Jón Bjarnason segir skilið við þingflokk VG

Jón Bjarnason þingmaður hefur sagt sig úr þingflokki VG. Ragnheiður Ríkharðsdóttir, varaforseti Alþingis, las bréf frá Jóni þessa efnis upp við upphaf þingfundar í dag. Jón hefur verið þingmaður flokksins frá árinu 1999, þegar flokkurinn fékk fyrst kjörna þingmenn á Alþingi. Jón tilkynnti á dögunum að hann ætlaði ekki að bjóða sig aftur fram fyrir flokkinn.

Grunaðir um stórfellt landhelgisbrot

Löndun hófst í hádeginu á Eskifirði úr norsku loðnuskipi, sem varðskip Gæslunnar færði þar til hafnar í nótt vegna gruns um alvarlegt landhelgisbrot. Skipstjórinn getur átt yfir höfði sér þunga refsingu.

Svangur fangi lagði sér dýnu til munns

Karlmaður, sem handtekinn var á dögunum þegar hann neitaði að greiða reikning á Flughóteli Keflavíkur, hefur verið dæmdur til að greiða ríkissjóði 20 þúsund krónur. Ástæðan er sú að á meðan hann dvaldi í fangaklefa, yfir eina nótt, beit hann gat á dýnu sem var inni í fangaklefanum.

BBC rýnir í eldgos framtíðarinnar á Íslandi

Nú þegar fjörtíu ár upp á dag eru liðin frá því eldgosið mikla hófst í Heimaey, er ekki úr vegi að skoða heimildarmynd Katie Humble, sem framleidd var fyrir BBC í fyrra. Í myndinni er farið yfir Eyjafjallagosið, Heimaeyjargosið og fleiri stórgos í sögu Íslands, og reynt að rýna í framtíðina varðandi stórgos sem gætu vofað yfir Íslandi og Evrópu.

Játaði að hafa ráðist á Riddara götunnar

Maðurinn sem handtekinn var í gær grunaður um að hafa ráðist á Guðjón Guðjónsson og stolið bíl hans hefur játað sök sína í málinu.

Aðbúnaður kvenlækningadeildar eins og árið 1956

"Ég var hjúkrunarnemi sumarið 1956, og í mínum huga hefur ekki breyst mikið hérna síðan þá,“ segir Regína Stefnisdóttir, kona á áttræðisaldri sem hefur legið á kvenlækningadeild Landspítalans síðan 19. desember.

Ekki hægt að fullyrða að fanginn hafi verið myrtur

Ekki er hægt að fullyrða að Sigurði Hólm Sigurðssyni, fanga á Litla-Hrauni, sem lést í fangelsinu í maí í fyrra hafi verið ráðinn bani. Þetta kemur fram í krufningaskýrslu sem Vísir hefur undir höndum. Tveir menn, þeir Annþór Kristján Karlsson og Börkur Birgisson, sættu einangrunarvist fyrst eftir að Sigurður Hólm lést og hafa setið í sérstakri öryggisvist frá því í júní. Rannsókn málsins er ekki lokið en beðið er eftir skýrslu dómskvadds matsmanns, réttarmeinafræðings sem fer yfir niðurstöður krufningaskýrslunn

Gift áhugafólk um vændi á Facebook

Nýja leitarvél samfélagsmiðilsins Facebook gerir notendum kleift að flokka fólk eftir samfélagsstöðu og áhugamálum.

Bætist í eigendahóp Málflutningsstofu Reykjavíkur

Daníel Isebarn Ágústsson hæstaréttarlögmaður hefur gengið í eigendahóp Málflutningsstofu Reykjavíkur.

Löggan í Beverly Hills á leið í sjónvarpið

Sjónvarpsþættir byggðir á hinum fornfrægu Beverly Hills Cop-myndum eru nú í bígerð, en í þetta sinn verður það sonur hins broshýra Axel Foley sem leysir vandann.

„Menn héldu að við værum rosaleg illmenni“

Jónas Kristjánsson, fyrrverandi ritstjóri DV, fagnar viðtölum Kastljóss við Eirík Guðberg Stefánsson og Hilmar Örn Þorbjörnsson í gærkvöldi.

