Sérhæfð í málefnum innflytjenda

Landsbanki Íslands og Alþjóðahúsið hafa gert með sér samstarfssamning um menntun starfsfólks bankans í málefnum innflytjenda á Íslandi. Tólf starfsmenn úr jafnmörgum útibúum Landsbankans, víðsvegar að af landinu sitja þessa dagana á námskeiði og sérhæfa sig í málefnum innflytjenda.

Dæmdur fyrir umboðssvik

Jón Ragnarsson, fyrrverandi framkvæmdastjóri og stjórnarformaður Lykilhótela, var í Héraðsdómi Reykjavíkur, dæmdur í fjögurra mánaða skilorðsbundið fangelsi fyrir umboðssvik. En hann tók 37 milljóna króna lán í nafni félagsins hjá Framkvæmdasjóði Íslands.

Krefst afsökunar vegna auglýsingar

Friðbjörn Möller, faðir grunnskólabarna á Akureyri, krefst þess að kennarar við Brekkuskóla biðjist formlega afsökunar á auglýsingu sem þeir settu í Dagskrána, rits sem dreift er í hús. Auglýsingin ber yfirskriftina Andlátsfregn, en í henni er gefið í skyn að með lagasetningu á verkfall kennara hafi skólastefna, ánægðir kennarar og góður skóli beðið bana.

600 milljóna tekjuaukning

Jóhanna Sigurðardóttir alþingismaður telur að tekjur ríkisins af virðisaukaskatti á eldsneyti hafi aukist um um það bil sexhundruð milljónir vegna ólögmæts samráðs olíufélaganna. Nauðsynlegt sé að framkvæmd verði úttekt á því hvað mikið af því sem hún kallar ránsfeng olíufélaganna rann í ríkissjóð.

Flutti inn fíkniefni í vösunum

Tæplega fertugur maður hefur verið ákærður fyrir innflutning á tæpu kílói af kókaíni og tæpu kílói af amfetamíni. Hann var handtekinn á Keflavíkurflugvelli þegar hann var að koma hingað til lands í maí.

Stakk mann fjórum sinnum

Tveir menn, nítján og tuttugu ára, hafa verið ákærðir, annar fyrir sérstaklega hættulega líkamsárás, fyrir framan Broadway í Ármúla í september í fyrra. Annar mannanna stakk þolandann fjórum sinnum með hnífi víðs vegar um líkamann. Aðalmeðferð í málinu var í Héraðsdómi Reykjavíkur í gær.

Verðið var lækkað segir Hjörleifur

Hjörleifur Jakobsson, forstjóri Olíufélagsins, segir það rangt að Esso standi ekki við áður gefin fyrirheit um að láta útsöluverð á bensíni hérlendis fylgja verðþróun í heiminum. Félagið hafi þannig lækkað verð sl. fimmtudag.

Mestur hagvöxtur á Íslandi

Mestum hagvexti á Norðurlöndunum er spáð á Íslandi næsta ár samkvæmt nýútkominni skýrslu norrænu efnahagsnefndarinnar. Nefndin spáir 5,5 prósenta hagvexti hér á landi á þessu ári og 4,9 prósenta hagvexti árið 2005. Heldur minni hagvexti er spáð á hinum Norðurlöndunum.

Ráðinn í forsætisráðuneytið

Steingrímur Ólafsson hefur verið ráðinn upplýsingafulltrúi í forsætisráðuneytinu. Steingrímur nam fjölmiðlafræði við blaðamannaháskólann í Osló og hefur starfað um árabil við blaða- og fréttamennsku. Hann hefur að undanförnu starfað sem kynningarstjóri Fróða.

Steingrímur í forsætisráðuneytið

Steingrímur Sævarr Ólafsson hefur verið ráðinn upplýsingafulltrúi í forsætisráðuneytinu. Starfið er nýtt og undir það fellur meðal annars umsjón með heimasíðu ráðuneytisins, upplýsingagjöf af ýmsu tagi og afgreiðsla fyrirspurna og skýrslubeiðna.

