Fleiri fréttir

Stakk sér í sjóinn á stuttbuxunum

Hafsögubátur frá Reykjavíkurhöfn bjargaði karlmanni úr sjónum rétt utan við Snorrabraut í gærkvöldi, en samkvæmt upplýsingum frá lögreglu sáu sjónarvottar manninn koma hlaupandi yfir Sæbraut á stuttbuxum einum fata og hlaupa í átt til hafs.

Þriggja ára barn höfuðkúpubrotnaði þegar hilla féll á höfuð þess

Þriggja ára barn höfuðkúpubrotnaði þegar hillusamstæða féll á höfuð þess á þriðjudaginn. Atvik voru þannig að í hillusamstæðunni eru skúffur þar sem börnin geyma þá hluti sem þau hafa með sér í leikskólann. Börnin voru að reyna að draga eina skúffuna fram þegar atvikið varð en hún stóð á sér. Þá var togað með nokkru afli í skúffuna sem var til þess að hillusamstæðan hrundi á höfuðið á barninu. Vegna þess hve viðkvæmt málið er hefur Vísir ákveðið að greina ekki frá því hvaða leikskóli á þarna í hlut, að öðru leyti en því að hann er staðsettur í úthverfi Reykjavíkurborgar.

Hækkanir á opinberri þjónustu valda verðbólgu

Opinber þjónusta hefur hækkað um ríflega 35% frá árinu 2008 auk þess sem auknar álögur á eldsneyti, áfengi og tóbak hafa valdið um þriðjungs hækkun á þessum vörum á tímabilinu. Áætla má að hækkanir á opinberum álögum hafi á síðustu árum hækkað verðlag hér á landi um 5-6%. Þetta kemur fram í greinargerð frá ASÍ.

Hlutfallslega fleiri konur látast af völdum reykinga

Miklu meiri líkur eru á að konur sem reykja nú til dags látist af völdum reykinganna en var fyrir fjörutíu árum síðan. Þetta sýna niðurstöður rannsóknar sem birtust í blaðinu New England Journal of Medicine. Samkvæmt niðurstöðum rannsóknarinnar er núna jafn líklegt að konur látist af völdum reykinga og karlar. Í rannsókninni voru skoðuð gögn sem fengin voru frá um tveimur milljónum kvenna í Bandaríkjunum. Læknaskýrslur frá árunum 2000-2010 sýna að konur sem reykja eru 25 falt líklegri til að deyja úr lungnakrabba en konur sem ekki reykja.

Netníðingarnir sem þykjast betri en konur meðal annars frá Húsavík

Búið er að finna þá einstaklinga sem stóðu að baki Facebook-síðunni "Karlar eru betri en konur". Samkvæmt norðlenska fréttablaðinu, Akureyri vikublað, þá fann Þórlaug Ágústsdóttr með aðstoð félaga sinna, þá sem stóðu að baki síðunni, sem miðaði að því að gera lítið úr konum.

Hundrað verksmiðjur Volkswagen

Volkswagen opnaði sína hundruðustu verksmiðju nýlega í Mexíkó. Í henni verða framleiddar 330.000 vélar í Volkswagen bíla. Þetta er langt frá því eins verksmiðja Volkswagen í Mexíkó því það í landi er nú smíðaðir 600.000 Volkswagen bílar á ári. Volkswagen er þó ekki hætt að fjárfesta í N-Ameríku því áætlanir fyrirtækisins hljóða uppá frekari fjárfestingar fyrir 645 milljarða króna á næstu 5 árum þar. Starfsfólk Volkswagen í heiminum öllum er nú rétt um 500.000 talsins, ríflega helmingi fleiri en allir vinnufærir Íslendingar.

Aðalmeðferð hefst í nauðgunarmálinu

Aðalmeðferð í máli fimm manna sem sakaðir eru um að hafa nauðgað ungri konu í strætisvagni í Nýju Delí á Indlandi í desember síðastliðnum hófst í dag.

Alelda bíll við Frakkastíg

Slökkviliðið var kallað út um klukkan hálf sjö í morgun þar sem vegfarandi hafði tilkynnt um logandi fólksbíl neðarlega við Frakkastíg.

Íbúðalánasjóður stofnar leigufélag

Stjórn Íbúðalánasjóðs hefur gengið frá stofnun sjálfstæðs leigufélags, sem yfirtekur og rekur rúmlega 520 fasteignir sjóðsins um land allt.