Cameron lofar þjóðaratkvæðagreiðslu um ESB-aðild

David Cameron, forsætisráðherra Bretlands, hefur lofað kjósendum þjóðaratkvæðagreiðslu um aðild að Evrópusambandinu verði Íhaldsflokkur hans áfram við völd.

Nýr formaður SA verður kjörinn

Vilmundur Jósefsson, formaður Samtaka atvinnulífsins, hefur ákveðið að gefa ekki kost á sér til endurkjörs á aðalfundi samtakanna þann 6. mars næstkomandi. Hann hefur verið formaður frá 2009. Vilmundur hefur setið allt frá árinu 1992 í stjórnum hagsmunasamtaka atvinnulífsins. Hann var formaður Samtaka iðnaðarins 2000 - 2006.

Arnold verður Tortímandinn

Austurríska vöðvatröllið Arnold Schwarzenegger segist verða með í nýjustu kvikmyndinni um Tortímandann sem nú er í undirbúningi.

Eyjamenn nutu guðlegrar forsjár

Elliði Vignisson, bæjarstjóri í Vestmannaeyjum, segir að guðleg forsjón, yfirvegun íbúa og sameiginlegt átak allra landsmanna hafi orðið Eyjamönnum að mildi hörmunanóttina 23. janúar 1973.

Fyrrum forstjóri Porsche í vanda

Wendelin Wiedeking fyrrverandi forstjóri Porsche hefur verið ákærður vegna gerða sinna við hina misheppnuðu yfirtöku Porsche á Volkswagen. Hann ákvað árið 2008 að auka hlut Porsche í Volkswagen í 75% og meiningin var að eignast fyrirtækið að fullu í kjölfarið. Wiedeking hafði hinsvegar neitað því fimm sinnum að áform Porsche væri að eignast Volkswagen og fyrir vikið féllu hlutabréf umtalsvert í Volkswagen. Það varð til þess að fjárfestar seldu hin fallandi bréf í Volkswagen og á meðan kepptist hann við að kaupa þau öll upp. Þessháttar hegðun og lygi er ekki vel séð í Þýskalandi og þeir sem töpuðu miklu á leikfléttunni kærðu hann fyrir verknaðinn. Volkswagen, eins og mörgum er kunnugt, keypti síðan Porsche, og kláraði yfirtökuna með kaupum á síðustu bréfunum í sportbílaframleiðandanum í fyrra. Réttarhöldin í Wiederking gætu tekið marga mánuði. Einnig er réttað yfir fjármálastjóra Porsche frá tíð Wiederking.

Mannræningjarnir með starfsstöðvar í Noregi

Hryðjuverkahópurinn sem tók starfsmenn gasvinnslustöðvar í austurhluta Alsír gíslingu í síðustu viku hafði starfsstöðvar í Noregi.

Stuart Hall sakaður um nauðgun

Breski sjónvarpsmaðurinn Stuart Hall hefur verið ákærður fyrir nauðgun og kynferðisbrot gegn tíu ungum stúlkum.

Attenborough: Mannkyn er plága á jörðinni

Mannkyn er plága á jörðinni og nauðsynlegt er að stemma stigum við fjölgun þess. Þetta sagði breski náttúrufræðingurinn David Attenborough í samtali við breska fjölmiðla í gær.

Ræktuðu nýrnavef á tilraunastofu

Vísindamenn í Japan tilkynntu í dag að þeim hefði tekist að rækta nýrnavef úr stofnfrumum. Er þetta í fyrsta sinn sem slík tilraun ber árangur. Hún markar að mörgu leyti tímamót í vísindasögunni og gæti umbylt lífi þeirra sem reiða sig á himnuskiljun.

Hrefnur við Grindavík

Fjöldi fólks lagði leið sína niður að höfn í Grindavík í gærkvöldi til að fylgjast með hrefnum sem þar busluðu inn í miðri höfn og gæddu sér á síld, sem kom inn í höfnina í torfu fyrir skömmu, og hefur haldið sig þar.