Lítið traust á leiðtogum

Tveir af hverjum þremur Íslendingum telja að stjórnmálaleiðtogar láti undan þrýstingi þeirra sem hafa meiri völd en þeir sjálfir og góður meirihluti landsmanna telur að viðskiptaleiðtogar hafi of mikil völd og ábyrgð. Næstum þrír af hverjum tíu telja íslenska viðskiptaleiðtoga óheiðarlega og tveir af hverjum tíu segja það sama um stjórnmálaleiðtoga.

Ónýt eftir nauðhemlun

Gríðarlegur hvellur varð til þess að flugmenn á breiðþotu Atlanta-flugfélagsins hættu við flugtak í Sameinuðu arabísku furstadæmunum, á dögunum. Mikinn reyk lagði frá vélinni þegar flugmennirnir nauðhemluðu og beygðu svo út af flugbrautinni.

Samræmdum prófum frestað

Menntamálaráðherra hefur ákveðið að samræmdum prófum í fjórða og sjöunda bekk verði frestað fram í febrúarbyrjun vegna verkfallsins.

BHM harmar lagasetninguna

Bandalag háskólamanna harmar að Alþingi hafi bundið enda á verkfall grunnskólakennara með lagasetningu.

Uppsagnir á Ólafsfirði

Stjórnendur sveitarfélaganna leita ráða dyrum og dyngjum til að mæta 30 prósenta kostnaðarauka sem samningur kennara hefur í för með sér. Víða verður niðurskurður í þjónustu. Á Ólafsfirði verða uppsagnir starfsmanna. </font /></b />

Ráðherra sagður sniðganga þing

Kolbrún Halldórsdóttir, vinstri-grænum gagnrýndi menntamálaráðherra harkalega á Alþingi í gær fyrir að hafa átt hlut að stofnun Íþróttaakademíu í Reykjanesbæ án þess að hafa svo mikið sem kynnt málið á þingi

Varaformaður veldur írafári

Sjálfstæðismaðurinn Einar Oddur Kristjánsson, varaformaður fjárlaganefndar, olli talsverðu írafári á Alþingi í gær þegar hann lýsti því yfir að nýundirritaðir samningar kennarasambandsins og sveitarfélaganna væru skelfilegir, eins og hann orðaði það.

Skelfileg mistök?

Sveitarstjórnarmenn hafa gert skelfileg mistök með samningum sínum við kennara, segir Einar Oddur Kristjánsson varaformaður fjárlaganefndar Alþingis. Ríkisstjórnin hafi verið búin að draga þá í land með því að setja deiluna í gerðardóm en þeir hafi sjálfviljugir kosið að fara sér að voða.

Kosið um sameiningu á morgun

Kosið verður um sameiningu hreppanna sunnan Skarðsheiðar á morgun. Það verður í fyrsta sinn sem íbúum sveitarfélaganna gefst kostur á að kjósa um sameininguna en sameiningarviðræður hafa verið uppi á borðinu í um það bil fimmtán ár.

Hafnir við Faxaflóa sameinaðar

Fjórar hafnir á Faxaflóasvæðinu hafa verið sameinaðar í einu sameignarfélagi, Faxaflóahafnir. Samningur um þetta var undirritaður í gær.

Mótmæli ítrekuð á Seltjarnarnesi

Áhugahópur um betri byggð á Seltjarnarnesi hefur mótmælt samþykkt meirihluta bæjarstjórnar Seltjarnarness um breytingu á aðalskipulagi bæjarins. Telur hópurinn að hún gangi þvert gegn vilja 1.100 Seltirninga sem mótmæltu breytingunni.

Olíustjórnendur enn að störfum

Þrátt fyrir að olíufélögin Essó, Skeljungur og Olís hafi skipt um eigendur frá því að verðsamráði þeirra lauk í kjölfar húsleitar Samkeppnisstofnunar þá starfa margir stjórnenda enn hjá félögunum sem taldir eru eiga aðild að samráðinu.

Afskipti utan verksviðs ráðherra

Björn Bjarnason dómsmálaráðherra ætlar ekki að hlutast til um rannsókn efnahagsbrotadeildar ríkislögreglustjóra á þætti einstaklinga í verðsamráði olíufélaganna. Þetta kom í svari hans við fyrirspurn Jóhönnu Sigurðardóttur á Alþingi í fyrradag.

