Flutt á slysadeild eftir mótorhjólaslys

Tvennt slasaðist í gærkvöldi þegar mótorhjól fór út af Biskupstungnabraut rétt eftir klukkan tíu. Ökumaður hjólsins missti stjórn á því sunnan við Geysi í Haukadal og lentu hann og farþegi hans utan vegar. Fólkið var flutt á slysadeild í Reykjavík en að sögn lögreglunnar á Selfossi voru meiðsli þeirra ekki alvarleg.

Flestir vilja Guðríði sem bæjarstjóra

Guðríður Arnardóttir, oddviti Samfylkingarinnar, nýtur mest stuðnings meðal Kópavogsbúa til að verða bæjarstjóri eftir kosningarnar síðar í mánuðinum. Rúmlega 45% vilja að Guðríður verði bæjarstjóri samkvæmt skoðanakönnunum sem unnin var fyrir Samfylkinguna.

Hótar hefndaraðgerðum

Varnarmálaráðherra Suður-Kóreu segir að þeir sem bera ábyrgð á því að eitt af herskipum landsins sprakk í tvennt og sökk í lok mars verði látnir gjalda fyrir það dýru verði. Skipið var 1200 tonn að stærð með 108 manna áhöfn og fórust 46 sjóliðar. Útför þeirra fór fram í síðustu viku.

Aðvarar mótmælendur

Abhisit Vejjajiva, forsætisráðherra Tælands, hvetur mótmælendur til að hætta aðgerðum sínum í Bangkok, höfuðborg landsins, annars geti farið illa fyrir þeim. Aðgerðir mótmælenda hafa staðið í meira en sex vikur í höfuðborginni en þeir krefjast þess að þing landsins verði leyst upp, boðað verði til kosninga og að forsætisráðherrann fari úr landi. Hann hafnaði nýverið sáttaboði þeirra sem fólst í því að mótmælum yrði hætt ef þing landsins yrði leyst upp.

Al-Kaída ber ekki á ábyrgð á sprengjunni

Borgarstjórinn í New York fullyrðir að al-Kaída hryðjuverkasamtökin beri ekki ábyrgð á bílsprengjunni sem sprengja átti á Times Square um helgina.

Guðlaugur Þór: Hefur ekki hugleitt afsögn

Guðlaugur Þór Þórðarson hefur ekki hugleitt að segja af sér þingmennsku þrátt fyrir háværa kröfu um að þeir sem þáðu hæstu prófkjörsstyrkina víki af Alþingi. Þetta segir hann í viðtali við Fréttablaðið í dag.

Kim Jong Il hugsanlega á leiðinni til Kína

Kim Jong Il, leiðtogi Norður-Kóreu, er sagður vera á leiðinni í heimsókn til Kína á allra næstu dögum samkvæmt Suður-kóresku fréttastofunni, Yonhap. Ekki hefur fengist staðfest hvort leiðtoginn sé á leiðinni til Kína samkvæmt AP fréttastofunni.

Obama kominn til Lousiana vegna mengunarslyss

Barack Obama er kominn til Lousiana vegna eins stærsta mengunarslyss í sögu Bandaríkjanna. Olía lekur óheft upp úr borholu í Mexíkóflóa eftir að sprenging varð í olíuborpalli í síðustu viku með þeim afleiðingum að fjöldi starfsmanna létust.

Bíll og vélhjól lentu í árekstri

Bifreið og vélhjól lentu í árekstri í Suðurhlíð í Reykjavík en lögreglan fékk tilkynningu um slysið um hálf sjö í kvöld. Lögreglan og sjúkraflutningamenn eru enn á vettvangi. Frekari upplýsingar liggja ekki fyrir á þessari stundu.

Pakistanskir Talibanar segjast bera ábyrgð á bílasprengju

Herskár hryðjuverkahópur frá Pakistanmeð tengsl við Talibana hefur lýst yfir ábyrgð vegna bílasprengjunnar sem fannst á Times-torgi í gærkvöldi.

Ekkert sjúkraflug í Vestmannaeyjum vegna leyfisleysis

Flugvélar Flugfélags Vestmannaeyja sem sinna sjúkraflugi milli lands og eyja hafa ekki haft leyfi til þess að fljúga frá því á föstudag samkvæmt fréttavefnum suður.net.

Eldsupptök á Hellissandi talin vera helluborð

Talið er að það hafi kviknað í út frá helluborði í húsi á Hellissandi í nótt. Þrjú systkini voru á heimilinu þegar eldurinn kom upp rétt fyrir klukka þrjú í nótt.

Þorvaldur Gylfason: Vill tryggja framhaldslíf rannsóknarnefndar

Þorvaldur Gylfason vill festa rannsóknarnefnd Alþingis í stofnanamynd svo nefndin geti haldið starfi sínu áfram. Hann segir að það þurfi að rannsaka margt.