Fjörutíu ár liðin frá eldgosinu í Heimaey

Fjörutíu ár eru í dag liðin frá því að eldgos hófst á Heimaey í Vestmannaeyjum og allir, rúmlega fimm þúsund íbúarnir flýðu til lands um borð í fiskiskipum Eyjamanna.

Útlitið var svart á tímabili

Í dag, 23. janúar eru fjörutíu ár liðin, frá því eldgos hófst á Heimaey. Atburður sem var einstakur í lífi íslensku þjóðarinnar. Einn þeirra fyrstu á vettvang úr landi var Gunnar V. Andrésson, þá ljósmyndari Tímans en nú Fréttablaðsins. Hér er upprifjun hans.

Filippseyjar gefast upp á viðræðum

Stjórnvöld á Filippseyjum leita til Sameinuðu þjóðanna í hafréttardeilum við Kínverja um yfirráð á Suður-Kínahafi. Segja friðsamlegar viðræður engum árangri hafa skilað. Alls gera sex ríki tilkall til mismunandi stórra svæða í Suður-Kínahafi.

Brot afans send ríkissaksóknara

Lögreglan á Akureyri lauk í gær rannsókn á máli 77 ára gamals karlmanns sem grunaður er um að hafa brotið kynferðislega gegn tveimur dóttursonum sínum um árabil.

Fleiri vasaþjófnaðir í Danmörku

Sannkölluð sprenging hefur orðið í fjölda tilkynninga um vasaþjófnaði í Danmörku síðustu ár, en tilkynningum fjölgaði um 40 prósent frá 2007 fram á síðasta ár. Frá þessu segir í Metroxpress.

Bretar óttast að talibanar hefni

Eftir að Harry Bretaprins viðurkenndi opinberlega á mánudag að hafa drepið talibana úr herþyrlu í Afganistan hafa heitar umræður orðið í Bretlandi um hættuna á því að talibanar hyggi á hefndir.

Telur hlýnun jarðar kalla á nýja nálgun

Alþjóðleg ráðstefna á Akureyri um álitaefni norðurslóða, með nýtingu fiskistofna í forgrunni, er hugmynd Steingríms J. Sigfússonar atvinnumálaráðherra. Hann telur aðferðafræðina að baki samningum um flökkustofna gengna sér til húðar.

Enn beðið umsagna um nýja stjórnarskrá

Ákveðið var að fresta því að afgreiða frumvarp um stjórnarskrá úr nefnd í gær. Tvær þingnefndir eiga eftir að skila af sér umsögn um málið. Nefndarformaður vill hefja þingumræðu sem fyrst, hægt sé að semja um breyttan ræðutíma ef með þarf.

Netanjahú stendur verr að vígi á þingi

Samkvæmt útgönguspám að loknum þingkosningum í Ísrael í gærkvöld fær kosningabandalag stjórnarflokkanna Likud og Yishrael Beiteinu 31 þingsæti á þingi. Þetta er mikið fylgistap því á síðasta kjörtímabili höfðu þessir tveir flokkar samtals 42 sæti á 120 manna þingi landsins.

Hefjast fyrst handa í heilbrigðisstofnunum

Ríkisstjórnin boðaði í gær átak til að vinna gegn launamun kynjanna með aðgerðum til að "rétta hlut starfsstétta þar sem konur eru í miklum meirihluta“.

Ráðherra sakaður um þöggun

Sigurður Ingi Jóhannsson, þingmaður Framsóknarflokksins, sakaði Ögmund Jónasson innanríkisráðherra um þöggun vegna viðbragða hans við ummælum forstjóra Útlendingastofnunar, Kristínar Völundardóttur.

Gert að aka 550 km með heimilissorpið

Sveitarstjóri Mýrdalshrepps segir synjun um undanþágu til urðunar á Skógasandi þýða 400 kílómetra akstur með sorp í Álfsnes. Umhverfisráðuneytið segir sveitarfélagið hafa aðra möguleika til urðunar. Undanþágan sé ekki nauðsynleg.