Kennarar ekki á eitt sáttir

Laun kennara hækka um 18% að jafnaði á þremur og hálfu ári, samkvæmt nýja samningnum. Það er um 1,5% meira en í miðlunartillögu ríkissáttasemjara, sem var kolfelld. Svívirða, segir sumir kennarar og hafa strax ákveðið að hafna samningnum. Aðrir eru óvissir og segjast frekar vilja slæman samning en ennþá verri úrskurð gerðardóms.

Ætla að kæra „andlátsfregn

Foreldrar á Akureyri hyggjast kæra kennara vegna auglýsingar þeirra um andlát skólastefnu Brekkuskóla, sem birt var í sjónvarpsdagskrá þar í bæ. Andlátsfregnina undirrituðu kennarar í Brekkuskóla.

Ekki rætt um olíubrennslu

Nemendum í meistaranámi í umhverfisfræði finnst lítið gert úr þeirri staðreynd að rafskautaverksmiðja á Grundartanga brennir sextíu tonnum af olíu á dag samkvæmt upphaflegu umhverfismati. Forsvarsmenn verksmiðjunnar ætla að draga meira en helming úr framleiðslunni vegna aðstæðna á markaði.

SÞ myndu stofna rannsóknarnefnd

Forðast ber hættuleg svæði. Þetta segir Steinar Berg Björnsson um atburðina í Kabúl fyrir nokkru. Hann hefur að líkindum meiri reynslu en nokkur annar Íslendingur af friðargæslu og segir að Sameinuðu þjóðirnar myndu stofna rannsóknarnefnd til að kanna hvað hafi gerst.

Fái greitt búsetugjald mánaðarlega

Nefnd á vegum Byggðastofnunar leggur til að íbúar í Árneshreppi fái mánaðarlega greitt sérstakt búsetugjald. Rafmagn verði niðurgreitt og sérstökum aflaheimildum úthlutað til hreppsins sem verður svo deilt á milli útgerðarmanna á svæðinu.

Var vel tekið

Það munaði minnstu að Þorgerður Katrín Gunnarsdóttir yrði troðin undir, þegar hún heimsótti leikskólann Hof, í dag. Ráðherrann lét sér það vel líka.

Vill hreindýr vestur

Skotveiðifélag Íslands vill að hreindýrastofninum á Austurlandi verði skipt í tvennt og hluti hreindýranna fluttur á Vestfirði eða í Barðastrandarsýslu.

Fresta samræmdum prófum

Samræmdum prófum 4. og 7. bekkja grunnskólanna hefur verið frestað fram í febrúar vegna verkfalls kennara. Prófa átti í íslensku og stærðfræði dagana 14. og 15. október.

Velja samning eða gerðardóm

"Kennarar fara yfir samninginn í skugga þess að hafa fengið lög á kjaradeiluna," segir Ólafur Loftsson formaður Kennarafélags Reykjavíkur.

Kennarar greiða samninginn sjálfir

Kennarar íhuga hvernig þeir geta tjáð óánægju sína með nýjan kjarasamning án þess að fella hann og hann fari í gerðardóm, segir Hilmar Ingólfsson, skólastjóri Hofstaðaskóla í Garðabæ. Hann segir að litið sé á samninginn sem nauðungarsamning.

Fjöldi árangurslausra fjárnáma

Fjöldi árangurslausra fjárnáma hjá einstaklingum á árunum 2001 til 15. október 2004 var 17.336 Skipt milli kynja voru þau 12.508 hjá körlum, um 72 prósent af heildinni, en hjá konum 4.828 eða um 28 prósent.