Félag íslenskra bókaútgefenda óttast ólæsi

Félag íslenskra bókaútgefenda úthlutaði í dag fyrstu styrkjunum úr nýstofnuðum Skólasafnasjóði til bókasafna grunnskólanna samkvæmt tilkynningu frá Félagi íslenskra bókaútgefenda.

Sprengja aftengd á Times torgi

Stórtjóni og mannfalli var forðað í miðborg New york í gærkvöldi þegar sprengjusérfræðingum tókst að aftengja sprengju sem fannst í bíl á Time Square.

20 mótmælendur fóru að heimilum Guðlaugs og Steinunnar

Um 20 mótmælendur tóku sér stöðu fyrir framan heimili Steinunnar Valdísar Óskardóttur, þingmanns Samfylkingarinnar, og Guðlaugs Þórs Þórðarsonar, þingmanns Sjálfstæðisflokksins, um matarleytið í gærkvöldi.

Reykskynjari bjargaði lífi þriggja á Hellissandi

Þrír íbúar komust með naumindum út úr brennandi húsi á Hellissandi í nótt en það var reykskynjari á heimilinu sem vakti þau í tæka tíð. Eldurinn kom upp um þrjú leytið í nótt.

Íhaldsflokkurinn með yfirburðastöðu í kosningunum

Íhaldsflokkurinn er með sjö til tíu prósentustiga forystu á Verkamannaflokkinn í skoðanakönnunum sem birtar eru í Bretlandi í dag.

Olíuflekkur ógnar lífríki á gríðarlega stóru svæði

Gríðarlega stór olíuflekkur nálgast austurströnd Bandaríkjanna allt frá Louisiana til Flórída og ógnar fiskimiðum, fjölbreyttu dýralífi við ströndina og stórum fenjasvæðum sem eru mikilvæg fyrir margar plöntur og fugla.

Virkni gossins svipað og síðustu daga

Ekkert bendir til gosloka. Virkni gossins er svipuð og síðustu átta daga. Hraun heldur áfram að skríða til norðurs og gígur hleðst upp í nyrðsta ískatlinum.

Stal tertuhnífi og greiðslukortum

Ungur síbrotamaður var handtekinn í Reykjanesbæ í gær en hann braust bæði inn í bíla og húsnæði. Pilturinn, sem er um tvítugt, virðist hafa stolið öllu sem á vegi hans varð en lögreglan lagði meðal annars hald á tertuhníf sem hann hafði tekið af einu heimilinu og geymdi í poka.

Þreyttur brandari stöðvaði millilandaflug

Flugvél sem var á leiðinni til Kína frá Taipei í Taívan lenti í Hangzhou, sem er í Austur-Kína, vegna þess að karlmaður um borð í flugvélinni sagðist vera með sprengju.

Duffy ætlar ekki að kjósa í bresku þingkosningunum

Gillian Duffy, sem Gordon Brown, forsætisráðherra Breta, kallaði fordómafulla konu (e. bigoted), ætlar ekki að kjósa í þingkosningunum í næstu viku samkvæmt breska götublaðinu The Daily mail.

Neyðarlög sett í fjórum ríkjum i Bandaríkjunum

Neyðarlög hafa verið sett í fjórum ríkjum Bandaríkjanna vegna olíumengunar, í Alabama, Flórída, Missisippi og Lousiana.

Dökkur gosmökkur yfir Eyjafjallajökli

Eldgosið í Eyjafjallaljökli er enn í fullum gangi og liggur gosmökkurinn nú til suðausturs. Hann er nokkuð dökkur og sést vel á gervitunglamyndum samkvæmt upplýsingum frá Veðurstofunni. Líkur eru á að flug gæti farið úr skorðum snúist vindátt.

Þyrla gæslunnar flutti veikan mann frá Vestmannaeyjum

Landhelgisgæslan þurfti að flytja veikan mann frá Vestmannaeyjum til Reykjavíkur í nótt. Samkvæmt upplýsingum frá Landhelgisgæslunni þá barst henni tilkynning klukkan hálf fjögur í nótt.

Kafarar losuðu portúgalskan togara

Þremur köfurum frá varðskipi Landhelgisgæslunnar tókst í dag að skera veiðafæri úr skrúfu portúgalska togarans Coimbra sem staddur er á Reykjaneshrygg eða um 240 sjómílur frá Reykjanesi.

Gluggar í Intrum einnig brotnir

Starfsmenn Intrum Justitia voru að líma yfir gluggana á höfuðstöðvum fyrirtækisins á Laugaveginum nú fyrir stundu en rúður þar virðast hafa verið brotnar.

60 Mínútur upp á Eyjafjallajökul

Fréttateymi 60 mínútna verður fer upp á Eyjafjallajökul samkvæmt heimasíðu Suður.net.

Brutu rúður í Landsbankanum í miðri kröfugöngu

Nokkrir einstaklingar voru handteknir eftir að þeir brutu rúður í Landsbankanum. Um er að ræða hóp sem gekk ásamt fjölmenni niður Laugaveginn í kröfugöngu um klukkan hálf tvö í dag.