Tveir íslenskir Útlagar með dóp

Tveir íslenskir liðsmenn samtakanna Outlaws voru teknir með fíkniefni á síðbúinni jólaskemmtun samtakanna í Greverud í Austur-Noregi á laugardagskvöld.

Fagna afmæli sögulegra sátta

"Best geymda leyndarmál okkar er að á milli okkar er góður andi,“ sagði Angela Merkel Þýskalandskanslari þegar fréttamenn spurðu út í samskipti hennar við François Hollande Frakklandsforseta. "Það erfiða er að sannfæra ykkur,“ bætti hún við.

Í haldi fyrir árásina á Guðjón

Lögregla handtók í gærmorgun mann á þrítugsaldri sem grunaður er um að hafa ráðist á Guðjón Guðjónsson um þarsíðustu helgi, handleggsbrotið hann og rænt af honum bílnum.

Landhelgisbrjótur gómaður

Skipstjóra á norsku loðnuskipi á Austfjarðamiðum var í gærkvöldi skipað að halda til næstu hafnar hér á landi eftir að varðskipsmenn fóru um borð í skipið og fram komu vísbendingar um að skipstjórinn hafi gefið upp minni afla en í fljótu bragði virðist vera í skipinu.

Norður-Kórea eflir kjarnorkurannsóknir

Norður-Kóreumenn hafa hótað að efla kjarnorkurannsóknir sínar og fjölga í herliði sínu eftir að Öryggisráð Sameinuðu Þjóðanna samþykkti hertar refsiaðgerðir gegn landinu.

Steinn hafnaði inni í svefnherbergi

Kona í Utah er á batavegi eftir að stærðarinnar steinn valt niður brekku, skall á íbúðarhúsi hennar og hafnaði inni í svefnherbergi.

Látbragðsleikur Beyonce hneykslar

Bandaríska stórsöngkonan Beyonce sætir nú harðri gagnrýni fyrir að hafa notast við upptöku þegar hún flutti þjóðsöng Bandaríkjanna við embættistöku Barack Obama á mánudaginn.

Sluppu ómeiddir eftir veltu en gistu fangageymslur

Tveir menn sluppu ómeiddir, en gista fangageymslur, eftir að bíll þeirra valt út af veginum skammt frá Óseyrarbrú, á milli Eyrarbakka og Þorlákshafnar, í gærkvöldi.

Yfirheyrður vegna árásar á Guðjón Guðjónsson

Lögreglan á höfuðborgarsvæðinu yfirheyrðu í gærkvöldi karlmann, grunaðan um að hafa ráðist á Guðjón Guðjónsson um þar síðustu helgi, handleggsbrotið hann og rænt af honum bílnum. Guðjón fannst látinn á heimili sínu fyrir viku.

Líkamsárás og innbrot í Vesturborginni

Maður var barinn harkalega þegar hann kom heim til sín í Vesturborginni í gærkvöldi. Þegar hann opnaði útidyrnar kom óþekktur maður á móti honum og réðst umsvifalaust á hann með barsmíðum, en á meðan á því stóð, skaust annar óþekktur maður út úr íbúðinni og hinn fylgdi þá á eftir.

Fyrsta myndin úr bíómyndinni um Wikileaks

Fyrsta myndin úr Wikileaks-bíómyndinni hefur nú verið birt á internetinu en hún er tekin á Austurvelli og þar sjást þeir Benedict Cumberbatch, sem leikur Julian Assange, og Daniel Brühl, sem leikur Daniel Domscheit-Berg fyrrum talsmann Wikileaks.

Strákarnir í Ísafjarðarmálinu stíga fram: „Það snérist allt um helvítis DV og aumingja maðurinn“

Hilmar Örn Þorbjörnsson og Eiríkur Guðberg Stefánsson komu fram í Kastljósinu í kvöld og sögðu frá kynferðislegu ofbeldi sem þeir urðu fyrir af hendi Gísla Hjartarsonar þegar þeir voru á unglingsaldri.