Jöklar í Andesfjöllum bráðna hratt

Mælingar gefa til kynna að bráðnun jökla í Andesfjöllum hafi náð nýjum hæðum á síðustu árum. Niðurstöður rannsóknarinnar voru birtar í vísindatímaritinu Cryosphere, eða Freðhvolf, á dögunum en hún var framkvæmd af alþjóðlegum hópi jöklafræðinga. Nær helmingur allra jökla í Andesfjöllum var rannsakaður. Í niðurstöðunum kemur fram að jöklar í Andesfjöllunum í Suður-Ameríku hafi rýrnað verulega frá því að formlegar mælingar hófust á áttunda áratugnum.

Jákvæðir gagnvart aðild Kínverja

Mikilvægi norðurslóða endurspeglast í áhuga fjölmargra þjóða á áheyrnaraðild að Norðurskautsráðinu. Utanríkisráðherrar Svíþjóðar og Noregs eru jávæðir gagnvart beiðni Kínverja.

Netanjahú reynir að mynda breiða stjórn

Yair Lapid, óvæntur sigurvegari þingkosninganna í Ísrael, verður í lykilstöðu við stjórnarmyndun. Stjórnarflokkarnir misstu meirihlutann en Benjamín Netanjahú forsætisráðherra reynir nú að mynda breiða stjórn hægri og vinstri flokka.

Boðar endurskoðun og þjóðaratkvæði

David Cameron boðaði í ræðu í gær að aðild landsins að ESB yrði endurskoðuð á næsta kjörtímabili. Þjóðin ákveði í framhaldinu hvort landið verði áfram í ESB. Leiðtogar ESB-ríkja segja ekki hægt að velja og hafna úr sáttmála sambandsins.

Brást sem fyrirmynd

Framferði brottrekins bæjarritara á Akranesi hlaut að hafa alvarlegar afleiðingar ítrekar einróma bæjarstjórn í nýrri bókun. Jón Pálmi Pálsson vildi halda starfinu og fá yfirlýsingu um að skoðun hafi sýnt að ekki væri tilefni til frekari aðgerða.

Segir nýtt framboð ekki útilokað

Jón Bjarnason, sem sagði sig úr þingflokki Vinstri hreyfingarinnar – græns framboðs (VG) í gær, útilokar ekki að bjóða sig fram undir merkjum nýs flokks í komandi kosningum.

Sjá ekki eftir mótmælunum

Þær Nadezhda Tolokonnikova og Anna Alekhina, meðlimir í rússnesku pönkhljómsveitinni Pussy Riot, segjast ekki láta erfiðar aðstæður í vinnubúðunum hafa mikil áhrif á sig.

Netsíur ólíklegar til árangurs gegn klámi

"Tækniútfærslan bak við netsíur sem þessar er illframkvæmanleg,“ segir Þröstur Jónasson hjá Félagi um stafrænt frelsi á Íslandi, spurður út í hugmyndir Ögmundar Jónassonar innanríkisráðherra um aðgerðir og lagasetningu til höfuðs klámvæðingu.

Buðu pólfaranum í mat í Síle

Þegar Suðurskautsfarinn Vilborg Anna Gissurardóttir kom á miðvikudagskvöld til Punta Arenas, syðst í Síle, hitti hún þar fyrir áhöfnina á íslenska rannsóknarskipinu Poseidon.

Stúlkubarn slapp naumlega

Rússneskt myndband fer nú sem eldur um sinu á veraldarvefnum. Þar má sjá þegar eins árs gömul stúlka slapp með undraverðum hætti eftir að hún kastaðist út úr fólksbifreið á fjölförnum vegi.

Tilraunir með fuglaflensu hafnar á ný

Tilraunir með H5N1 fuglaflensuna eru hafnar á ný í Hollandi og í Bandaríkjunum. Þar reyna vísindamenn að stjórna stökkbreytingum veirunnar svo að hún geti smitast milli manna.

Athugasemd við HB-Granda dregin til baka

Fiskistofa hefur dregið til baka athugasemd, sem hún gerði nýverið við HB-Granda, vegna þess að aflahlutdeild fyrirtækisins í heildarkvótanum væri komin yfir 12 prósenta leyfilegt hámark.

Konur berjast í fremstu víglínu

Varnarmálaráðherra Bandaríkjanna hefur aflétt nítján ára gömlu banni við því að konur fái að berjast á fremstu víglínu.

Ekki víst að fanginn hafi verið myrtur

Ekki er víst að dauðdagi Sigurðar Hólm Sigurðssonar, fanga á Litla-Hrauni, hafi verið af mannavöldum. Þetta kemur fram í krufningarskýrslu sem dagsett er 26. nóvember 2012.