Bubbi spilaði Stál og hnífur á árshátíð Bónus - Jóhannes tók ekki undir

Tónlistamaðurinn Bubbi Morthens spilaði lagið Stál og hnífur fyrir starfsmenn Bónus í gærkvöldi en árshátíð verslunarinnar fór fram í samkomusal í Valsheimilinu.

Styður upptöku eigna auðmanna

Elín Björg Jónsdóttir, formaður BSRB, segir eignaupptöku á eignum auðmanna ekki vafamál í huga félaga stéttafélagsins í ræðu sinni á Austurvelli sem hún hélt þriðja tímanum í dag. Hún segir ennfremur að það sé nauðsynlegt að gera ráðstafanir til þess að búa slíkri eignaupptöku, sem hluta af sáttargjörð í samfélaginu, viðeigandi lagagrundvöll.

Enn haldið sofandi á gjörgæslu

Líðan stúlku sem lenti í umferðaslysi í Reykjanesbæ síðustu helgi er óbreytt. Tvær aðrar stúlkur sem voru með henni í bílnum eru látnar en bifreiðin valt á hringtorgi fyrir viku síðan. Ökumaðurinn er grunaður um að hafa verið ölvaður þegar hann ók bílnum.

EXPO skálinn opnaður formlega í dag

Íslenski skálinn á heimsýningunni EXPO 2010 í Shanghai opnaður formlega í dag en biðraðir hafa myndast fyrir utan skálann í þau fjögur skipti sem hann hefur verið opnaður óformlega. Alls hafa 22 þúsund gestir lagt leið sína í skálann.

Beittu táragasi gegn mótmælendum

Gríska óeirðalögreglan beitti táragasi á ungmenni í Aþenu í Grikklandi í morgun þegar fyrsta maí gangan þar fór framhjá fjármálaráðuneyti landsins. Þúsundir manna streymdu út á götur Aþenu í morgun og ástandið er sagt viðsjárvert.

Fréttateymi frá 60 Mínútum á Íslandi

Teymi frá fréttaskýringaþættinum heimsfræga, 60 mínútum er statt hér á landi. Fréttamaðurinn heimsfrægi, Scott Pelley, er með teyminu sem er að gera þátt um gosið í Eyjafjallajökli og hefur verið statt hér á landi síðan um miðja síðustu viku.

Eldgosið hafði áhrif á 43 milljónir Bandaríkjamanna

Eldgosið í Eyjafjallajökli hafði með einum eða öðrum hætti áhrif á líf 14 prósent Bandaríkjamanna, eða 43 milljónir manna, samkvæmt nýrri könnun Gallup og má finna á heimasíðu Capacent gallup.

Eldgosið í Eyjafjallajökli reiði guðs

Nokkuð framboð er af trúarlegum útskýringum á eldgosinu í Eyjafjallajökli. Þannig greinir rússneska fréttastofan Interfax frá því að Samband sérfræðinga í rétttrúnaðarkirkjunni segi að gosið og askan sem eldfjallið spúði yfir Evrópu sé vegna reiði guðs yfir réttindum samkynhneigðra í Evrópu og umburðarlyndis Íslendinga gagnvart heiðinni trú.

Verkalýðsdeginum fagnað

Alþjóðlegur baráttudagur verkalýðsins, fyrsti maí, er í dag og verður hans minnst með kröfugöngum víða um land í dag.

Gosórói stöðugur í Eyjafjallajökli

Samkvæmt upplýsingum frá Veðurstofu Íslands er staðan á Eldgosinu í Eyjafjallajökli nokkuð óbreytt frá því sem var í gær.

Flestir vilja Hönnu Birnu

Flestir vilja að Hanna Birna Kristjánsdóttir núverandi borgarstjóri og oddviti Sjálfstæðismanna í Reykjavík, gegni borgarstjóraembættinu að loknum kosningum, samkvæmt könnun Fréttablaðsins og Stöðvar tvö.

Dópaður ökumaður á Akranesi

Ökumaður var stöðvaður á Akranesi í nótt grunaður um fíkniefnaakstur. Maðurinn að auki vera með lítilræði af kannabisefnum á sér.

Íhaldsmenn leiða kosningabaráttuna í Bretlandi

Íhaldsmenn leiða kosningabaráttuna í Bretlandi en of snemmt er fyrir David cameron leiðtoga þeirra að fagna sigri.

Yfir tíu þúsund í kröfugöngu

Þúsundir manna gengu fylktu liði niður Laugaveginn í kröfugöngu klukkan hálf tvö í dag. Gengið var niður á Austurvöll þar sem formenn stéttarfélaganna héldu ræðu.

Breyttur útivistartími

Útivistartími barna og unglinga tekur breytingum í dag, 1. maí. Frá þeim tíma mega 12 ára börn og yngri vera úti til klukkan 22.00. 13 til 16 ára unglingar mega vera úti til miðnættis.