Gefur tóninn fyrir aðra

Kjarasamningi kennara er fagnað hvarvetna í atvinnulífinu, það sé stöðugleiki í sjálfu sér að friður skapist um starf svo stórs launahóps. Verðbólgumarkmið Seðlabankans er þegar í hættu og margir telja að samningurinn bæti ekki úr skák. </font /></b />

Menn eiga að hlýða lögum

Lög eiga að ganga jafnt yfir alla og allir eiga hlýða lögum, hvort sem um olíufursta eða kennara er að ræða. Verkfall kennara er bannað. Kennarar eiga að koma til vinnu. Annars gilda viðurlög samkvæmt lögum. </font /></b />

Áfellisdómur yfir ráðakonum

Eftirvænting ríkti meðal foreldra og nemenda í Austurbæjarskólanum í Reykjavík í gærmorgun þegar foreldrar komu með sex, sjö og átta ára börn í skólann. Börnin biðu í ofvæni við hurðina að stofunni og foreldrar settust niður í fatahenginu og ræddu hljóðlega ástandið í skólamálunum. Margir höfðu hringt fyrr um morguninn til að kanna hvort kennsla færi fram, aðrir renndu blint í sjóinn og bara mættu. </font /></b />

Fundað fram yfir miðnætti

Samningafundur kennara og sveitarstjórnarmanna hjá Ríkissáttasemjara, sem hófst klukkan tíu í gærmorgun, stóð fram yfir miðnætti. Eiríkur Jónsson formaður Kennarasambandsins sagðist í viðtali við Fréttastofuna í morgun, hvorki vera bjartsýnn né svartsýnn á að samkomulag næðist fyrir helgi, en þá taka ákvæði laga um gerðardóm, gildi.

40 árekstrar í dag

Að minnsta kosti fjörutíu árkestrar urðu á höfuðborgarsvæðinu eftir að snjóa tók í gær. Flestir voru þeir minniháttar og ekki er vitað til þess að neinn hafi slasast í þeim. Snjóruðningstæki voru á þönum langt fram á kvöld og byrjuðu aftur snemma í morgun. Með morgninum fór að hvessa á höfuðborgarsvæðinu þannig að kóf verður í vindhviðum.

Undrast lausagöngu Scott Ramsays

Sú ákvörðun Sýslumannsins í Keflavík að krefjast ekki gæsluvarðhalds yfir Scott Ramsay sem játaði að hafa banað dönskum liðsforingja um síðustu helgi hefur vakið mikla athygli. Rannsóknarlögreglumenn á höfuðborgarsvæðinu sem DV hefur rætt við segja það algert einsdæmi að maður sem gerst hefur sekur um slíka árás gangi laus strax að henni lokinni.

Seltirningar fá 350 milljónir

Tekjur Seltjarnarnesbæjar vegna sölu lands og bygginga á Hrólfskálamel og Suðurströnd verða 350 milljónum króna samkvæmt fjárhagsáætlun bæjarins fyrir næsta ár. Tekjur aðalsjóðs sveitarfélagsins og stofnana þess eru áætlaðar 1.432 milljónir króna en gjöldin 1.254 milljónir. Hagnaðurinn er því áætlaður 177 milljónir króna.

Átök út af áburði í Árbæjarlaug

Fastagestir í morgunsundi í Árbæjarlauginni eru að yfirliði komnir út af áburði sem einn gestanna ber á sig í búningsklefanum. Gesturinn telur áburðinn allra meina bót en eigandi Áburðarverksmiðjunnar í Gufunesi þolir ekki lyktina og sparkaði í gestinn með hinn illa lyktandi áburð.

Varnarliðið fer ekki

Colin Powell, fráfarandi utanríkisráðherra Bandaríkjanna, gaf það sterklega til kynna á hálftíma fundi með Davíð Oddssyni utanríkisráðherra í Wasington í gær, að ekki kæmi til greina að að flytja allt varnarliðið héðan. Davíð sagði að fundurinn hafi verið góður og að framvinda mála væri komin í ákveðinn farveg.

Aðhaldsaðgerðir framundan?

Sérfræðingar Greiningardeild Landsbankans túlka þá ákvörðun Seðlabankans að birta fimm mánaða gamla skýrslu fyrst núna, að bankinn sé að búa menn undir kröftugar aðhaldsaðgerðir í peningamálum á næstu misserum.

Ný stöð hjá Atlantsolíu

Valgerður Sverrisdóttir viðskiptaráðherra ætlar að taka fyrstu skóflustungu að nýri bensínstöð Atlantsolíu við Sprengisand í Reykjavík í dag. Þetta verður fyrsta bensínstöð félagsins í Reykjavík og sú fyrsta af sex nýjum stöðvum, sem félagið ætlar að reisa víða um land á næstu misserum.