörsamlega óskiljanlegt hvernig ríkisstjórnin þráast við. Þessi orð lét Illugi falla í umræðum um fundarstjórn forseta sem nú fer fram á Alþingi. Hart er tekist á og vilja sjálfstæðismenn fresta umræðum um stjórnarskrá og afgreiða mál er snerta fyrirtæki og heimili í landinu eins og þeir orða það.

Belginn skilaði af sér seint í gærkvöldi

Gilles Romain Chaterine Classens, 21 árs gamall Belgi sem gripinn var í Leifsstöð í síðustu viku er búinn að skila af sér fíkniefnum sem hann hafði innvortis. Efnunum skilaði Belginn af sér seint í gærkvöldi en hann notaði meðal annars laxerolíu til þess að auðvelda sér verkið. Ekki liggur fyrir hversu mikið af efnum maðurinn hafði innvortis, en það mun liggja fyrir seinna í dag.

Lægstu launin í iðnaði - hæst í fjármálaþjónustu

Regluleg laun á almennum vinnumarkaði voru að meðaltali 324 þúsund krónur á mánuði árið 2008. Regluleg laun fullvinnandi launamanna voru 355 þúsund krónur að meðaltali og regluleg heildarlaun, það er regluleg laun ásamt yfirvinnu, voru 393 þúsund krónur. Greiddar stundir fullvinnandi launamanna voru að meðaltali 44,7 stundir á viku. Heildarlaun fullvinnandi launamanna voru 454 þúsund krónur að meðaltali á mánuði. Í heildarlaunum eru regluleg heildarlaun að viðbættum ýmsum greiðslum sem ekki eru gerðar upp á hverju útborgunartímabili svo sem desemberuppbót og afkomutengdar greiðslur.

Segir álver í Helguvík vinna gegn fjölbreyttri atvinnustefnu

Álfheiður Ingadóttir þingmaður Vinstri grænna leggst eindregið gegn samþykkt frumvarps um heimild til samninga um álver í Helguvík. Í nefndaráliti Álfheiðar í iðnaðarnefnd bendir hún meðal annars á óvissu um efnahaglseg áhrif þess sem og umhverfisáhrifin. Hún segir þau hvorki hafa verið mtein fyrir tengdar framkvæmdir né fyrir þá 360 þúsund tonna framleiðslu sem samningurinn gerir ráð fyrir, heldur aðeins fyrir 250 þúsund tonna álver. Þá segir Álfheiður að aðeins liggi fyrir heimildir fyrir losun sem svarar 150 þúsund tonna framleiðslu þannig að væntingar um fjölda nýrra starfa og arðsemi framkvæmdarinnar séu ekki byggðar á raunhæfum forsendum.

Skíðamenn streyma til Akureyrar um páskana

Skíðasvæðið í Hlíðarfjalli á Akureyri er opið í dag frá klukkan 10 til sjö. Gott veður er í fjallinu, logn og hiti við frostmark. Fjöldi fólks er komið í bæinn til þess að stunda skíðin um páskana að því er segir í tilkynningu frá reksrtraraðila fjallsins.

Íslenskir karlmenn verða elstir í heiminum

Árið 2008 dóu 1.986 einstaklingar með lögheimili á Íslandi, 981 karl og 1.005 konur. Dánartíðni var því 6,2 látnir á hverja 1.000 íbúa. Þetta kemur fram á vef Hagstofu Íslands. Eins og annars staðar í heiminum er meðalævilengd íslenskra karla styttri en kvenna. Íslenskir karlar geta nú vænst þess að verða 79,6 ára gamlir en konur 83,0 ára.

Óku á járnplötur á Hellisheiði

Tveir bílar skemmdust nokkuð á Hellisheiðinni í gærkvöldi þegar þeir óku á stórar járnplötur sem virðast hafa dottið af flutningabíl. Bílarnir óku á plöturnar með þeim afleiðingum að þeir rispuðust töluvert en enginn slasaðist í ákeyrslunum.

Össur neitaði að vera á ljósmynd með Brown

Össur Skarphéðinsson neitaði að láta mynda sig með Gordon Brown forsætisráðherra Breta á leiðtogafundi Atlantshafsbandalagsins sem lauk í gær. Á bloggsíðu sinni lýsir Össur því þegar hann gekk í flasið á Brown þar sem hann var að láta mynda sig með Sarkozy Frakklandsforseta og Steve Harper, forsætisráðherra Kanadamanna.

Eldur í gaskút í Breiðholti

Slökkvilið höfuðborgarsvæðisins var kallað að Asparfelli á níunda tímanum í gærkvöldi vegna elds á fimmtu hæð. Svo virðist vera sem kviknað hafi í gaskút á svölum hússins.