Sigur Rós í beinni línu á Reddit

Meðlimir íslensku hljómsveitarinnar Sigur Rósar munu svara spurningum aðdáenda á vefsíðunni reddit.com á morgun. Hljómsvein mun svara spurningum beint úr stúdíói í Los Angeles þar sem þeir vinna nú að nýju efni. Á heimasíðu Sigur Rósar segir að aðdáendum sé frjáls að spyrja að því sem þeim dettur í hug.

Eldur á fjórðu hæð

Eldur kom upp í íbúð á fjórðu hæð að Garðastræti 11 í miðborg Reykjavíkur á tíunda tímanum í kvöld. Samkvæmt upplýsingum frá slökkviliðinu voru allar stöðvar sendar á staðinn en eftir að fyrstu reykkafarar fóru inn var þeim snúið við þar sem eldurinn var minniháttar. Vel gekk að slökkva eldinn og er nú unnið að reykræstingu. Ekki er vitað hvort að einhver hafi verið í íbúðinni þegar eldurinn kom upp.

Frekari breytingar stjórnarskrárfrumvarpinu nauðsynlegar

Frekari breytingar á stjórnarskrárfrumvarpinu eru nauðsynlegar áður en hægt er að samþykkja frumvarpið sem stjórnskipunarlög. Þetta er mat laganefndar Lögmannafélags Íslands. Nefndin gerir margar athugasemdir við efni frumvarpsins.

Karlmenn prófa að "fæða barn“

Tveir hollenskir karlmenn fetuðu nýjar slóðir í þarlendum sjónvarpsþætti á dögunum. Þá fengu þeir að kynnast sársauka sem fylgir hríðum rétt fyrir fæðingu barns.

Mamma, afhverju ertu svona feit?

Þetta byrjaði þegar dóttir mín spurði; ,,Mamma, afhverju ertu svona feit?". Þetta segir Guðrún Ásdís Sturlaugsdóttir sem hefur ásamt manninum sínum misst 60 kíló og frá því að spurningin var borin upp og stofnuðu á dögunum heimasíðu til að hjálpa fólki við að gera slíkt hið sama.

Stjúpfaðir Eiríks Guðbergs: "DV drap ekki Gísla, hann drap sig sjálfur"

„Ísafjörður er góður bær og það er alveg æðislegt að búa þar. Ég vildi óska þess að einhver hefði sagt eitthvað við mig, ef einhver hefði vitað af þessu - en hvers vegna enginn gerði það, það getur enginn svarað því held ég," segir Stefán Torfi Sigurðsson, stjúpfaðir Eiríks Guðbergs Stefánssonar, sem er annar af þeim tveimur sem kærðu Gísla Hjartarson fyrir kynferðisbrot í desember árið 2005.

Kristjón Þorkelsson látinn

Kristjón Þorkelsson, sendifulltrúi Rauða krossins á Íslandi, varð bráðkvaddur í Síerra Leóne sunnudaginn 20. janúar. Kristjón hafði starfað að neyðaraðgerðum fyrir Rauða krossinn vegna kólerufaraldurs í Síerra Leóne síðan í ágúst.

Hver er sjónvarpsmaður ársins 2012?

Lesendum Vísis gefst nú kostur á að velja þann sjónvarpsmann sem þeir telja hafa skarað fram úr á síðasta ári. Hafin er forkosning til Edduverðlauna í flokknum Sjónvarpsmaður ársins og stendur hún til 6. febrúar.

Lögreglan lýstir eftir konunum sem komu Guðjóni til aðstoðar

Lögreglan á höfuðborgarsvæðinu óskar eftir að ná tali af tveimur konum sem komu Guðjóni Guðjónssyni til aðstoðar á Nýbýlavegi í Kópavogi laugardaginn 12. janúar sl. í kjölfar þess að bíl hans, svörtum Mercedes Benz með skráningarnúmerinu B 747, var stolið.

Ólafur Ragnar lét Gordon Brown heyra það

Ólafur Ragnar Grímsson, forseti Íslands, lét Gordon Brown, fyrrverandi forsætisráðherra Bretlands, heyra það á ráðstefnu um efnahagsmál sem stendur nú yfir í Davos í Sviss.

„Þingflokkurinn vill ekki að ég starfi fyrir sig“

Jón Bjarnason fyrrverandi ráðherra hefur sagt skilið við þingflokk Vinstri grænna. Ragnheiður Ríkharðsdóttir, fyrsti varaforseti Alþingis, las upp yfirlýsingu frá Jóni í upphafi þingstarfa í dag.

Sjá næstu 50 fréttir

Mest lesið